✨️UNFORGETTABLE ✨️|| JUNGKOOK FF

CHAPTER-27

UNFORGETTABLE

JUNGKOOK FANFICTION

🤍🤍🤍🤍🤍🤍🤍🤍🤍🤍

Y/N POV:

"Inpa alo kal tih pawh I hre leh tawp nâng tiraw mibuainu?" Tiin office chhung ka lût deuh chiah tih ah Eunwoo chuan arawn ti nghal zung zung a, Jungkook alo țhu ve kur a enge a rawn tih reng reng ni?..

Hmuh ka beisei loh deuh vang nge ka han hmu deuh thut chu țawng lawk nachang pawh ka hrelo. "Hetah te..enge I rawn tih ve?" A hriat tham tur lek si hian ka ti sup a.

"In entir Turin a rawn kal vang vang anih hi, hei mi alo ngaipawimawh khawp ang" atih pahin Jungkook chu a hnung zangah a beng ri thlawrh zui bawk.

A eng chu nge maw na ve ang ni? A lan danah hi chuan a hrisel țhat hmel tawk viau asin le. "I enge nâ a?" Ka lo ti vat a, Jungkook erawh a li thin nang nang pahin, "Aaa..eng ani lo e. Ka khuh peih lutuk hi ka lo in entir vel mai mai mawle" ati a.

"I pasal hi ilo duat vak lo ani maw? A damțhat leh țhatloh te chu ngaihsak ve tur che alawm" Tiin Eunwoo chu a rawn tui hnih ve zel a, ka ngawi reng ta zawk a.

Kan pathum chuan kan titi ho a, a chang leh kan nui ho leh Hak țhin. A hnuah chuan Jungkook chu haw a tum a, kan pahnih a damdawi in chhung a kan kal dun chu min lo en duh hlawm ngang mai.

Kal paha kan lehpelh apiang te chuan min en hrek hrek chung hian thil an sawi deuh sap Sap tih chu ka mitsir hian ka va hmu ve thei bawk a.

"Engmah min hrilh lova, I nawmsam loh te chuan sawi ve mai la. " ka tih chuan a nui hul hak a. "Natna ho te te ah I rilru tih hah ka duhlo alawm.." alo tih ve chuan ka lo ner vak a.

"Tlai lamah ka lo haw tlai deuh maithei ania. Ka lo haw tlai viau anih leh zanriah min lo eisan mai dawn nia" tiin car ah a lut zui a, a kal dawn ah a kut a vai zeuh bawk.

Damdawi inchhung lama ka let leh chuan Nurse pathum la naupan ve hmel hlawm tak te hi ka bulah an lo kal nghal vat a, "Doctor, kha kha I pasal em ni?" Nui sen sen chung hian anlo ti nghal a.

"Aw ni e, ngati teh thut nge?" Ka tih chuan an phi cheng nghal a, an awmdan chu an phusa ka ti dawn nge? Chutiang vel chuan an awm ve nghal a.

"I van vannei bik. Jungkook te kha chu kan lo hre ve lutuk alawm., hmelțhat vanga kan lo hriat ve kha ania, I pasal ani tih reng kan lo hre miah hleinem.." anlo tia.

Keipawh ka nui hak ringawt a, a âwm ve tho e. Jungkook hi chu amah lo hre ve tu hi an tam ka tulh tulh mai. A bikin hmeichhia ah a tla na ve a, Company lian tak pakhat enkawl tu alo ni bawk nen, hriat a hlawh lo theilo.

"In inhmeh lutuk ania. Fa in neih hunah phei chuan a hmeltha ngawt ang. Nu leh pâ a nei hmeltha dawn bawk si a." An zinga pakhat zawk chuan alo tia, midang pawn anlo pawmpui ve ni âwm tak hian an lo bu ve nghat nghat bawk a.

Damlo chi hrang hrang ka enkawl alo ngai a, nitin deuh thâw hian damlo enkawl ngai tak tak hi an lo in luh chhâwk reng bawk. Ka chau ve țhin hle a, ka kâwng te hi ana țhûm tawh țhin.

"I dam țhatloh viau te chuan lo kal ziah angai hleinem. In ah te awm hahdam zawk țhin rawh" Nurse Jung chuan a tia siam siam a.

"Aho emai. Ka Chet ti hreawm tur khawpin ka nâ em hleinem...tunlai chu ka chauh vang mai mai aniang. " ka lo ti ve mai a.

(Ka ti zung zung tawh mai ang aw, hun a duh rei lutuk loh nan..)

TWO MONTHS LATER...