🍒المفروحة ومول الحانوت 🍒( مكتملة)

part200

~المفروحة ومول الحانوت~
بقلم : رجاء جاكار
ج: 200

" الأجزاء الأخيرة "

أسبوع داز ، بثينة خرجات من الصبيطار و كذلك كوثر تجمعو ف دار وحدة نهار خرجو وهكاك دازت الأيام ..

ليوم على غير الأيام كتحس بشي حاجة كتحرقها وقفات غادة جاية كتحاول تلهي راسها باش داك لحريق يمشي لأنه خبرات الدكتورة وقالت ليها هادشي طبيعي ..
لكن ليوم حريق فشكل ، هبطات ف الدروج بشوية عليها بانت ليها مريم جالسة ف الصالون جلسات حداها حاطة يديها على أسفل بطنها ..
فرح : خالتي شادني لحريق بزاف
مريم : أواعدي جيب داك التلفون نعيط ل عهد الدين فيك لوجع و صابرة طبيب نيشان
دخل عهد الدين بزربة منين سمع اش قالت لييه أمه ، هزها موقفها بشوية عليييها وهي شادة على يديها لحريق غادي و كيتزاد
فرح : خالتي عفاك عيطي ل ماما عفاك
مريم : واخا ابنتي ..

ركبات بشرى ف السيارة بالزربة كتحاول تهدن فرح وكذلك مريم أما عهد الدين لله عالم بيييه
دقائق قليلة و كانو قدام لكلنيك فين تبعات الحمل ديالها من لأول نزلات بشوية وعهد شادها بشوية ..

بانت ليها الطبيبة ديالها جاية خارجة تشوفها ، نيشان دخلوها لقاعة الفحص ...

الطبيبة : فرح ابنتي غتولدي دابا الوالدة عندك مفتوحة

خرجات طبيبة وشافت فيهم بثلاثة ..
د.ك : غدخل تولد دابا ان شاء لله يكون خيير جيبو ليها حوايج هي و لبيبي

خروجها ف لبياس كانت لابسة لبسة طبية ، قرب عندها عهد الدين بسرعة شاد فيديها

عهد الدين : متخافيش أ فرح إن شاء لله تفكي على خييير
تبسمات لييه وشدات لييه حتى هي فيديه كذلك ..
فرح : بنتي أمانة عندك أ عهد إلا مشيت
عهد الدين : متقوليش هاكا افرح إن شاء لله بزوج نهزو بنتنا
تبسمات لييه ودخلوها لغرفة العمليات ، هز التلفون ودوز نمرة ل هشام اخبرو يجيب الحوايج و داكشي لي كانت باغة تحطو ف لغرفة

دازت نصف ساعة الأمهات جالسين كيقراو القران حتى من هشام واقف كوثر متقدرش تخرج ..
خرجات الدكتورة كتمسح على راسها بتعب
د. ك : الحمد لله على سلامتها تفكات على خير
تماات فرملية خارجة هازة بيبي ومغطية ب ليزار طبي
وقف بالزربة و مشا ناحية الفرملية يشوف بنته
كانت مغمضة عينيها و كتحرك ف يديها بشرتها بيضاء وشعرها خفيف زعر
عينيها برقو بالفرحة وهو كيشوف قطعة منه و من حبيبته
مداتها ليه الفرملية ، شدها بيدو بشوية خايف عليها ..
هشام : وذن ليها
وذن ليها وباسها من جبينها ومدها ل هشام و هزوها جداتها بجوج ..
خرجوها من غرفة لعمليات نيشان لغرفة لي غتجلس فيها

كان واقف مع الدكتورة كتدرس ليه حالتها وهو باغي غير إيمتا يمشي يشوف محبوبته كيف دايرة واش لباس عليها ويسولها كيف دازت لولادة ..

غا سالات معاه مشا بخطوات سريعة نحو الغرفة بالزربة
بانت ليه جالسة وهازك بنتها فيديها كتضحك معاها و التعب باين على ملامحها

عهد الدين : على سلامتك بنتك كتشبه لييك
تبسمات لييه وجراته شاداه من يديه
فرح : كتشبه ليك نتا ف لعينين و انا فالشعر  و كلشي هههههه
عهد الدين : ايييه كيف جاتك الغرفة ؟
فرح : حمقااتني كتفتح لقلب
عهد الدين : بنتي باغا ترضع لا
مريم : اه افرح خاصها ترضع
بشرى : اييه على الكبيدة ديالي كبرات حتى هي و دارت لوليدات لله يحفضك يا لعوينة ديال وتشوفي ولادك ف أعلى المقامات
جراتها فرح وجلساتها جنبها باست ليها يديها
فرح : لله يسمح لينا منكم عاد جربنا ..