دياجير الغرام

البارت الخامس

-زمهرير : هسه غير افهم شبيك مو خبلتني

راد يحچي بس قاطع كلامنا هلهولة مهيب دخل للبراني يهلهل حضن اركان و ربت على ظهرة دخلت امي ورا وجهة مورد

-فهمونننيييي

-مهيب : اخوچ راح يصير عريس ولچ ارگصي

-احلف

-وحق هو العباس

انا سمعت يعني انطاني الباص الاخضر اخذت شال ماما و لفيتة على خصري و بديت ارگص لحد يسألني منين متعلمة مهوبي مختم التجارب كلها عليه

مهيب فتح ساجدة عبيد  و انطلق وياي تگابلنا نرگص و اركان يضحك ، امي حاطة ايدها على خدها و صافنة علينه و تضحك

اهز بخصري و هو منتكي على رجل وحدة بالگاع و يهز متنه يم خصري
-مهيب : موش بنية طرگاعة سودة

غنيت وي ساجدة
-زمهرير : اسمر و العيون وساع چتالة 

گام مهيب من الگاع و فك الحجاب من خصري و حطة على خصرة و بدة يهز ، حتى فيفي عبدو ما تسبقة مهيب من يهز يكسر اكبر رگاصة

مهيب يهز بخصرة و ما حاس على داير ما دايرا ، كلنه احنا سكتنا من دخل بابا و يأشر عود اسكتوا خلي يكمل

-مهيب : گومي ولچ بس لا تعبتي

أشر بحواجبي اريدة يفتهم ماكو
-مهيب : هاي شبيها حواجبج يرگصن بس لا ربطن وي ط***

حطيت ايدي على حلگي مصدومة يربي هذا فلت
-مهيب : لك ارگان گوم مو عرسك

-مصعب : ها طلع عرس ابني و انا حسبالي انت عرست

و ما نشوفلك بس مهيب طفر طفرة وصل يم ماما و لبد يمها
-انا بشاربچ عطيوة

ماما ما گدرت تكتم ضحكتها اكثر طگتها بضحكة و اركان تمدد بالگاع من الضحك و مهيب يمكن صار بي سكر ، انا ربطت وي مهيب اخترعت اعرف بابا هسه يرزلة رزالة غسل لبس

رحت فتحت الباب الثاني مال البراني و أشرت لعمو مهيب يجي يطلع هو نزع شال ماما و اخذها ركضة برة ، بابا خزرني و هز راسة بيئس

-هو انتي ويا ط**** بلبا* واحد

ضحكت بكتم اعرف هسه اذا ضحكت بصوت عالي يوديني ويا ، راح بابا لغرفتة و ماما باوعتلي و هي ميتة ضحك غمتني و طلعت

اركان گعد على القنفة و سرح ، تقربت يمه
-اركوني

-انچبي

-حباب

-لا

-هو انت عرفت

-ما عرفت بس لا

-اريد اشوفها

-منيه

-زمرد مرت اخوي

انثول وجهة و ابتسم چنه مطي نعسان
-بعد حلگي شحلاتها الحچاية

-ايع هو شلونة حلكك ديلا راويني