دياجير الغرام

البارت الثالث عشر

ان كنتِ لا تحبيني فأتركيني انا احبكِ
اكون بجواركِ
خادماً لكِ
مطيعاً لأشارة عينكِ
و همسة شفتيكِ
اكون كقلادةٍ التفتْ حول نحرِكِ

راضياً و قابلاً بأن اكون انا البديل
اقف في الصفوف الخلفية
انتظر دوري في كسب نظرة من مقلتيكِ
بسمةً من شفتيكِ
و كأساً من ثغرِكِ

-من قلمي -
———————————————
زمهرير /
كرهت نفسي و انا انطيت امل لاجود مستحيل احبه انا اكعد يمه و اتخيل حياتي وي تيم شلون ممكن انام بفراشة ؟؟ اكون ام اطفالة و انا افكر بغيرة

لازم الگي طريقة اوگف هذا الزواج انا و اجود ما نصلح لبعض انا ما افيدة يستاهل احسن مني انا ما يستاهلني ، يظلم روحة بأيدة اذا تزوجني

ثاني يوم قررت اسوي كلشي عدا انو احجي ويا انا منتظرة تيم هو الي حلمت بي و الي مستمرة احلم بي تيم هو بطل حياتي و بطل قصتي و بطلي

قبل ما نروح ماما گالت نساعدكم بالبيت بالتنظيف و بدينا كلنا نساعدهم ، اتقسمنا على مجموعتين ، نص راحوا للديوان و نص بقو هنا

زلم و نسوان ، انتظرت اشوف اجود وين يروح حتى اروح عكسة ما اريد اقابلة ، راح هو و ويا مجموعة للديوان و انا بقيت للبيت نظفنا و خلصنا و هسه يجون العرسان

راح اجيد يجيبهم ، اجوي و كعدوا جانت زمردة وجهة احمرررر و اخوي وجهة مورد من الفرح

صبينا ريوگ و گعدنا ناكل كلنا ، مهيب كمش العرسان تصنيف و كاعد يمي و كل شوية حاشرني بنص و انا اخزرة لو اكرصة و كل هاي الفترة ما رفعت عيني على اجود ولا باوعت بوجهة حتى

خلصت الصبحة و صعدنا احنا البنات نجمع سوالفنا لان راح نطلع لبغداد و اجو خطار يباركون للعرسان

و انا اجمع غراضي و اضحك وي البنات اجتني وحدة صغيرة من گرايبنهم گالتلي
-خالة عمو اجود جوة و يگول اريد احكي معاها

ابتسمت ، بستها بخدودها
-گولي لعمو اجود ان خالة مشغولة و ما فارغة

راحت هي ، شوية و اجاني اجود يخنزر و دمارات ايدة مبنية گال بصوت عصبي
-زمهرير تعالي تا اتكلم وياج

هزيت راسي لان مو مال نقاش ، رحت ويا و دخلني لغرفتة ، سد الباب و حصرني يمها و نفخ بوجهي بعصبية
-شبيج شكو

گلت بأستغباء
-شبية ؟

-ما ادري شوفي روحج اليوم كلو ما تدحكين بوجهي و انده عليج تسوين نفسج ما تسمعين ولابستني لبسه الكلب و اراسلج ما تشوفين الرسايل و هسه ادز الطفلة ما تجين خير ؟؟ سويت شي و انا ما ادري ؟ لا گليلي حتى اعرف شنو سويت خو ما تبقيني هيج معلك ؟

-شبيك شدعوة هلكد عصبي

ضرب الباب بأيدة و گال بعياط
-وللل شنو هلبروددددد