✨️UNFORGETTABLE ✨️|| JUNGKOOK FF

CHAPTER- 9

UNFORGETTABLE

JUNGKOOK FANFICTION

🦋🦋🦋🦋🦋🦋🦋🦋🦋🦋

Y/N POV:

Mut ka tum a, ka mu thei nganglo. Ka in let ka inlet leh thin...a chang leh ka phone ka hmet eng leh zeuh a, ka message te chu ka check leh vel thin. Ani te chuan min rawn text hmasa âwm dêr siloa. Ka in ngaihtuah ka in ngaihtuah hnuah chuan ka text hmasat mai chu atha in ka hre ta a.

"Zing lamah ami I rawn haw dawn?" Tih ka type a, ka in ngaihtuah tha leh a ka thil type chu ka thiat leh vek. "Ilo haw pah in.." ka type zawh hmain ka thiat leh a, thaw halh in phone chu ka dah leh ta zawk a. Tinge maw ka lo ngaihtuah ve em² mai le? A bialnu bulah a awm a, tui tak pawn a muhil thei zawk daih chu, tiin ka ngaih ka ti tha chawp vel.

Zan a tlai tawh si a, ka la mu theilo ve khanglang zui. Ka muthei lo ta sa sa lehkha ka zir mai dawn emaw ni aw?..te chu ka ti rilru leh hnuhnawh a, mahse.. zir pawh ni ila tun ang zanrei tawh ah leh nghal, rilru leh tih takzet chuan zir ahar ve tawh ang, bakah thluak pawh a thawk muang leh nge² thin.

Ka tho a, khum bula eitur ka dah chu ei chugin ka phone ah movie ka en mai² ta zawk a. Mahse, ka movie en lai pawh chu ka en tui theilo..enge an tih dun ang le?...awi, ka thil ngaihtuah mai² chu! Tih pahin ka mit ka khap sak a. A nuna inrawlh lo Turin min ti bawk a, ani ka ngaihtuah na chhan tur a awm hleinem..a duh² in awm rawh se.

.

.

Pawn lama sava hrâm ri te leh zing ni chhuak te chuan min rawn ti harh hlawl a, tho si lo in ka khumah chuan ka mu meng kar thung a. Sana ka en nghal a, dar 8:30 a lo ri tawh a, hmanhmawh lo te in ka tho a, vawiin chu chhuahna tur ka nei a, UNLV( University of Nevada Las Vegas) ah kal in ka exam na a thil pawimawh vel tih fel ka ngai ani.

Ka infai sawk sawk a, ka intih fai zawh ah hotel staff pakhat hnenah eitur ka chah a, anni pawn reiloah an rawn dah ve nghal bawk. Ei turte chu ka ei nghal mawlh mawlh a, ka ei lai mawlh mawlh in doorbell alo ri leh nghal. Ava laklawh thin e aw..ti rilru neuh neuh chungin ka va hawnsak leh ta tho a, Jungkook ka hmuh meuh chuan ka meng phawk hru mai.

"E..ilo haw ani maw?" Ka ti sap a, kawng ka kian nghal. Engmah pawh a sawi chuanglo. A lut a, a jacket phelhin thutthlengah a dah thlawp a. "I ril atam em?" Ka lo ti nghal a, couch a duhdah deuh a thu in a mit a chhing vawng vawng a, a chau anih ka ring. "Aih, ka ei tawh." Ati bul hmuk.

Nizan lam chungchang chu zawh ka chak hle a, mahse..ka ngam leh ta tlat lo. Ka zawt ang nge zawt lovang tiin ka in ngaihtuah char char a, ka thil ei lai pawh ka ei muang sawt hle. "Vawiin chu chhuahna tur ka nei a," ka ti leh sap a, ani erawh a ngawi reng thung. Ka zak leh hnuhnawh tlat, tinge maw ka lo sawi kher² ni? Tiin ka inchhir leh hnuhnawh.

"Khawiah nge I chhuah dawn?" Arawn tih ve hlawl a, "UNLV lamah" ka ti nghal vat. "Chuchu khawnge? " tiin min rawn en nghal a, "University ah mawle, ka exam na tur vel leh documents pawimawh te ka submit angaia" ka tih chuan a lu alo bu zeuh a. "Zui  I ngai em?" Arawn tih chuan mak ka tih em avangin ka thil ei lai chu ka tawp nghal chat.

Amah chu ka va en nghal a, ka chhang lawk lo. "Zui I ngai em ka tih chu?" Tih paha min rawn en chuan ani pawn mak ti tak hian min lo en nghal. "Enge khati vaka mi en a?"tiin  Hriatthiam loh hmel tak chuan min rawn zawt. "Aaa..ih..angailo, hmundanga kal duhna te I..I nei palh ang" tiin lâi deuh hian ka nui zeuh.

"Ka neih loh vang alawm zui I ngaih leh ngaihloh ka zawh che, ka zui dawn che ania insiam thuai thuai la" atih chuan ka thil ei lai chu ei nghal sawk sawkin ka kham nghal vat. A awmdan teh thut chuan min ti hrilhhai mai piahlamah mak ka ti deuh.