أمَس لمّن دِرت ظهرَك
عفتني تراب ،
لو ماخِذني بچيوبَك
أمَس مِثل الطَفل چَني
تذبّني و أرجَع لثوبَك
مِنو مِثلي يحَبك حَتى بعيوبَك ؟.
•••••••••
--------------------------------------------------
:عله كيفج يابه ماكلنه شي بس ردنه الرقم
عض ع شفته السفليه بطريقه مقرفه
..شلون جسم يابه بس كون ليله وياج..
بعده يحجي وماحس غير انشال وانركع
من كدامي.
.شگلت ولكك عااار
رجعت لورا مفزوعه اباوع شاب لابس ملابس
عسكريه نايم فوك الولد ويضرب بي بوكسات.
ويصيح ويفشر،،
التمت الناس تفاككهم والعسكري موته كتل
وذاك يرجعله الضربه بس ولا تبين بي شضخماته
الناس خافو منه ونصهم ابتعدو لان ضابط
ومنهم لا يحاولون يفكوهم
...وهاذه العسكري بس يصيح ويفشر
وكفت سياره سوده مضلله من ذني الكبار
ونزل منهه ضابط وثنين اجنود
الضابط اجه بتجاهنه يمشي سريع والجنود
يمشون ورا وهوه يصيح: شصايير ابوو سرحاان
اجه يسحل بالولد العسكري من فوك الرجال
وذاك بس يصيح: عرضك هااذه ياا عاار
لزمه الضابط بلگوه مسيطر عليه واشر للجنود
ياخذون الولد لسيار
اجو بسرعه سحبو اللسيار مكسر وجهه مينشاف من الدم احس اتشفيت بي
رفعت راسي ع الضابط وسعت عيوني بصدمه
من شفت العسكري هوه الضابط ابو شوارب
..عزاا هاي شنو لمره الثانيه انجمع بي صدفه
هيثم: ادري شمالك ماتگلي شمالك كتلت الرجال
لو ميت بيدك وانته رجل دوله
ابو سرحان: وموتت الجلاب السود جاا
اخلي يتحرش بنات العالم. هساا اريدنك
تضيفه عدك ثلاث ايام اريدنه يتأدب
صافنه عليهم اريدهم يخلصون كلام حتئ اشكرهم
..من كاله ابو شوارب هجي
رفع راسه وباوع عليه خله ايده اليمين جوه
حنكه واليسار ع راسه من فوك
وفر راسه يمين ويسار من يمي توجعت
كلت انكسرت رگبته اسمع طگطگة اعضامه
وهوه عنده شي عادي وكأنو متعود عله هاي الحركه
حط ايده ع كتف ابو شوارب
كاله ومبتسم بمكر: تدلل حبيبي عوفه عليه
طبطب ابو شوارب ع ضهره: ماتقصر عيناي
تقربت بخجل وارتباك حجيت: عمو اني كلش اشكركم عله موقفكم هاذه
ابو شوارب سكت ويباوعلي مضيگ عينه
كال الضابط: لا اختي شكر عله واجب
هاذه من واجبنه
حجه ابو شوارب بستهزاء: تنورتج كلش طويله بابا ماعندج اگصر منهه
حجيت بقهر: ايي والله عمو كلش طويله بس
غير ماما ماتقبل البس اقصر منهه تكول عيب
