Unicode
"အန်တီခင်"
"ဪ..သမီးလာလေ"
အန်တီခင်ကဆိုဖာပေါ်တွင်ထိုင်ကာ ပုတီးစိတ်နေသည်။
ဆုဆု မသိဘဲခေါ်လိုက်မိသဖြင့် အားနာသွားသည်။
"အားနာလိုက်တာ အန်တီခင်ရယ်၊သမီး
အန်တီခင်ပုတီးစိတ်နေတာကိုမသိလိုက်လို့နော်"
"ရပါတယ် သမီးရယ်။ အကြင်နာ့ဆီလာတာလား"
"ဟုတ်တယ် အန်တီခင်။အကြင်နာ့ဆီလာတာပါ"
"ရှိတယ်သမီး။ခြံထဲနဲ့သူ့အခန်းထဲတစ်ခုခုပဲ။ခေါ်ပေးရမလားသမီး"
"ရပါတယ်..သမီးဘာသာလိုက်ရှာလိုက်ပါ့မယ်"
"အေးပါကွယ်"
ဆုဆု အကြင်နာ့အခန်းထဲအရင်ဝင်ကြည့်သည်။အခန်းထဲမှာမတွေ့သဖြင့်
အန်တီခင်ပြောတဲ့အတိုင်းခြံထဲနေမှာဟုတွေးကာခြံထဲဆင်းသွားလိုက်သည်။
တွေ့ပါပြီ...ဒန်းပေါ်တွင်ငေးငေးငိုင်ငိုင်ထိုင်နေသောအကြင်နာ။
"အကြင်နာ"
ခေါ်နေတာကိုအကြင်နာမကြားပါ။
"ဟဲ့...အကြင်နာ"
"အမလေး..ဆုရယ်လန့်လိုက်တာ"
အကြင်နာ အတော်လန့်သွားသည်။
ရင်ဘတ်ပေါ်တွင်လက်နဲ့ဖိထားရကာ ရင်တုန်မှုဟာ မပျောက်သေး။
"ငါခေါ်နေတာနင်မှမကြားတာကို"
"ငါ့မှာရောဂါရှိသေးတာလည်းသတိရပါဦး ဆုရယ်..ငါတကယ်လန့်သွားတာ"
"Sorryပါသူငယ်ချင်းရယ် ငါ့မေ့သွားလို့ပါ"
အကြင်နာ့ဘေးသို့ဆုဆုဝင်ထိုင်လိုက်သည်။
"ရပါတယ်...ငါ့ကိုပြောစရာရှိတယ်ဆိုတာကိုလာပြောတာလား"
"အင်း....ဒါပေမဲ့"
တွေဝေ ဟန်ရှိသောစကားသံအား အကြင်နာစိတ်ဝင်စားလှသည်။
"ဘာလဲ..ဒါပေမဲ့က"
"ပြောသင့်မပြောသင့်စဉ်းစားနေတာ"
"မမအကြောင်းမလား။ပြောရမှာပေါ့။နင်ပဲအစဖော်ထားပြီးတော့"
အကြင်နာနှုတ်ခမ်းစူရင်းမကျေမနပ်
မျက်စောင်းထိုးလိုက်သည်။
YOU ARE READING
ချစ်သော အကြင်နာ(Completed)
Romanceမေတ္တာတွေသာ စစ်မှန်ခဲ့ရင်အသွားအပြန်ရှိနိုင်သလား။မေတ္တာတွေကရောင်ပြန်ဟပ်သလား။ မေတ္တာတွေကစူးတတ်သလား။ မေတ္တာတွေသာစူးခဲ့ရင် ပြန်နှုတ်လို့ရနိုင်ပါ့မလား။ အမုန်းတွေကရောအချစ်အဖြစ်ပြောင်းလဲလာနိုင်လား။အချစ်ကနေ အမုန်းဘက်ကိုပြောင်းသွားနိုင်လား။
