أمسك يدي .
- لِماذا !؟
أحتاجُكَ ..
- مِن مَن تَخافين؟ !؟
لا أحد .
- إذاً لماذا !؟
بِلا سَبب .
- أخبرينيّ !؟
فَقط أُريد الشعور بالامان.
- تعاليّ امسكتُها ♥️.
•••••••
الـ جساس
الكاتبه روجنيدا. حسابي الجميل rwjn-yd
------------------------------------------------------------
استبرق
… نايمه وفزيت ع صياح فردوس
كمت واني روحي بخشمي هاي يوميه هيج ..
تكعد من الصباحيات تضرب الجهال وتبقئ تصيح
عليهم حتئ من الصوت اگعد،
دخلت اغسل وجهي وساره ورايه
غسلت وطلعت اريد اغير ملابسي واطلع
اشوف جيرانه گالت اكو مطعم يشتغل بي ابن اختها يحتاجون عامله ..
غيرت ملابسي بنطلون اسود وتيشرت كذالك اسود
ورفعت شعري ذيل ..
حصان لأن طولان من زمان ما گصيته
طلعت لاگتني ساره حجت رافعه حاجبهه
،گوه تحجي طالعه روحها لأن تعاركت وي فردوس ..
ساره:- خيير ياطيير ويين موليه انتِ الثانيه
:- هنا اكو شغل داشوفه بلگي يشغلوني
ساره:- شنو من شغل؟
:- مطعم محتاجين عامله
ساره:- وي منو راح تروحين
بعدني دجاوبهه عمو گاعد بالهول وسمعنه
گال:- شنو تشتغلين بابا احنه مقصرين وياج
بشي محتاجه شي؟
دنگت راسي گتله:- لاا عمو حيشاك من التقصير
بس اني كلش محتاجه الشغل
وهم هسه مدرسه ماكو حتئ الهي نفسي
:- بنتي لتحسبي تدخل منه بس حتئ
لو تدخلنه الصالحج الله شاهد انتِ بحسبة بنتي
والشارع متروس سرسريه وناس متخاف الله
وانتِ بنيه مشالله عليج العين
استبرق:- تسلم عمو متقصر والله بس اني
كلش حابه اشتغل وهم ليمتئ تبقون شايلين مسؤليتي
عمو:- شنو هالكلام ابويه انتِ
تره ازعل منج لو گلتي هيج
استبرق:- اسفه والله بس هاذه الواقع
:- براحتج بابا اذا تردين تشتغلين بس انتبهي النفسج
استبرق:- اوك انشالله
طلعت من الهول شفت فردوس گبالي
تباوعلي بغضب من عفتهه وطلعت اسمعها تهمس
روحه بلا رده انشالله ..
…استغفر الله وتالي وياهه هايه
تمشيت الجيرانه شوي بيتهم مو بعيد كلش
وصلتلهم لگيتهه واگفه باب البيت رادتني
ادخل وياهه ماقبلت دلتني ع مكان المطعم ..
ورجعت لبيتهه
وكفت صافنه عندي بس خمسه وعشرين
واذا اصرفهه ع خمسميه كروه حرامات
اباوع وبعد تفكير طويل قررت ارجع للركض مثل قبل
جنت ماعرف امشي مثل البشر
مخلصه حياتي ركض
