🍒المفروحة ومول الحانوت 🍒( مكتملة)

part85

~ تتمة الجزء ~
مدات ليه الفوطة  وخرجات من لبيت ف إتجاه الكوزينة كدور من هناا و هناا حتى حسات بيديه على خصرهاا وريحتو الرجولية كتشم من بعيد  و لحيته كيحركها على وجهها تتشوكهاا ضحكات ودارت تتشوف فييه ..
بثينة : ممم اش نديرو لغداء ؟
أشرف : لحم ب لبرقوق مشهيه من زمان
بثنية : واخا هاك لبصلة قشرها و انا نقطعهاا
اشرف : هي لولة
بداو العمل ديالهم صباح عندهم عامر حي و سعادة غير بيناتهم دارت البرقوق يطيب وخرجو هي و ويااه غادين ف إتجاه الصالون ..
اشرف : هممم داباا نهضروا ف موضوع السكنة ..فين باغة تكلسي راه ميمكنش نخليك هناا بوحدك
بثينة : ضروري خاصك تمشي
اشرف : وي مور العيد الكبير لكن دابا خااص ناقشو عاد الموضوع ..
بثينة بتوثر : عارف شنو وقع اخر مرة مع ريهام من داكشي لي خايفة أما انا عندي عادي نكلس مع خالتي و عمي ..
اشرف : هاديك البرهوشة مزال غنقاد معاهاا نوريهاا الحكرة على اصولهاا متخافيش ، ولكن ابثينة حراشي شوية
بثينة : كيفاش ؟
اشرف : عجباني هاكا بحشوميتك و برائتك خليهاا غير معايا منين نمشي ولا منكونش انا كوني سبع وراء ضهري كوني حرشة لي قال ليك هضرة خايبة ردي عليه ب لعشرة متبقايش تسكتي لواحد
بثينة : ولكن ا اشرف اناا هاكا دايرة مكنعرفش لهادشي ..
اشرف : ناخدو غير مثاال داكشي لي وقع مع ريهام لبارح علاش مخرجتيش حتى نتي فيهاا عينيك فين ما كانت باغا تخرج تخرج لله يجعلها نفكرهاا ف الكوميسارية كاع
بثينة : صافي ..
اشرف قرصهاا فنيفهاا : وعنداك تسيفي علياا اناا ها وذني هههه
بثينة : ناااري طاجين كيتحرق نسيناااه
اشرف : ونتي لواحد يكلس معاك ينسا سميتو بسسيييف ...‏‎~المفروحة و مول الحانوت ~
‏‎بقلم : رجاء جاكار
ج : 85
شافت فيه بنضرة واش منيتك وزادت غادة لقدام ميديهااش فهضرتو ..هبطات فدروج معصبة ..دخلات لكوزينة نيشاان كانت مريم كتعجن لخبز و جنبهاا كوثر كتغسل لماعن ..
مريم : داك الحتروف شدك ..
فرح : ندمني كاع ..
كوثر : وااا صحبتي شحال و انا كنقول ليك لا
فرح : اي يدي تيضروني ..انا غادة و نمشي فحالي ..

مريم : جلسي  تغداي اويلي راه دارك هادي ..
فرح : مزال اخالتي مزال ..
مريم : و هاا انا نحلف ليك ولله تتغداي معانا
فرح : علاش اخالتي علاش ..
مريم : جلسي مالك تقول غتكلس على نار
فرح : لا حاشا حاشا
مريم : اوا جلسي على ترمتك شوية
فرح : قبل تمشي معايا كوثر نشوف بشرى
كوثر : ايه ها أنا ساليت ..
مريم : متعطلوش ..
قدات مريم شعرهاا وجات خارجة هي وفرح حتى سمعو صوته ..
عهد الدين : فين خارجين الشريفات ؟
فرح : سوقك
عهد الدين  : هضرت معاك
فرح : قلت مثنى اشريف
خرجات مريم كتمسح يديها وهي كتسمع لنكيرهم أما كوثر رجعات لور وبقات كتفرج
مريم : اتبارك لله مفاهمين معرفت كيف حتى غتزوجوا واش غتبقاو نكير صباح وعشية
عهد الدين : ا لوليدة مفاهمين مفاهمين
فرح : لاش تكذب
عهد الدين : بلعما ..زيدو نوصل معاكم
مريم : هاهوا لباب اونفاص ..
عهد الدين : كوثر غا سيري انا نمشي معاها ونيت نشوف الحانوت نجلس فيه شوية اري الوليدة ساروت نفتحوا
فرح : واش شكيت عليك ..
عهد الدين بحدة : تحركي قدامي ..
خرجات تتخبط ف رجليهاا ..غادة لقدام حتى دقات فباب دارهم .. وعهد منين شافهاا مشات رجع فتح الحانوت ودخل جالس طالق رجليه ..حتى دخلات بنت زعرة(ديك لي دابزت هي وفرح ديجا فوسط الحانوت )
: عهوودي لباس عليك ..
عهد الدين : شكون نتي اختي بغيتي شي حاجة
: مديرش معانا الحل الخاريج رجعك معفر
عهد الدين : بمراتي اختي ..