✨️UNFORGETTABLE ✨️|| JUNGKOOK FF

CHAPTER-29

UNFORGETTABLE✨️

JUNGKOOK FANFICTION

🎀🎀🎀🎀🎀🎀🎀🎀🎀

JUNGKOOK POV:

Ka biakna pawh min chhang țha lemlo chuan a thawmhnaw a inthlak nghal mawlh mawlh a , tunlai a awm dan teh hrep hi ka hrethiam nei nuai tawhlo, chhan nei hrim hrim vanga ti nge anih anga, ka ngaihsak a phût vang zawk te hi ni ang em? Te ka ti deuh.

"I nu leh pate chu anlo dam țha maw?" Tia ka zawhna chu, "Dam" tih ringawt hian min chhang a, a zawttu tan pawhin a nuamlo rum rum zawk alawm le.

"I pi enge a an?" Ka tih leh chuan min la chhang lawklo. A thawk halh hnuah, "A dam țha em em lo" ati bul leh hmuk a, khumah alo mu dawn emaw ka tih laiin a lukham leh puan sin tur lâ in couch ah chuan a mutna a siam ta daih a.

Tinge maw hetia ka laka a hel tlat ni? Hetia a awm reng dawn anih chuan kan nupa inkar hi ala chhe tulh tulh ang mawle. Mut tuma a insiam rem lai vel tak chuan a banah ka pawt lâwp a, a âu țhawt leh nghal.

"Sawi Chiang teh. Tinge hetia I awm tlat?!. Ka lakah I lungawi lo te anih chuan sawi mai ta che, tinge hetia luhlul taka I awm tlat?!" Thutak zeta a mita en chung hian ka ti ta khur khur a.

"Engmah anilo, mahni a mut ka duh ani mai. I mut na turah va mu rawh" ati hmuk a, a awmdan ah leh chetzia ah hian thil sawi duh tlat lo chu a nei Chiang alawm.

"Y/n hetiang hian awmlo teh." Ka ti pawn lehlam hawiin a in lukhup hmak. Rosé ka la biak chhung chu hetiang hian a awm reng dawn anih hmel.

Anihna takah chuan Rosé hi biak loh tawp chu ka theilo, nunhlui tih tur thil tam tak kan lo nei bawk nen...chumai nilovin, company sum tamtak ka rulh let theih chhan pawh hi  amah vâng liau liau kha ani.

Kan ințhen tawh hnu pawha țhianțha anga min la ngaihsak chhunzawm zel na hi ka theihghilh theilo ani.

Y/n tihbuai chhunzawm reng ai chuan tiin khumah chuan ka mu ve ta a, ka la mut lawk theihloh avangin ka phone a games chu ka khel leh rih ta te te a.

Rosé message a dawng hlawl a, ka la khelh laklawh em avangin a message pawh ka la en lawk lo. A hnu fe ah pawh a rawn thawn zel tâkah chuan thil pawimawh a awm anih ringin a message chu ka en ve ta a.

"I mu tawh em?, ka inthlahrung viau nâ in ka lo ti buai leh lawk mai ang che pawi I tih loh chuan." Tih te mai hi alo thawn a, a hnuah a phone call ka dawng zui nghal.

Phone hmang Turin balcony lam chu pan nghal in phone call chu ka la ve nghal a. "Enge ni ta?" Ka ti ve nghal vat.

"Jungkook..ka inthlahrung viau nâ chu ka tibuai leh lawk Thei che angem?" Inthlahrung tak hian alo ti a.

"Sawi la.." ka lo ti vat a, "Ih...choka ah ka chesual deuh a, khawngaihin min rawn pui thei angem le? Ka manager lah a biak tlang theih siloh a, Jungkook...khawgaihin lo hmanhmawh teh a..." alo ti nang nang a.

A sawi zâwng te chuan a âw a khur deuh tihtih leh nghal a, ngaih ati tha lo rum rum thei. Y/n chu ka han bih leh dek dek phawt a, "Aw ka lo kal nghal " tih leh khum atanga thawh ka rual a, ka kawrlum hâk tur la chhuakin pheikhawk te chu ka bun țha leh nghal sawk sawk a.

Car chabi lâ in hmanhmawh takin ka inkhalh chhuak ve ta nghal a. Rosé apartment awmna ka va thlen meuh chuan alo reh țhiap a, ka au vak vak nghal.

"Jungkook..helamah" arawn tihna lam chu ka pan vat a, ka va thlen rual chuan Rosé pawh ka hmu ve nghal bawk.

A kut a dawm reng chu ka va en sak nghal thuai a, alo kak deuh nge ni tur ani. A thisen pawh a chhuak nasa hle.