✨️UNFORGETTABLE ✨️|| JUNGKOOK FF

CHAPTER-24

UNFORGETTABLE✨️

JUNGKOOK FANFICTION

🤍🤍🤍🤍🤍🤍🤍🤍🤍🤍

JUNGKOOK POV:

Thil dang ka zawh leh hma hauhin a mittui hru in inchung lamah a chho nghal nal nal a, hrilhhai tak si chuan ka zui ve nghal a.

"Tihpalh lutuk, Vawiin chu...." ka sawi zawh hma hmain,  "Aw ka hria. Khawnge I awm tih pawh ka hre vek!. Ka zawt kher lo che a chuvang chuan I insawifiahna kha ka ngaithla peihlo aw. " Arawn ti nghal khur² a.

Sawi lawk ngaihna pawh ka hre lo, ka kâ ka chîp leh nghal daih. Tissue paper chu a pawtchhuak nawk nawk a, a mittui chu a hru leh zeuh bawk a.

A bulah va kal hnaihin a kawnga va kuah ka tum chu, "A ninawm ania!." Tih pahin ka kut chu a beng per sawk nghal a, ka phu zawk leh nghal.

"I thin a rim ami?" Ka tih pawh chuan min chhang duh ta miahlo. Ka necktie phelh thâwlin ka thaw hak a, bathroom a luh a tum chu a hma ah tak ka lo din khalh vat a.

"Awmsawn teh" ati bul hmuk a, a mitah Chiang zet hian ka en a. "Ka tihpalh ka tih chu..." dam dap a ka tih pawh chuan melh pawh min melh eihlo. In leh hawiin khumah a țhu hnawk a, a let zui nghal.

A ban atang chuan ka pawt tho nghal lâwp a, "Ana!. Ka mu duh ania, ka chau" a rawn ti vin hlar a. A dâr tawn tawna chelhin, "Ka tihpalh ka tih chu, min ngaidam thei mai lo ami? Ngaihdam ka harsa ami?" Ka ti nang nang a.

Ka mita rum zeta min melh chung hian a dâr ka vawnna kut chu a dahthla hnawka. "Anih tur ani vek tawh. I duh leh I țhiannu bulah khan va riak nghal law law ta che" ati ram hmak a, khumah chuan mu țha sauh sauhin puan in a in lukhup nghal ta daih a, lehlam a hawi nghal zui nghal bawk.

"Ka lo muhil daih a, ka rawn harh chiah khan ka rawn haw nghal vat alawm...ka ngaihtuah lutuk che a" ka tih chuan a rawn tho thut a, rum em em min rawn melh chung hian, "Ngaihtuah a?!. Darkar engzah rumro nge current kha a awmloh pawh I hre ringawt ami?! Tui taka I bialnu hlui bula I muthilh lai khan he inzau takah hian thli leh ruah, thim hlauin mangang takin ka țap vak vak asin!." Ati nghal khur khur a, min vîn ani mah zawk.

Sawi ve tur pawh ka hrelo, ka chil ka lem khawlh ringawt a. "Mi hi I ngaihtuah tak tak lo anih hi. Min ngaihtuah tak tak ni la khawhar tak hian min kalsan reng lovang. Hna ka thawk ka ve tho a, ka haw tlai ngailo. I phone te kha I bulah dah ve reng țhin ta che. I țhiannu kha rawn lak tir tawh suh" ati hmuk a, zanin zet zawng a thin a rim hle anih dawn hi a in âng dam thei hlawllo chu ani.

"A thil rawn sawi vel dan te lah kha ka ngei ania" arawn ti tih chuan amah ka en nghal vat a. "Enge a a rawn sawia?" Ka lo ti nghal vata.

"Ka sawi peihlo. Ka chau, I hmel pawh hi ka hmu peihlo che ania awmsawn teh" ti bul hmukin khumah chuan a mu leh a, a ngaihna hriat a har khawp mai.

Ni e, zanin chu a thin a rim pawn ka demlo. Zanin kher chu ruah a sur nasa a current pawh alo awmlo rei deuh hlek ni tur ani. Hmeichhia mahni chauha in zâu taka awm tan chuan a hlauhawm ve duh khawp ang.

Ka inthiamloh hle a, ngaihdam ka dil tak ngial pawn a pawm duh tlat silo, a țha ve leh turah ngai ang.

Skip...

"Nizanah Ka phone ilo chhang ami?" Tiin Rosè chu ka zawt a, a lehkha rem fel mawlh mawlh pahin, "Aw, ka hrilh tawh che kha" atia.

Ka thaw halh a, "Engtinge ilo biaka?" Ka tih chuan min rawn en chho nghal a, "Engtin vak mah. Ila mut thu te ka sawia, chutiang vel mai mai chu" ati sam et a.