New Beginning for Haseena Malik

Chapter - 7

*Lalbaug Police Station*

HM - Koi update uss nakab par?

KS - Madam sir dekhne me to wo Kayamat waala nakab hi lag raha hai par --

MS - Madam us par jo fingerprints hai wo humne criminal database me Rani ke fingerprint se match kiye. Ye alag hain.

AV - Waise bhi Rani apna nakab wahan kyu chodegi? Wo bhi tab jab use pata hai ki investigation chal rahi hai.

HM - Karishma Singh aapko kya lagta hai?

KS - Madam sir humko lagta hai agar ye Rani hai to phir ye khud to kaam karegi nahi. Iska matlab ye kisi ko to dhmka rahi hogi.

HM - Exactly. Rani jab bhi kaam karti hai kabhi apni pehchan ya apne naam se nahi karti. Har baar kisi aur ko istemal karti hai. 

AV - Acha. Aapke case me to usne aapka naam use kiya tha par kayamat ke case me kisko istemal kiya hoga?

MS - Haan aur waise bhi kayamat to police ki madat kar rahi thi na.

HM and KS looked at each other as no one expect these two know that Karishma was once Kayamat who was helping the police while Rani was blackmailing KS for that.

HM - Kayamat ko police ko neecha dikhana tha isliye unki madad karne ka natak kar rahi thi. Behraal hume abhi waale case pe dhyan dena chahiye.

MS - Madam mujhe lagta hai ki Rani paison ke liye ye nahi kar rahi. Logon ko apne saath karne ke liye kar rahi hai.

KS - Chori gareeb gharon me ho rahi hai to paise to itne jyada nahi milenge usko.

AV - Malika Sharma aapki theory kya kehti hai?

MS - Sir jab madam aur me gharon me puch rahe the to waha jyada tar young log the. Around 21 -22 saal ke. Aur sabhi ko saari baaten aise yaad thi jaise kal hi huyi hon.

KS - Haan magar kisi ke ghar pe bhi chori hogi to usko ache se yaad rahega hi na.

HM - Nahi Karishma Singh. Jis hisaab se unke jawab lag rahe the, hume nahi lagta ki unhe wo sab yaad tha.

AV - Kya matlab?

HM - Matlab ye ki agar aapke saamne koi ghatna hoti hai to aapko wo sab yaad hota hai jo aapne dekha ya suna. Hum jab purani cheeze yaad karne ki koshish karte hain to unka kram yani order ekdum sateek nahi hota, cheeze idhar udhar ho jaati hain. Par jab ye log hume chori waale din ki baatein bata rahe the inke jawab ekdum point pe the jaise rate huye ho.

KS - Haan par aisa bhi to ho sakta hai ki baar baar thane me ek hi baat batate huye unko saari cheeze yaad ho gayi hon.

HM - Karishma Singh agar hum aapke kisi traumatic ya aise incident ki baat baar baar kare jo aapke liye kharab ho, to aapko gussa ya chidh aayegi. Par unke composer se aisa lag raha tha jaise wo har sawal ka jawab dene ke liye tayar khade hain.

AV - Jis ladke se humne puch taach ki wo thoda dara hua sa lag raha tha. Maano use koi force kar raha ho.

MS - Mujhe aisa lagta hai ki ye kayamat ho sakti hai.

KS - To tumhare hisaab se kayamat in logo ko force kar rahi hai jawab dene ke liye?

AV - Nahi Karishma Singh. Aisa ho bhi sakta hai par jaroori nahi hai. 

HM - Aisa bhi ho sakta hai ki chori kabhi huyi hi na ho.

MS - Magar madam agar chori huyi hi nahi to phir report or itna natak kyu?

AV - Chori karke bhi aisa jyada to kuch milega nahi par chori na karke pehla wala motive clear ho sakta hai. Wo kisi ko frame kar sakti hai.

KS - Par Rani ka madam sir se dushmani tha wo samajh aata hai par Aarushi madam se kya dushmani ho sakta hai?

HM - Ye to pata karna padega. Waise aapne kaha tha ki hume iss case pe Aarushi Jain ne appoint karaya tha. Uss waqt kayamat ka koi zikr tha kya?

AV - Aisa koi point unhone humare saamne to nahi rakha. Jab DSP sir ne unhe bulaya tha tab unhone sirf unhi ke saamne apne points rakhe the. 

HM - Malika Sharma pata kijiye ki Aarushi Jain ka kabhi koi case Rani se clash hua hai kya?

MS - Ji madam.