📻ကျွန်မရဲ့ ရေဒီယို📻
~~~~~~~~~~~~~~~~~~
Part _46"ဖေဖေပြောတာသမီး နားလည်ပါတယ်နော် "
"ငယ် ကိုကိုယံကို ပြောကြည့်ပါမယ် ဖေဖေ"
"ပြောကြည့်ရမှာမဟုတ်ဘူး သမီး နားချကိုချရမယ် ဒါကိုသူလုပ်သင့်တာကြာနေပြီ "
"ငယ်သိပါတယ် ဖေဖေ"
"ဖေဖေလက်နဲ့ရေးတာကို ဒီကောင်ဖျက်တာ ၂ခါရှိနေပြီ သူ့ရွယ်တူတွေအားလုံး ဘွဲ့ယူပြီးပြန်လာကြပြီ"
ဖေဖေစကားကြောင့် ငယ်သက်ပြင်းလေးခိုးချလိုက်လေသည်....
"အဖေပိုင်တဲ့ဆေးရုံဆိုပြီး လက်လွှဲတာကမခက်ပေမယ့် သူ့လက်အောက်မှာရှိနေတဲ့လူတွေထက် မလျော့တဲ့ ပညာအရည်အချင်းရှိမှ အုပ်ချုပ်လို့အဆင်ပြေမှာ"
"ဟုတ်ကဲ့ ဖေဖေ"
"ပထမတစ်ခါကလည်းသွားဖို့က မိန်းမယူသွားတယ်.... နောက်တစ်ခါသွားဖို့လုပ်တော့လည်းသမီးတို့လူငယ်တွေကိစ္စပြဿနာတက်ပြီး မသွားဖြစ်ပြန်ဘူး ဒီတစ်ခါတော့သေချာပေါက်သွားကိုသွားမှဖြစ်မယ် အသက်ကမငယ်တော့ဘူး "
ဆိုလိုရင်းကတော့ နှစ်ခါလုံးက ငယ့်ကြောင့် မသွားဖြစ်တာမို့ ဒီတစ်ခါတော့ ဘာပြဿနာမှမလုပ်ဘဲ ကျောင်းပြီးအောင်သွားတက်စေချင်တဲ့သဘော....
"နားချကြည့်ပါ သမီး မိဘပြောတော့တစ်လ မယားပြောတစ်ည တဲ့ စကားပုံတောင်ရှိသေးတာပဲ မနက်ဖြန်ပိတ်ရက် ဒီအိမ်မှာနှစ်ယောက်ထမင်းလာစားကြ အဖေသူ့ကိုကျောင်းသွားတက်ဖို့ကိစ္စပြောလိုက်မယ် ကျန်တာတော့ သမီးနားချကြည့်ပေါ့"
"ဟုတ်ကဲ့ပါ ဖေဖေ ငယ်တို့လာခဲ့ပါမယ်"
_
_
_
_
_
ဟိုဖက်အိမ်ကပြန်လာပြီး ငယ့်မှာ Dress to storyကိုတောင် မသွားနိုင်ဘဲ မခိုင်ကိုသာ လိုတာတွေဖုန်းဆက်လိုက်ပြီး အခန်းတွင်းအောင်းပြီး ဖေဖေပြောတဲ့အကြောင်းကိုစဥ်းစားနေမိတာ ညနေတောင်စောင်းသွားလေသည်...
ကိုကိုယံက ငယ်မလိုက်ရင် သွားမှာလည်းမဟုတ်သလို ငယ့်မှာလည်း အခုမှ နာမည်ရခါစ Storyလေးကို ထားရစ်ခဲ့ဖို့က နှမြောမိနေလေသည်......
သက်ပြင်းတွေအထပ်ထပ်ချနေမိတာဘယ်နှစ်ခါမှန်းမသိတော့ပါ.....
YOU ARE READING
ကျွန်မရဲ့ ရေဒီယို
Romance🤍ငယ်ရဲ့ရေဒီယိုလိုင်းက ကိုကိုယံအကြောင်းဘဲအမြဲလိုင်းမိတယ်🤍 ဘာကြောင့်လဲ????????? 🤍ကြည့်ရတာငယ့်နှလုံးသားထဲ ကိုကိုယံဘဲရှိလို့နေပါရဲ့🤍 #ဆက်ကောင်းယံ+လွင်လေးငယ် #ကျွန်မရဲ့ရေဒီယို Start date _ 7 ,12,2022 End date _16 ,3, 2023