-------------------------------------------
بسـواد اللـيل ..!
تتلملـم حمامات ..
ألحزن بيه..!
ومصابيح المدينه تموت"
•••••••••
الـ جساس
الكاتبه بلوره {روجنيدا}
-----------------------------------------------
الا لمن شفتهم خلو التابوت عالسياره
هنا انتهيت كلبي دگاته قلت عيوني غمضت من وحدهه
وبعد محسيت بشي
...بين الوعي والا وعي
اسمعه يصيح: بويه جري نفس لا يوكف گلبج
شوي شوي افتح عيني وترجع تغمض
الرؤيه محجوبه عندي بالگوه اشوف
شفت نفسي ع كشن السيار وهوه
فوگ راسي: و وين بيبـ ي ليش اخذتو بيبي مـ مني
بعدني ماشبعت منهه
ماحجه شي بس يفرك باديه
اريد اسحب ايدي منه ماكدر ايدي ترجف
بجيت بقلة حيله وهوه يباوعلي مقهور عله حالتي
حجيت بحنجره متكسره
اشهگ بالكلمه: اريد اشوف اميي قبل لا تدفنوهه
اريد اشوفهه واحضنهه اريد اودع امي قبل ما تاخذهه المقابر
باوعلي بحيره بلع ريگه وحجه: اخذوها يزورونهه
كربلأ وياخذونهه لنجف يدفنونها ما رضو
تبات حتئ انتي مايصير عليج شي
گلبج تعبان اذا شفتيهه تموتين من الحرگه
وسعت عيوني بصدمه صحت: شنوو شلون يرحون وما ياخذوني تره اميي هااي
هسه تاخذني والله ما اصيح علييك الله اخذنيي
:ويين اخذجج هسا الدنيا المغرب المگابر ماتنطب
وجعني گلبي من گال المگابر ماتنطب يعني
احنا نخاف منهه وهيه صارت بيوت اهلنا
بجييت حييل وزلغت وجهي
اصيح واملخ بروحي: يعني هاي هيه
راااحت اميي صااار بيتهه المقابر يماااا ارييد امي
محدد الي غيرهه والله ماااعندي غيرهه
ربيي اختبارك صعبب ماكدرر عليي والله ماااكدر
لزم اديه يهديني بس وين اهده شنو اليهدي گلبي
.
ناار ناااار بگلبي ماتنطفي
اخخ شنو اليصبر گلبي عله فراگها
اني موكد فراگ ربي والله بعدني صغيره
ما اتحمل
.
.
:اخذج بس كون ماتصيحين
:اييي والله وماصيح بسس اخذنيي
قفل البيبان وحرگ السياره
واني خانگه صوتي بايدي اشهك ودموعي تجري
احجي بگلبي واقنع بنفسي:امي ما ماتت اكيد
ديجذبون عليه
هـ هسه اوصلل وتلگاني بضحكتهه الحلوه
هيه ماتعوفني تـ تعرف مـ ماعنديي غيرهه
،
،
،
...وصلنه النجف جانو هناك اكثر من مره من جيرانه وشكم رجال من المنطقه نزل خلاني بالسياره وقفل البيبان
ابجي واتوسل بي يخليني انزل بس ماقبل
السياره عله الشارع بالگوه اشوفهم من بعيد
من حرگة گلبي ارفع راسي واضربه بـ لجامه
اصييح بحرگة كلب ابجي بهسترياء
..اجه خالو ابو همام
يهدي بيه
..توسلت بي بس يخليني انزل ماقبل
يگول مو زين عليج
تخبلت من شفتهم اجو للسياره: فدوه عوفونيي هناا
ماكدر اخليهه واروح اميي هاي شلون تردوني
اعوفهه يمةةة لاااتعوفينييي يمةةة
ولجج يمةة شلوون تردونيي اعييش
بدنيا مابيه امييي
انيي ماكدرر بلياهاا امووت والله ماگدرر
