Unicode
လူကြီးလူကောင်းဖြစ်နည်း သင်ခန်းစာ၁
ဗလွမ်းးးး
ရေထဲကိုတစ်ခုခုပြုတ်ကျသွားသောအသံနှင့်အတူပတ်ဝန်းကျင်သည်မှုန်မှုန်ဝါးဝါး။
မနက်ခင်းအစောကြီးအချိန်အခါဖြစ်၍ငှက်ကလေးများမှတစ်ပါးလူသွားလူလာမရှိပေ။
"လီလီဂျိမ်း ဘယ်မှာလဲ"
ဗလွမ်းးးး
ထိုအခါတွင်ရေထဲမြှပန်ပေါ်လာသောခေါင်းမှာဆံဖျားအရင်းမှဆောင့်ဆွဲကာကိုင်ထားခြင်းခံရလျက်သူ့ကိုမော့ကြည့်လာသည်။လက်ထဲတွင်ဆုပ်ကိုင်ထားသောမဟူရာရောင်ဆံနွယ်များကလက်သီးဆုပ်မှကျော်လွန်ကာဖြန့်ကျနေသည်။
"ငါဘယ်လိုလုပ်သိမှာလဲ"
စကားအဆုံးပြန်နစ်ကျသွားတဲ့ခေါင်းကရေအောက်တွင်အသက်ရှူရခက်စွာလှုပ်ရှားရုန်းကန်နေသည်။
ရေများကညသိပ်ထားသောဆောင်းတွင်းရေများဖြစ်၍ရေခဲရေတမျှအေးနေသည်။
ဤမျှအအေးဒဏ်အားတောင့်ခံထားနိုင်သည့်အဆိုပါလူမှာအတော်ခံနိုင်ရည်ရှိလှသည်။
"ဝီလီယမ်အာသာ မင်းကိုနောက်တစ်ခေါက်ထပ်မေးမယ်
လီလီဂျိမ်းဘယ်မှာလဲ"
ထပ်ပြီးရေထဲမြှပန်ဆွဲထုတ်လိုက်သည့်ဝီလီယမ်ရဲ့မေးဖျားကိုကြမ်းတမ်းစွာကိုင်ပြီးမေးလိုက်သည်။
သွေးများတစက်စက်စီးကျနေသောနားထင်ကဒဏ်ရာကိုတောင်မမှုကာဝီလီယမ်ကလှစ်ခနဲပြုံးသည်။
"ငါသိခဲ့ရင်တောင်မင်းတို့ကိုပြောပြမယ်ထင်နေတာလား"
"ငါတို့ကိုဘယ်လိုလူတွေထင်နေတာလဲ
မင်းအရင်တုန်းကတွေ့ခဲ့တဲ့လူတွေနဲ့လုံးဝကွဲပြားတယ်"
ခပ်ကျဉ်းကျဉ်းမီးခိုးရောင်မျက်ဝန်းတွေ
နားထင်ကသွေးတွေတစက်စက်စီးကျနေတဲ့ဒဏ်ရာ
ရေတွေစိုရွှဲပြီးကြည်လင်နေတဲ့ဝီလီယမ်ရဲ့မျက်နှာကအနည်းငယ်အလင်းရောင်မှောင်နေသေးသည့်တိုင်ကြည့်လို့ကောင်းနေသည်။သို့သော်သူ၏မျက်လုံးများမှာမူဂဏာမငြိမ်လျက်ရှိပြီးတစ်စုံတစ်ခုကိုအသည်းအသန်ရှာဖွေလျက်ရှိသည်။
"မင်းမသိဘူးဆိုတာလုံးဝမဖြစ်နိုင်ဘူး
လီလီဂျိမ်းကမင်းဆီမှာအမှုအပ်ထားတာလေ"
YOU ARE READING
Two Men In One Look(Completed)
FanfictionThere was a story about two men who fell in love with the same man But their story had already been a sad ending What if there is a chance to fix all these things,will we be able to rewrite the stars?
