🍒المفروحة ومول الحانوت 🍒( مكتملة)

part88

‏‎~المفروحة و مول الحانوت ~
‏‎بقلم : رجاء جاكار
ج : 88
عهد جالس لقدام هو وهشام ..
عهد الدين : فين غادي داباا ؟
هشام : عند ذهايبية ..
شاف فيهاا بنص عين من المراية بانت ليه كضحك وتهدر مع كوثر ممسوقاش ليه ....
دقائق قليلة وكانوا أمام محلات الذهايبية نزلو من السيارة هشام وعهد الدين لقدام و كوثر و فرح لور ، بان ليه لمحل ودخلو ا ولبنات غا تابعينهم ..
هشام ب إبتسامة  : السلام عليكم كاين شي ولا والو ؟
صاحب المحل : لله ياودي كلشي كاين عزل و تخير ..
هشام : ربي يخليك ، كوثر اجي ..
سمعات سميتهاا قفزات من مكانهاا لأنه كانت ساهية ف بعض المجوهرات توجهات ناحيتو وخلات فرح واقفة بوحدهاا بعيد عليهم ..
هشام : مم هانتي شوفي عزلي وختاري لي بغيتي
كوثر : مم لي بغيت ؟
هشام : أكيد
تحنحن عهد الدين شافهاا واقفة بوحدها كدور عينيها من هنا و هناا حتى وقف ليها قريب بزاف و همس ليهاا بخفوت ..
عهد الدين : ونتي متختاريش خاتم خطوبتك ؟
بعدات خطوات قليلة وشافت فيه كتخنزر ..
فرح : شريه لمريولة ديالك ماشي لياا ..
عهد الدين زاد قرب ليها كثر ونطق بخفوت كيف الأول ..
عهد الدين : و مالكي تقلقتي ولا ولكن راكي عطيتيها علاياش كاتقلب ..دوزي شوفي هاد ل أنسومبل زوين
فرح : شفتك متيق راسك انه راني قابلة بهاد الخطوبة ..
عهد الدين بعصبية : باركا من تبرهيشك أفرح رجعي لعقلك و لجديتك هاد التبرهيش مصالحش داباا ..
فرح بعناد : لا هي لا ..
عهد الدين : وااش باغة تحمقي دين مي ولا مالك غااا قولي انا اش درت يااك مشكلتك معاها و اناا ما محلي ؟
فرح : والو غا عاجبك الحال وخدام ساكت
عهد الدين : اوا صافي الآلة من هناا لفوق لي هضرات ولا شافت فيا اجي ليها واخا ؟

~ تتمة الجزء ~

فرح : اييه أناا مقابلاك غا نتا سير بعد مني خليني نشوف
عهد الدين : صبرك يا لله دوزي دوزي معرفتش اش درت ف حياتي ..
فرح : ذنوبي هادوك سير وجد الحلة اوليدي ما تخلص ..
عهد الدين : اتكايسي ا شريفة ..
مدتهااش ف كلامو نهائيا و قربات جهة هشام و كوثر لي منساجمين مع بعضياتهم كيختارو و واحد ياخد رأي الأخر ..
وهاكا دازت ساعة تقريبا ف غير هادا زوين لا هدا حسن منو ..
عهد الدين : اش خديتي ؟
فرح : هذا
قربات ايه ل أنسومبل خفيف و بسيط فيه فراشات ..
عهد الدين : وخاتم الخطوبة ؟
فرح : هذا معجبكش شوف (جبدات ليه خاتم فيه فراشة من لقدام ) هاهوا
عهد الدين عقد حواجبو : كيبان ليا هذا ماشي د لخطوبة شكون يعرفك مخطوبة ونتي لابساه ..
فرح : ماشي شغلي انا عاجبني هادا
عهد الدين : زيدي قدامي انا لي ناخدو ليك ..
قرب عندهم هشام كيشوف فيهم من بعيد كيتناكرو ..
هشام : اش واقع مالهاا هادي
فرح : ماماليش اناا بعداا هو لي تينكر بحال العگوزة
عهد الدين : ياك اشريفة
فرح : اه
هشام : تفاهمتوا نتوما بكري ..

~ أشرف   &   بثينة ~
واقفة قدام المراية كتقاد شالها لي ف لون كري وصاية ف الأسود و كذلك تريكو ف الأسود دارت المونطو ف لون قهوي و هزات صاكها ف الأسود ، دارت ميكاب خفيف و خرجات لصالون فين كان جالس كيلبس سبرديلتو شاف فيهاا وهو يصفر ب إعجاب ..
أشرف : لله لله على حشيشة قلبي تبارك لله
الخجل بان على ملامحها مرة أخرى وشافت فيه كان لابس سروال أسود و تيشورط ف الأبيض ..
وقف و توجه ل إتجاهها كانت واقفة كتشوف فييه شد ليهاا ف يديها و باسها ليها بكل حنية ..
أشرف : جيتي غزالة بزاف ..
بثينة : شكراا حتى نتا جيتي غزال ...