هَذهِ المَدينة مليئة بالشُوارع
شوارعّ مفتوَحة
تُؤدِي إلى جَميع الجَهات
لكَن اسمعَنِي ارجُوك
حَياتنا مُغلقة
وَالشَارع الوَحيد العَادل
ذَلك الذِي يأخذنِي إلى قَلبك .
---------------------------------------
بغداد احدئ المناطق الشعبيه الساعه 5:00عصرآ
2014
استبرق: رجعت امشي سريع وبالي يم بيبي.
وارزل واسب بنفسي هسه الگي بيبي ميته من الخوف عليه
:اووف ياربي لعد شسوي
لازم اشتغل حته ادبر فلوس علاجهه
رفعت راسي اباوع بالسما الدنيه ضلمت ولدربونه.
تخوف الناس كلمن دخل البيته وسد الباب...
وصوت الكلاب تنبح يخوف اسرعت بمشيتي شوي شوي اخير شي متحملت وركضت،
انگطع نفسي واني اركض الا ان وصلت شوي ابعد. عن البيت شفت بيبي خطيه واكفه بدايت
الفرع وتلوب
صحتلهه: مدووح هيااتنيي اجييت„
...اجت تمشي ابتجاهي سريع ودموعهه تجري.
وصلت يمي وحضنت وجهي ابين اديهه
وهيه تبجي وتبوس بوجهي حضنتها الگلبي
وجن كلبي رجف من شفت دموعهه
احجي وياهه وهيه ترزل بيهه...
بيبي مديحه:عيوني انتي وين صار ساعتين من خلص الدوام گلبي صار يوكف عليج
استبرق:اسم الله ع گلبج ليش حبيبيتي.
عليش هاكد خايفه والله مبيه شي
بيبي مديحه: دمشي امشي خل ندخل للبيت
واحجيلي وين رحتي صار ساعتين!!?
استبرق: اووي ع كيفج بيبي والله احجيليج
...دخلنه للبيت وهيه تجري بايدي من زندي
كعدتني ع القنفه وكعدت كدامي
وعيونهه تتسائل وين جنت.
رفعت شعري عن عيني وبديت احجيلهه سالفه كذب مثل كل مره.
استبرق: باوعي بيبي بس خلص الدوام„
طلعت ميته جوع بطني تصوصي رحت لام سالم
هايه الي عندهه حانوت تبيع بي لفات وكعك وعصير
فـ يامدوح حضي تعرفي فكر جان الكيهه معزله.
فـ شوفي شسمه اني جوعانه كلللش رحت گبل عبرت الشارع العام واروح لابو
الفرن وجبتلي صمونه حاره وعلبه قشطه•••
ورحت للحديقه هاي العامه هاكد عوائل يجون
يكعدون هناك يتونسون وياكلون
فـ كعدت اكل واباوع ع الرايح وع الجاي ومحسيت. الا الساعه 4:44 فـ كمت اركض رحت للمكتبه جبت
دفاتر واقلام محتاجتهم واجيت
...باوعتلي ممقتنعه وهزت براسهه اي„
:مدوح شمسويه عشا? جوعانه
بيبي مديحه: انجبي شنو مدوح ترا اني بيبيتج.
وعشاا مسويت بقئ بالي يمج ورحت سئلت بيت
ابو همام گلت يمكن اجت وي بنتهم ساره
حتئ ولدهم خطيه طلعو يدورون وياي وانتي
ماكو صارت تجيني افكار.
تخوف كلت هسه خطفوهه او سحكتهه سياره
او تخربطت لو راحت الشي مكان وتاهت،
