✨️UNFORGETTABLE ✨️|| JUNGKOOK FF

CHAPTER- 21

UNFORGETTABLE ✨️

JUNGKOOK POV:

💗💗💗💗💗💗💗💗💗

JUNGKOOK POV:

"Ilo haw na a rei tawh em?" Tiin couch a țhu
Y/n chu ka be mawlh mawlh a, ka necktie te chu ka phelh thawl nghal ve bawk. A mood a fuh lo nge chauh hmel zet hian alo țhu ngul a, ka zawhna pawh min la chhang nghal lawk lo bawk.

A hmai zawna ka kut va hui zeuh pahin, "Enge I ngaihtuah a?" Ka ti hû a, harhchhuak zawk ni awm tak hian a meng buai nuai a, "Aa..aw." arawn ti bah deuh nuai zui bawk.

"Enge ilo ngaihtuah a? Ka biak mawlh mawlh che kha I hre lo ami?" Ka ti leh a, a hmâi tuai thuak pahin, "Aaa..Nia, thil dang ka lo ngaihtuah daih alawm le, tihpalh lutuk eng maw I sawi kha?" Ati nghal zung zung a.

Ka kâwng dawm pahin ka thaw halh a, "I va han hahthlak tak e aw!...." ka ti ta thlawt a, ani erawh zalo te hian a nui saih duh chauh a. A hmelah chuan rilru hah hmel ni silo enge maw ngaihtuah nei reng hmel hi a pu reuh a, ka ngaih ati tha chiahlo.

"I țha maw?" Ka tih leh a bu zauh ringawt a, bathroom lamah a lut zui nghal daih. Awm nawmlohna anei emawni le te ka ri rum² hman.

Bathroom a a awm fe hnuah a rawn chhuak ve a, a ngâi te bawkin a hmel chu Ala ngui reng. Dressing table hmaa țhu paha a skin care routine atih mawlh mawlh lai chuan a bulah va kal hnaihin ka ding ta chawt a.

"Nâ I nei ami?" Ka ti nawn leh. "Neilo ve. Tinge? " ati deuh hû a, "I nawmsam loh hmel lutuk a ka thlâ iti muanglo." Ka tih chuan anui tawi taka. "Nia, tunlai chu damlo an țha hnem thei ang reng sia, ka chauh hmel deuh aniang" ati ringawta.

"Ei châk inei em?"

"Nei lo e. I ril atam ami?" Alo tih chuan ka lu ka lo thing vat a. "Thil i ei châk tâkin ka ti deuh a...I chauh hmel si a." Tiin ka nuih suk a, khum lam ka pan leh ta nghal a.

Khuma țhu in ka phone ka khawih mel² a. Rosé message lo thleng in, "Naktuk lam chu Australia lama ka hmelhriat țha ten puih che an tum anih hmel, office ah ka lo kal pui ang" tih te hi alo thawn a.

Lawmthu ka hrilh ve nghal a. Tunah chuan Company sum pawh ka rul zo ve thei tep ta. Rosé hi awmlo se chu keimah chauh chuan hetiang dinhmun hi ka thlen theih hi ka inringlo.

Hnam dang hmelhriat anei tha a, chumai bakah ama pawisa ngeiin min pui bawk a, tunah chuan ka rûl zo ve tep tawh. Ka rin ang ngeiin Rosé hi chu a rilru alo chhe miahlo.

In zui tawhlo mah ila ka tan chuan țhianțha tak angin ala awm reng a, puih ka ngaih laiin min puia, min huat phah ka lo rin vei nen min haw zui miahlo chu mak ka ti.

Y/n pawh khumah alo mu ve a, ka lo kuah nghal vat. A chau ni ngei tur ani, a che eihlo a, a mu anih ringin ka han bik dek² a, a mit alo chhing fel diam tawh. Doctor hna hi na mai lo ani ve a, damlo enkawl ngawr² leh tihtur tam tak anti ve nasa a, a chauh thlak ve ngawt ang. Khawvelah hi chuan hna hahthlak lo hi alo awmlo anih hi.

Thawkchhuak tur chuan hah ve te pawh hi angaia, hna awlsam hi a awm mai² biklo. Hna awlsam ber a kan ngaih pawh hi a thawktu Tan chuan thil hahthlak ani ve khawp ang.

Khawvelah hian hna nuam han tihtur hi a awm tak² lo. Eng hna pawh hi hna nuam ani loa, hna hahthlak vek ani.

Y/N POV:

Ka chau viau emaw ka tia, ka la mu lawk theilo zui. Ka mitthla ah Jungkook leh Rosè thlalak bawk chu arawn lang leh țhin. Ngaihtuah lo ka tum ve nasa...ka thei nganglo chu ani.

Ka mutdan ka siam țha deuh sek reng a, ka in let ka inlet deuh chhen bawk. Jungkook chu tui tak hian amu a, a thaw ri sék² reng bawk. Table lamp bula ka phone chu banin ka hmet eng leh a, chu thlalak bawk chu ka en nawn leh ngat.