Unicode
ချစ်ခြင်းတေးသံများသီကာကုံးလို့အတိတ်ရေယာဉ်ကြောဝယ်မျောပါ...
အရာရာတိုင်းကရှုပ်ထွေးသထက်ရှုပ်ထွေးလာကာအစရှာမရတော့တဲ့အပ်ချည်လုံးတစ်လုံးနှင့်တူလာသည်။
ဤကိစ္စနှင့်ပက်သက်ပြီးဂျီမင်းဘက်ကအစတစ်စကိုပင်ဆွဲထုတ်၍မရသေးပါ။
ဘာကိုမှသေသေချာချာမသိတဲ့သူ့အဖို့တော့ကောက်ရိုးပုံထဲအပ်တစ်ချောင်းရှာရတာကပင်ပိုမို၍လွယ်ကူလောက်ဦးမည်။
အချိန်တွေကရပ်တန့်မနေဘဲတဖြည်းဖြည်းကုန်ဆုံးလာတာကြောင့်ဒီရက်တွေအတွင်းမှာပဲဝီလီယမ်အာသာကိုအမြန်ဆုံးရှာတွေ့ဖို့လိုသည်။
ကိုယ်လုံးပေါ်မှန်ရှေ့မတ်တတ်ရပ်နေရင်းမှန်ပေါ်တွင်ထင်းနေသည့်ဖီးလီးယက်စ်ရဲ့ပုံရိပ်ကိုကြည့်လိုက်ကာဂျီမင်းသက်ပြင်းချလိုက်မိသည်။
"မစ္စတာဖီးလီးယက်စ် ခင်ဗျားရောဘယ်လိုထင်လဲ"
"စာအုပ်ကပြောနေခဲ့တဲ့အကြောင်းအရာတွေ
သတိပေးတဲ့အသံတွေကရော ဝီလီယမ်ကိုရှာဖို့ကူညီနိုင်မှာလား"
"အကယ်၍ကျွန်တော်မဟုတ်ဘဲခင်ဗျားသာဆိုရင်လွယ်လွယ်ကူကူနဲ့အဖြေမှန်ပေါ်မယ်ထင်မိတာပဲ"
ပုံရိပ်ယောင်ကဘာစကားမှလည်းမဆိုခဲ့သလိုအမူအရာတစ်ချက်မျှလည်းမပြခဲ့ပါ။
မှန်ပေါ်မှာလက်ညှိုးထောက်လိုက်ပြီးဖီးလီးယက်စ်ရဲ့အညိုရောင်မျက်ဝန်းတွေကိုစိုက်ကြည့်လိုက်မိသည်။
"ခင်ဗျားမျက်ဝန်းတွေအရမ်းလှတာပဲ"
"ဒါပေမဲ့ကျွန်တော်နားမလည်ဘူး
သောမတ်စ်ဝိန်းကဘာဖြစ်လို့ခင်ဗျားကိုနမ်းတဲ့အခါမျက်လုံးတွေကိုအုပ်ပြီးနမ်းတာလဲ"
မှိုင်းညို့နေတဲ့မျက်ဝန်းတွေကတော့အဖြေတစ်စုံတစ်ရာကိုမှပေးလာခြင်းမရှိခဲ့ပေ။
"ကျွန်တော့်အထင်တော့ဝိန်းကတစ်စုံတစ်ခုကိုဖုံးကွယ်ထားတဲ့ပုံပေါ်တယ်
သူ့မျက်လုံးအရောင်တွေကအမျိုးမျိုးပြောင်းနေတာ"
"ခင်ဗျားလည်းအဲ့တာကိုသတိထားမိလောက်ပါတယ်"
မှန်ကိုကြည့်ကာစကားတွေပြောနေခဲ့ပြီးနောက်ပိုင်းတွင်လမ်းလျှောက်ထားလို့ပင်ပန်းလာတာကြောင့်ကုတင်ပေါ်တွင်နေရာယူမိလိုက်သည်။
တကယ်တမ်းပြောရရင်သူ့ရဲ့၂၁ရာစုကဘဝလေးကိုလွမ်းပါသည်။
မိဘနှစ်ပါးကိုလည်းလွမ်းသည်။ဆော့ဟွန်းကိုလည်းလွမ်းသည်။
သူ့နောက်ကိုပြေးလိုက်တဲ့ခွေးလေးကိုလည်းလွမ်းသည်။
YOU ARE READING
Two Men In One Look (Completed)
FanfictionThere was a story about two men who fell in love with the same man But their story had already been a sad ending What if there is a chance to fix all these things,will we be able to rewrite the stars?
