යීබෝ අද කවදාවත් වත් නැතුව උදේම නැගිටලා ඇඳට වෙලා කල්පනා කර කර ඉන්නේ අද දවසෙන් පස්සෙ තමන්ගේ ජීවිතේ මොන විදිහට විසදේවිද කියලා. යීබෝට එයාගෙ මාමා ගැන කිසිම අවිශ්වාසයක් නෑ. යීබෝ දන්නවා තමන්ගේ මාමා කොහොමහරි එයාව යවන්නේ නැතුව තියාගන්නව කියලා.. ඒත් එයාට විශ්වාස නැත්තේ සීයාව. මොකද මිස්ටර් වන්ග් කියන්නේ හරියට ඒකාධිපති පාලකයෙක් වගේ.. වන්ග් තීරණයක් ගත්තොත් තීරණේ ගත්තම තමයි.. එයාගේ දරුවො දෙන්නටවත් බෑ එයාට පිටින් යන්න. ඒත් යීබෝගේ මාමා නැත්තන් වන්ග් බෝයොන් එහෙම පිටින් ගිහින් ගත්තේ එකම එක තීරණය යීබෝව අනාථ නිවාසයට නොයවා තියා ගත්තු එක....
කල්පනා ලෝකෙක කිමිදෙමින් හිටපු යීබෝ පියවි සිහියට ආවෙ තමන්ගේ ෆෝන් එකේ රිගින් ටෝන් එක ඇහිලා. ඇඳේ වැතිරිලා උඩ බලාගෙන හිටපු යීබෝ නැගිටලා ඇඳේ හෙඩ් බෝඩ් එකට හේත්තු වුණා. හේතුවෙන ගමන් ඇඳ එහාපැත්තෙ ටේබල් එක උඩ තිබුණු ෆෝන් එක අතට ගත්තේ උදේ පාන්දර මේ කවුද වදවෙන්නේ බලන්න...
ෆෝන් එකේ ස්ක්‍රින් එක දැක්ක ගමන් හිනා ගියේ වද දෙන්නේ වෙන කවුරුත් නෙමෙයි තමන්ගෙ අතිජාත පජාත යාලුවො සෙට් එක නිසා. කට්ටියම උදේ පාන්දර ග්රූප් කෝල් එකක් ගන්නේ ඒකත් වීඩියෝ කෝල් එකක්. යීබෝ කෝල් එක ආන්සර් කරලා තමන්ගේ මුහුණ හොඳට පේන විදිහට ඒක තියා ගත්තා.
" අඩෝ... අද නම් ඉර අනිත් පැත්තෙන් පායයි වගේ.. වෙනදට අපි කී සැරයක් කෝල් කරන්න ඕනද මූව නැගිට්ටවන්න. "
" අනේ මේ ශුවා මගේ මුකුත් අහගන්න එපා හොඳේ... "
යීබෝ කිව්වේ මවාගත් තරහකින් ශුවාන් දිහා බලාගෙන රවන ගමන්...
" අනේ උඹල දෙන්න මේ උදේ පාන්දර කට වහගෙන ඉන්නවද... ඩොබි දැන්ද ඔයා නැගිට්ටේ ආ... "
ෂෝන් කතාව වෙන පැත්තකට යන ගමන් ඇහුවේ යීබෝ ඇවිලුනොත් නිවා ගන්න එක ලේසි නැති නිසායි.
" බොට ඇස් පේන්නැද්ද බං අර බලපන්කෝ කට දෙපැත්තෙ තියෙන කුණු කෙල. අපේ ඩොබියා දැන් නැගිටලා තියෙන්නේ... "
බ්‍රයිට් කට කොනින් හිනාවෙලා එහෙම කියනකොට යීබෝ ඉක්මනට තමන්ගේ කට පිහිද ගත්තෙ යාළුවෝ හැමෝම හයියෙන් හිනා වෙද්දියි.
YOU ARE READING
𝗦𝗧𝗘𝗣 𝗙𝗔𝗧𝗛𝗘𝗥 ( 𝑍𝒉𝑎𝑛𝑌𝑖 𝐹𝐹 )
Fanfictionසම්මතයත් අසම්මතයත් අතර දෝලනය වන ඔවුන්ගේ ආදර කතාවයි මේ...... ❤️💚
