🍒المفروحة ومول الحانوت 🍒( مكتملة)

part142

جرها من يديها غادي بيها لجهة المراية ..

عهد : جلسي انا نقادو ليك ..
جلسات على الكورسي لي كان قدام الكوافوز الكبير واقفة عليه المراية جلسات بهدوء أما هو جاب فوطة صغيرة وفتح ليها شعرها بيديه بدا كينشفو ليها بحنية وهي ساهية فيه كتشوفو من زجاج المراية حسات براحة النفسية من داك الحركة الدائرية لي كيدوزها على شعرهاا حيد الفوطة الصغيرة من بعد ما نشفو ليها مزيان و هز لمشطة كيمشطوا ليها بحنان حتى بدا كيقاد ليها ضفيرة بيديه سالا وشاف فيها ب إبتسامة ..
عهد الدين : إذن دابا يمكن لينا نخرجوا ..
فرح : كتعرف ضفر ؟
عهد الدين بخفوت : اه كنت كنضفر لكوثر منين كانت صغيرة ..
فرح : شكرا جات غزالة ..
تبسم ليها وشد ليها فيديها شابك يديه مع يديها وخرجوا من الغرفة ..
هبطوا لتحت فين كانوا جالسين أشرف وبثينة ف مطعم الفندق ..
جلسو جنبهم ضاحكين ناشطين مع بعضهم ف إنتضار كوثر و هشام ..
بثينة بخفوت لفرح : شفتكم تصالحتوا دغيا ؟
فرح : تصالحنا اه ههههههه
بثنية : أحياني عليك طلعتي مساهلاش ..
فرح : و أش بان ليك هههه
أشرف : اش كاين ف لبلان تما ؟
فرح : اش دخلك فسوق النساء هه؟
بثنية : عطييييه باش تعلم تدخل سوق راسك
أشرف : هادي هي ديالك امدام ناس دافع على راجلها ونتي تزيدي عليه
رمشات فيه بثنية بخفة وشافت فيه دايرة نص إبتسامة بمكر ..
بثنية : ومالها قلت ليك شي حاجة راه قلت ليك غير لحقيقة ..
أما فرح سكتات كتشوف فيهم و تبسم حتى شافت ناحيته بان ليها حتى هو متبعهم وكيضحك على هبالهم ..
كوثر : صبااح لخير عليكم فطرتواا ولا مزال ؟
هزو راسهم فيهم كانو كوثر و هشام جاين لابسين نفس لبسة تقريبا هي لابسة سروال تجين و تيشورط و كذلك هو مقاد راسه
فرح : مزال كنتسناو فيكم ..
تبسمات ليها كوثر من بعد ما سلمات على الكل وجلسات مع لبنات ..
فرح : السر طايح على وجهك الآلة العروسة هي قولي ليا صافي ..
~المفروحة ومول الحانوت ~
بقلم : رجاء جاكار
ج:142

هزات كوثر يديها ضربت فرح لفخضهاا حنوكها حمرين الخجل طاغي على ملامحها ..

كوثر : لله ينعل حسك أ دحشة
فرح : ومالي قلت شي عيب غا كري أشعيبية ..
هشام : احم فرح مغتاكليش اختي ؟
فرح : حضيني حضيني ..

فطروا مجموع الضحك و النشاط مع بعضهم حتى وقفوا خارجين غادين ف إتجاه البحر ..

عهد الدين : واش نمشيوا ب طنوبيل ولا غير على رجليهاا ..
هشام : طنوبيل حسن ..

ركبوا من جديد غادين ف إتجاه السيارة جلسات كتقاد السمطة ديال الطنوبيل وتقاد فشالها لي طايح على كتافهاا ..
شافت فيه عاقد حواجبه مع بعضهم وغادي بعصبية و السبب ممعروفش ..

بثينة : أشرف مالك ؟
مردتش عليها حدو زاد عقد حواجبه كثر
بثينة : أشرف يمكن تندوي معاك
أشرف : اش غنقول ليك اه مالي ؟ مالي اش نتي قلتي
بثنية : واش تقلقتي على هاديك لهضرة أنا مقصدتش والو غير ضحكت معاك ..
أشرف : اه هداك ماشي ضحك ماشي ضحك هداك جنب الراجل ..
بثنية : انا اش درت ياك غا كنضحكوا دابا لاش كتفركع عليا انا ..
أشرف : صافي صافي ما وقع والو تخربقت مديش عليا وصافي
بثنية : لا غير قولي اش درت انا ..
أشرف : صافي أبثنية ما وقع والو معصب وصافي
بثنية : وشنو لي عصبك ؟
أشرف : نساي من بعد ونعاود ليك دابا وصلنا ..
تنهدات كتشوف فيه عصبيته غتخرج عليه و عليهاا هي بذات !
نزلات من السيارة و كذلك هو قرب ليها وشدها من ذراعها معنقها وهي كتشوف هاد تغير كيتقلب كيف الزمان ..
تمشاو غادين جنب كتشوف هنا وهنا حتى وقفوا جنبهم كاملين ..
شافت فيه كترمش عينيها بسباب الشمس لي ضاربة فعينيها ..
بثنية : انا غنتمشا مع لبنات واخا ؟
ومألها براسه بموافقة ومشات هي جنب لبنات كيهضروا ف موضوع الموضة و اش خرج ..
بثنية : خليونا من هادشي دابا اش باغين ديروا ؟
فرح بمكر : مقلب ف عهد و اشرف و هشام
بثنية : اويلي نتوما قيلو عليكم الرجال دغياا كيتعصبواا
فرح : ها مولات لفكرك ( شيرات ناحية كوثر )
كوثر : نديرها ولله حتى نديرهاا
بثنية : اش ناوين ديرو ؟

___
اش ناوين لبنات يديروا مثلا ؟