Unicode
အကြင်နာဒီနေ့ဖျားသဖြင့်ခွင့်ယူထားရသည်။
ဆေးရုံမသွားခင်အထိ မမကတတွတ်တွတ်နဲ့ဆူခဲ့သေးသည်။မမဆူတာလည်းအပြစ်တော့မဟုတ်ပ့ ။
ညဘက်ကြီးရောက်မှ ရေချိုးခေါင်းလျှော်ပစ်ခဲ့မိတဲ့ကိုယ့်အပြစ်ပါ။
အရင်တုန်းကဖျားနာနေမကောင်းဖြစ်ရင်
မေမေ့ကိုသတိရစမြဲ။သေချာမမှတ်မိသော်လည်း ကလေးတုန်းကမှတ်ဉာဏ်လေးမှာတောင် မေမေဟာ အကြင်နာ့အပေါ်အနွေးထွေးဆုံးဖြစ်ခဲ့ဖူးသည်။ အကြင်နာမေမေ့ကိုလွမ်းဆွတ်၍ငိုကြွေးခဲ့ရတဲ့ညပေါင်းလည်းမနည်းလှခဲ့ပါ။
နောက်မိန်းမကိုမလွန်ဆန်ဝံ့တဲ့ဖေဖေနဲ့
အကြင်နာ့ကိုအမြင်မကြည်သော မိထွေးတို့ကြောင့်လည်းငိုကြွေးရသည်မှာအခါခါ။
ထိုကြားထဲမှ ရင်ခုန်သံတစ်စုံပေါက်ဖွားကာ မိန်းမလှလေးတစ်ဦးအားချစ်မိခြင်းမှစ၍ နေ့ရက်တိုင်းမှာ မျက်ရည်များနှင့်အဖော်ပြုခဲ့ရသည်။အခုအချိန်မှာတော့ဒါတွေဟာကျော်လွန်ခဲ့ပါပြီ။အချစ်ရဆုံးသူဟာ ကိုယ့်အနားမှာရှိနေခဲ့ပြီပဲ။
ဖုန်းမြည်သံကြောင့်ကြည့်မိတော့contactsမှာပေါ်လာတဲ့နာမည်လေးက Dearest Ma Maတဲ့။အကြင်နာပြုံးလိုက်မိသည်။
မမအနှောက်အယှက်ဖြစ်မှာစိုး၍ ဖုန်းမခေါ်ခဲ့ပေမဲ့ မမဆီကဖုန်းကိုမျှော်နေမိခဲ့သည်။
တကယ်ပင် မမကိုတစ်နေကုန်လွမ်းနေခဲ့တာ။
"ဟဲလို မမ"
"ကလေး သက်သာရဲ့လား..မမစိတ်ပူနေတာ"
မမဆီမှ ဂရုဏာနာသံလေးရောနေတဲ့အသံလေးထွက်လာသည်။
"သက်သာပါတယ်မမရဲ့ မနက်ကလည်းမမဆေးထိုးပေးထားတာကို"
အကြင်နာတကယ်လည်းသက်သာနေပြီ။ဆေးကြောက်တဲ့အကြင်နာလည်း မမကိုကြောက်ရသဖြင့် မညဥ်းမညူသောက်ခဲ့ရသည်။
"သက်သာတယ်ဆိုလည်းတော်ပါသေးရဲ့..မမကအခုလှည်းတန်းဘက်ရောက်နေတာ..ကလေးဘာစားမလဲဟင် ..မမမင်းအတွက်မုန့်ဝယ်ခဲ့မလို့"
"အဲ့ဒါဆို စတော်ဘယ်ရီသီးဝယ်ခဲ့ပေး မမ..."
"အင်းအင်း...ကလေးက စတော်ဘယ်ရီကြိုက်တာလား"
"ဟုတ်တယ် မမ"
"ဟုတ်ပါပြီ အခြားဘာစားချင်သေးလဲ"
YOU ARE READING
ချစ်သော အကြင်နာ(Completed)
Romanceမေတ္တာတွေသာ စစ်မှန်ခဲ့ရင်အသွားအပြန်ရှိနိုင်သလား။မေတ္တာတွေကရောင်ပြန်ဟပ်သလား။ မေတ္တာတွေကစူးတတ်သလား။ မေတ္တာတွေသာစူးခဲ့ရင် ပြန်နှုတ်လို့ရနိုင်ပါ့မလား။ အမုန်းတွေကရောအချစ်အဖြစ်ပြောင်းလဲလာနိုင်လား။အချစ်ကနေ အမုန်းဘက်ကိုပြောင်းသွားနိုင်လား။
