المُطر ، والغيم ، والحَبيته ، والمُوت
المّرض .. والشوگ ذاك المُو بگدّي
النَسمه الباردَه الـ تتعَده بالصَيف
الشيب الگبل وَكته بكيّفه يبدي
مَزاجيات فجأه الگاهن وياي!
ومِن يعجبهّن يتركَني وَحدي .
الـ جساس
الكاتبة بلوره. حسابي الجميلrwjn-yd
-------------------------------------------------------------
استبرق.. تمر الأيام واني ع حالي نفسه
المرض اكلني اكل
مخلصتهه مستشفئ ومغذيات وعلاجات
اكل بليوم زين اذا اكلت شكم خاشوگه شوربه
…الدراسة اول شي غبت بعدهه اخذلي همام
اجازة مرضيه
بيبي الصارت غصة بگلبي
بعمري ماحسيت بالغربه بس من عافتني
احس نفسي بدون روح
صرت اتمنئ انام وما اگعد حتئ بحلم معاد تجيني
الجيران واهل المنطقه ابد معافوني
الكل وياي حتئ ام سلمان وسما بس
كلهم ميعوضوني لحضه وي امي
هيه بس نفسها بالبيت
يكفي ينطيني طاقه ايجابيه
لو منضرهه ع السجاده اليدخل الامل الروحي
مابقالي منهه غير سبحتهه ليل
ونهار مخليته برگبتي لو لافتهه ع ايدي
…فزيت عله صوت ساره توسل بيه
اكل واني اهز براسي ما اريد
ساره:- الخاطري سوسو بس كم خاشوكه
وعصير مو معدتج خاليه صار من البارحه مماكله شي
شلت الدفتر اكتبلهه:- والله ما اشتهي نفسي مسدوده عود من اجوع اكل
ساره:- هسه دكلي كم لگمه تسند طولج
مو حتموتين
بقيت معانده وما اكلت
جزعت مني خلت لاكل ع الميز وراحت
جنت حسبالي لو ما اكلت اموت واروح يم بيبي
حتئ نسيت هالشي حرام ..
بين حسره وشهكه ودمعت يتيم بوطنه
بس يحس بغربه. غفيت وعيوني توجعني من البجي
،
،
،
گاعده ولابتسامه عله وجهي واني اشوف
بيبي تمسد ع راسي بس حسيت بيهه مراضيه عليه
كتلهه:- بيبي ليش متحاجيني
شالت ايدهه عن راسي:- استبرق اني زعلانه عليج
بهت وجهي بخوف وگتلهه:- ليش يمه
شسويت وزعلانه عليه
:- اني موگتلج لاتضعفين مو كتلج كملي دراستج
وارفعي راسي
ليش مانفذتي وصيتي؟
ليش انتي ضعيفه
اني ما احب اشوفج مكسوره
اذا اني رحت لاتنسين الله وياج ليش ايمانج برب العالميت هيج ضعيف
..اني راح ابقئ زعلانه عليج لوقت ماترجعين
استبرق ام ضحكه الحلوه الي ميهمه شي
گالت هيج وعافتني وراحت اريد امشي وراهه
ماكدر رجليه كأنو واحد مقيدهن
