تهزمني عيونك كل مانويت اقسى

جزاء ٣٢

اما الباقين عمه منيره وابو سامر وجاسم
ماحد دارين عن شي وهم فرحانين بخطبة سامر

غسل وجه توجه عند بيان الي كانت ضامه رجولها لصدرها وتبكي
فيصل مد يده لذقنها ورفع راسها وبيده الثاني مسح دموعها : لا تبكين ياروح فيصل لا تبكين
ثم قبلة جبينها وبحنيه : قومي كلي ما اكلتي شي من امس
بيان رفعت شعرها عن وجها ونطقت : لا مو جوعانه
رنة الجرس قام فيصل صعد الاسفل اخذ الاكل من المندوب
ورجع حط الاكل على طاوله : قومي يلاا عشاني
بيان جلست جنبه وهي مالها خلق تنقاشه
فيصل مدت لها ملعقة رز
بيان ناظرته وابتسمت بخفه
فيصل : بس هذي لقمه تاخذينها من يدي
بيان فتحت فمها واكلتها
بعد ما خلصو الاكل
فيصل كان جالس وهو يناظرها تحط مرطب على يدينها
فتح ذراعه بعد ما شافها خلصت : تعالي
بيان كانت تناظره وتحارب دموعها
تقدمت وهي تحضنه ماقدرت تتحمل وانهارت بحضنه
فيصل شد عليها وبيده الثاني يمسح على شعرها
بعد دقايق بيان مسحت دموعها وجت بتبعد عن حضنه
نطق فيصل : اشش مافي فكه
بيان : ارتاح
فيصل : مرتاح دامتس بقربي
بيان ابتسمت
فيصل مسك يدها : تدرين ؟
بيان باستغراب : وشو؟
فيصل : حاتم خطب
بيان ناظره بصدمه : صادق؟
فيصل : اي والله غريبه ماحد قال لتس
بيان : لا والله وانا اخر من يعلم ؟
فيصل بابتسام : تعرفين الاشغال ما امداني اقول لتس
بيان : متى خطب ومين ؟
فيصل : امس والبنت موظفه معه في المستشفى
بيان : صدق
فيصل : اي تذكرين بثاني يوم العرس احترقتي والبنت الي عالجتك هي نفسها
بيان : امانهه!!
فيصل ابتسم وهو يناظر بملامحها : اي والله
بيان ضحكة بخفه : افف مسكينه
فيصل باستغراب : ليه ؟
بيان : مسكينه كانت تبي تساعدني وانا طلعت حرتي عليها
فيصل : ههههههههه ما تتوبين
بيان ناظره ونطقت بضحكه : هههه لا
فيصل قبلة خدها بحركه سريع
بيان انصدمت من حركته
فيصل قام طفى النور ورجع سحبها لحضنه
بيان كانت تناظره بصدمه
.......... •• ..........
نجلاء : افف خلاص يا بنت اسكتي لا تفضحين نفسك
ترف مسحت دموعها : وين مشعل؟
نجلاء : ما جاء
ترف عطتها ضهرها وتلحفت : بنام اذا جاء مشعل صحيني
نجلاء نطقت بضيقه : تمام
............ •• .........
فجر كانت قاعده تبكي وام فيصل جنبها : قومي يا بنتي امسحي دموعك ونامي
حاتم قام بضيق توجه الغرفته وهو يحس بضيق والكتمان
رنة جواله اخذه وهو يرد : هلا ؟
غلا بهدوء : اهلين شفيه صوتك!
حاتم : مافيني شي بغيتي شي ؟
غلا باستغراب : لا بس قلت اطمن عنك
حاتم : بخير انا والحين بنام بصحى بدري الدوام
غلا : تمام

" يوم الثاني "
اخذو تركي الغيبوبه والاسلاك الاكسجين عليه ونص وجه عليه الشاش
مشعل والدموع في عيونه تقدم للدكتور : كيف حاله؟
الدكتور ناظره ونطق : نفس ماكان اكتشفنا رجله اليمين ويده اليسار انكسر سوينه تجبيس وقدرنا نوقف النزيف الداخلي ماعليه خطوره بس بيبقى تحت مراقبتنا
مشعل : اقدر ادخل؟
دكتور هز راسه بايه
توجه مشعل الغرفه دخل وهو يشوف الشاش بوجه تقدم وهو يحضنه ودموعه ينزل قبل راسه وغمض عينه ما يقدر يشوفه بهذ الحاله
........... •• .........
فتح عينه وهو يشوفها نايمه بحضنه واضح عليها التعب
حط يده على جبينها وهو يشوف حرارتها مرتفعه
نطق بهدوء : بيان قومي
بيان تحركت بانزعاج ومسكت راسها
فيصل : حرارتك مرتفعه قومي خذي علاج
بيان حركت راسها بمعنى تمام
ثم نطقت : وين تروح؟
فيصل : بروح المستشفى اطمن على تركي واسال عن صاحب الحادث من امس ما عندنا خبر عنه
بيان : توديني بيت اهلي؟
فيصل : تمام قومي
........... •• ..........
مشعل كان جالس جنب تركي رفع نظره بصدمه بعد ما اسرع صوت جهاز النبض دخلو السستر على صوت الجهاز اثنين منهم اخذو مشعل وهم يطلعونه برا الغرفه
مشعل كان متجمد بمكانه وهو يناظر الدكاتير يصارخون ويركضون
بهذ الحظه دخل حاتم وباله مع تركي انصدم وهو يشوف مشعل واقف ونظراته على غرفه
مشعل كان يناظر الغرفه وعى على نفسه من شاف حاتم وركض لعنده : حاتمم تركي داخل تكفى رح شف صاير شيي صاير ش...
حاتم ماخلاه يكمل كلامه وهو ركض بداخل الغرفه
بعد دقايق فيصل دخل المستشفى بعد ما وصلت بيان الى بيت عمه
توجه عند مشعل الي كان جالس ومغمض عينه
مشعل نطق بضيق : فيصل صاير شي تركي فيه شي
فيصل ناظره بهول من كلامه ونطق بخوف : و...وش صاير ؟
طلع حاتم ونزل الكمام
فيصل راح له ركض : وش فيه تركي!!
حاتم بضيق : مافيه شي بس ضاق صدره من التنفس وعطيناه اكسجين
فيصل ناظر الملامحه وبعدم التصديق : حاتم صاير شي لا تكذب
حاتم : والله ماكذب
حاتم الي خاف على تركي ومن حالته من شاف الاسلاك عليه
فيصل : لا تبعد عن مشعل انا رايح اسال عن صاحب الحادث
راح الاستقبال وسال عن صاحبه وانه في الطواري مافيه شي غير كسر باليد والركبه بسبب انه شاحن كبير ما جاه شي خطير
.......... •• ..........
فهد وخالد كانو جالسين مع بيان وام فهد
خالد : تكفين يمه قومي اكلي شي
ام فهد : كيف يمر على حلقي الاكل و ولدي بين الحياة والموت
فهد : يمه ادعي لها وبكذا قاعده تضرين صحتك
خالد التفت على بيان : بيان شوفيها ماتبي تاكل
بيان كانت سرحانه بتفكيرها وهي فاقده وجود تركي
خالد : بيان
بيان التفت عليه : هاه؟
خالد : اقول شوفي يمه ماتبي تاكل
بيان : ليه؟
خالد : مدري
بيان : قومي ماما ترني بعد جوعانه اذا ماكلتي ما باكل بعد
ام فهد تنهدت وكل واحد منهم ماسك نفسهم فاقدين تركي وحسه
.......... •• .........
فيصل دخل الغرفه رفع نظره لا شعوريه نزل دموعه من منظر تركي تقدم بهدوء قبلة راسه وهو يرجع يذكر الماضي لما كان يهاوشون ويضحكون ويطقطقون على مشعل يتذكر ايام المدرسه لما كان يهربون من المدرسه ومره تركي حرق المدرسه بسبب الاستاذ يهاوشه اذا تكلم مع فيصل يتذكر كيف كان يدافعون عن بعض ابتسم بوسط دموعه من ذكريات والايام الحلو رفع نظره وهو يشوف الشاش بوجه : وينك ياخوي قم خويك انهد حيله بدونك حرك لا تخليني لا تقتلني
قطع عليه دخول حاتم : فيصل قوم بنغير له الشاش
فيصل ابتسم له بخفة ثم طلع شاف مشعل جالس جنبه سعود
فيصل : السلام عليكم
سعود : عليكم السلام
فيصل : شلونك
سعود : بخير الحمدالله
شف مشعل مب راضي يروح بيته
تراه بيطول في غيبوبه احتمال شهر شهرين
فيصل ناظر لمشعل : سمعت؟يلا قم لا تعاند بيكون اهلك خايفين عليك
" سعود تعرف عليهم بعرس فيصل "
مشعل قام وطلع وراه فيصل الي شغل سياراته
ركب بهدوء وكنه فاقد جزاء من حياته
بعد دقايق وقف السياره عند بيته : انتبه لك
مشعل نطق بضيق : ابشر
حرك السياره وهو متجه ال بيت ابو فهد
.......... •• ........
كانت جالسه مع فهد
وشريفه تسولف لهم
بيان : تصدقين اشتقت لخالتي
شريفه : وانتي نسيتيها اصلا ماما كليوم تذكرك
بيان : يقلبي بنروح انشاء الله قريب
خالد وهو يتكلم من ورا الباب : بيان فيصل برا ينتظرك
بيان قامت لبست عبايتها : تمام
طلعت بس ما ودعتهم
ركبت السياره ناظرت لفيصل الي متلثم
بيان بهدوء : فك لثمه
فيصل ابتسم: اعترفي اشتقتي لوجهي
بيان ناظره بنص العين : لا يا بابا
فيصل فك الثمه ومد يده ليد بيان : يدتس ليه كذا مسخنه؟؟تعبانه ماخذيتي العلاج ؟؟؟
بيان هز راسها بالنفي : مافيني شي
فيصل بحده : تستهبلين وش قلت لتس انا؟؟؟
فتح الدرج وهو يطلع حبة بنادول مده لبيان وأخذ علبة مويه : خذي
بيان : فيصل مافيني شي
فيصل ناظرها بحده : بيان لا تعاندين
بيان اخذ الحبه بقهر وبلعتها بدون ما تشرب مويه
فيصل ناظرها بصدمه : ناقه انتي ؟

_______________________________

انتهى البارت ادعموني بنجمة وكومنت عشان اتحفز اكملكم
💜💜💜💜💜