رقدتْ، ترشف الكرى مقلتـــــاها
مثلما ترشفُ العطاشُ المياها
صاعـــدات أنفاســها، هادئـــات
كصلاة الأطفال طهر شـذاها
تحلــم الحــلـم لـؤلـؤيًا: فتملــيــه
طهــورًا على الصبـا شفتـاها
وأزاح النسيمُ عن صدرها الثوبَ
فلاحــا... ولا تقـــل نـهـــداها
شكّ في نفسه الملاك، فـــلا يدري
إن كــان صبّــهــا أم أخــــاها
——————————————
زمهرير /
كعدنا ثاني يوم الوادم مخبوصة و البيت صاير سوگ الجمعة ناس رايحة و ناس جاية خاصة بيت ابو اجود كلش جبير تگول فندق راح احسدهم من كثر ما حاطة عيني على بيتهم
مسوي مثل الطوابق و الفواصل بحيث فاصلين واحد للعائلة و الثاني الديوان اعتقد لان زلم رايحة رادة
ابو العائلة يعني الفاصل بي طابقين طابق جوة بي تقريباً ست غرف و الفوك بي اربعة
الزلم نايمين جوة و النسوان فوك بس شنو هسه صايرة خبط وادم رايحة وادم راجعة
انا و تغاريد مخبوصين نريد نخلص حتى نلحك ورا العروس نروح للصالون ، هي لبست صايه و حجاب و منتظرتني انا ادور على صايتي ماكو
نبشت الغرفة نبش ماكو صاية ادري وين راحت اختفتتت نوب جواريب ماكو جواريبي وين
كمشت غزيل اعت بيها
-والعباس ابو فاضل الي ما احلف بي جذب تعرفين شكد احبة اذا ما طلعتيلي هسه صاية اشمر روحي من المحجر لو اطلع لابو اجود اخذ من گلابياتة و اخزيكم و الحمزة
غزيل تعرفني طگة و نص راحت جابتلي من صايتها و انا اركض ركض بس اريد الحك حتى ما يعوفوني ، لبستها و لبست شحاطتي ام الدبدوب و اخذتها ركضة للسيارة
يمة احس نفسي انقطع ، زمرد تضحك علية و تغاريد اختنكت من الضحك ، طبهن مرض اهم شي وصلت ، امي كامشتني تصنيف
-ولج اول مرة اشوفج هي تركضين
-اسكتي يمة اختنكت والله
ضحكت هي و هزت ايدها ، جانت زمرد يم الشباك و تغاريد يمها و انا بنص و ام اجود يمي و مهيب يوصلنا و امي بالصدر
هاي تغاريد من تضحك تفقد الكنترول مالتها كعدت تضرب بظهري احس نخسف عمودي الفقري لبدت بحضن ام اجود
-خالة انتي مرت الشيخ و دخلت يمج ناخيتج توخرين الحقيرة هاي من يمي
دفعتها خالة و هي تضحك و گالت
-بعدي عن مرتو لابني تراها مرتو لشيخ الشيوخ
تغاريد رفعت ايديها مستسلمة
-لا خالة على بختج احنا ناس على گد حالنا
كل هذا و زمردة صافنة و تبتسم و تلفونها بيدها ، حجيت و انا اتحرش بيها
-دشوفوا العروس مدري وين سارحة و التلفون بالايد
دارت وجهة و هي منثولة
-ها وياي ؟
-لا وي تغاريد اي تغاريد شلونة اركان يكولون متخربط
ВЫ ЧИТАЕТЕ
دياجير الغرام
Любовные романы-من انتِ ؟ -انا التي حُلفَ بِكيدُها انا التي هزتْ العرُوشُ بعينهُا انا التي قامتْ الحروبُ مِن اجلِها انا السرمَدِيةَ لا بدايةٍ و لا نهايةٍ لها انا زمهرير و انت ؟ -انا النكرة التي عَرْفتيها انا الخبر الذي رَفَعْتيه انا من أقمتُ الحروبَ و ان...
