فجر فتحت عيونها على اخر
ونطق فيصل : مشيعل طالب قربتس
فجر بصدمه : مشعل....ماغيره......مستحيل!!
فيصل باستغراب : وشفيه مشعل!؟
فجر بارتباك : مافيه شي بس مابي اتزوج توي صغيره
فيصل اخذ نفس ونطق : بكيفتس واستخيري مشعل رجال ونعم فيه وخويي وانا اعرفه اكثر من نفسي بعمري ماشفت منه عيب الاخلاق والطيب ولد عمك صدقيني بعمرتس ماراح تلقين مثله
فجر نزلت راسها
رن جواله اخذه وهو يرد : هلا سامر........اها...لا ماعليكم....على خير انشاء الله......مع سلامه
سكر الجوال ونطق : عمي ناصر عندهم ما بيجون اليوم
طلع وسكر الباب وراه
........... •• ...........
" بالمستشفى "
كان جالس بالسياراه فتح الباب وركب جنبه سعود
حاتم نطق بدون نفس : وش بغيت ؟
سعود : نسيت موضوعي يا ورع!
حاتم باستغراب : اي موضوع ؟
سعود : موضوع زواجي!!
حاتم بتذكير : اووو اجل ودك تقدم رسمي؟
سعود بخيبة الامل نزل انظاره الارض : ما اظن يوافقون
حاتم بقهر : ليه!!ليه ياخي تفكر كذا وش ناقصك!!
سعود ابتسم بخفه ونزل دموعه : لقيط وتساله وش ناقصك
حاتم سحبه لعنده وقبلة راسه : لا تعيد هاذ الكلام فاهم!
سعود ابتسم ونطق : طيب
حاتم : بكلم مشعل اليوم واذا رد علي الخبر بعلمك
سعود : زين
........... •• ...........
" بمجلس ابو سامر "
الكل كان جالسين يسولفون عادي ويتقهون
نطق الجد : سعد!
ابو سامر : سم يبه؟
الجد : اسمع العلم
ابو سامر باستغراب : اسلم ؟
الجد : جايك اطلب يد حفيدتي لمى ل حفيدي خالد
الكل ناظرو بعض بصدمه
ابو سامر ناظر ل ابو فهد بصدمه
ابو فهد : اي ياسعد جاينك نطلب لمى لخالد
ابو سامر : والله يا ناصر ونعم وللبنت ولد العم عن مية رجال بس انصدمت يعني......وناظر لابوه وكمل
: بس الشور الاول والاخير للبنت صح يبه؟
الجد هز راسه بايجاب
ابو فهد : خذو الوقت وماحنا مستعجلين على شي
تركي كان يراقب الوضع وهو ساكت
اما خالد ضاق عليه الدنيا وهو ما يعرف كيف يتزوج
يعيش معها تحت سقف واحد ويشتغل
شي كبير بنسبه ل خالد
ابو سامر : انا بروح اشاورها ياخوي
قام وسامر وراه
نطق سامر من عند الباب : يولللد!
عند البنات كانو جالسات مع بعض
ويسولفون الموجودات ام فهد وشريفه
وبيان الي ماجات معهم
لمى بصدمه : بيان عندتس ي خالتي!
ام فهد بحزن : تركي وخالد قالو لي وأنا ماشفتها من الاساس يقولون متهاوشه مع زوجها وماتبي ترجع
لمى : معليه تعرفين بيان كذا عنيده ما....
قاطعت حديثهم صوت سامر
لمى ابتسمت ونطقت : انا استاذن بروح اشوفه
ام فهد : اذنتس معتس يبنتي
وتين كانت مستغربه من جيتهم وهي متاكده في شي
خايفه انهم جاين يخطبون لمى ل تركي لانه هو الكبير
لمى فتحت الباب ونطقت : يهلا بحب
استغربت من وجود ابوها ونطقت : هلا يبه صاير شي!
ابو سامر: عمك ناصر جاي يخطبك لولده خالد
لمى ناظرتهم بصدمه والدموع تجمعت بعيونها
ونطقت ببحة الصوت : كيفف...خالد....؟!
سامر باستغراب : اي!خالد شفيتس ؟
ابو سامر : شوفي يابنت استخيري وردي علينا الخبر اذا ماتبين قولي من الحين
لمى نطقت باستعجال
وهي تحارب دموعها : لا...لاا موافقه ....انا مو...افقه
ابو سامر : متاكده!!
سامر كان مصدوم من ردة فعله وموافقتها بهذي السرعه
لمى رفعت راسها ونطقت : اي يبه ولد العم في احسن منه ؟
ابو سامر : اجل بنعطيهم الكلمه!
لمى : ايه
سامر قبلة راسها ونطق : ادخلي
لمى تنفست براحه ومشاعرها متلخبطه كيف خالد تقدم لها
هل يحبها ولا مجبور هل عرف بحبها له!!
دخلت الصاله وصعدت الاعلى على طول
وتين استاذنت منهم وهي تصعد وراها
شهقت من شافت لمى قاعده في السرير وحاضنه نفسها تبكي
وتين بصدمه : ليمو!!
لمى رفعت راسها : خطبني !!
وتين حست رجولها ماهي شايلتها وبهذ الحظه
عرفت توقعاتها كله طلعت صح : مي...مين!
لمى مسحت دموعها وهي مبتسمه : خالد
وتين تجمدت وهي مستغربه ليه كل هذي الدموع هي تحبه!؟
صرخت وهي تحضنها من استوعبت
هي دموع الفرح : مبروووككك يحمارهه اخيييرا بتااااخذيننههه
لمى بابتسامه : يبارك فيتس
كان واقف برا المجلس : سامر ناد لي خالد
سامر دخل المجلس ونطق : خالد
خالد ناظره : لبيه؟
سامر اشر له يلحقه
خالد طلع ونطق باستغراب : هلا ؟
ابو سامر : ولدي اكيد انت موافق محد جبرك على شي!
خالد ابتسم على تفكيرها تقدم
وقبلة راسها : مافي اي شي يالعم وانا والله
موافق وبنفسي بغيت اخطب بنتك على سنة الله ورسوله
............ •• ...........
واقف المطار ومشعل جنبه
نطق فيصل بارتباك : كلمتها بموضوعك وهي رافضه تقول باقي صغيره
مشعل رفع انظاره بصدمه ونطق : كي...كيفف!!
فيصل : الحياة قسمه ونصيب وانت والله رجال ما تنرد بس فجر رافضك وانا مستحيل اجبرها على شي بعد موت الغالي انا اللي صرت لهم الاب والاخ
مشعل بلع ريقه وهو يحس رجوله ماهي شايله
فيصل ناظر لساعته ونطق بضيق : انتبه لك وانتبه للاهل حاتم مشغول باشغال عرسه ف انا ادري انك ما تقصر
مشعل حضنه ونطق : ولا يهمك
" بعد لحظات الوداع ركب الطياره
متجه الباريس تارك كل شي ورا ظهره
........... •• ..........
كانت جالسه مع خالها مازن
نطق مازن بعصبيه : تكلميي لييه حالتك كذا من سواها!!
بيان بممل : مازنو قلت مشكله وانتهى خلاص اصلا انا الغلطانه
وهو ماسوا لي شي انا اللي عصبت وسويت بنفسي كذا
مازن بسخريه : ماتعرفين تكذبين مره
رنة جوال بيان اخذتها بترد
وهي تحمد ربه الف مره المكالمه انقذتها من تحقيق مازن
نطقت : لبيه ؟
مازن صد عنها بعصبيه
جاها صوت فجر : كيفك ياقلبي؟
بيان : بخييير ياحبيبتي
فجر : مو زعلانه مني؟
بيان بابتسامه : اكيد لا
فجر ببحة الصوت : ماعليتس منه سافر اليوم
تجمدت بمكانها من اللي سمعتها هي كانت تبيه
يبعد عنها بس ليه لما صار واقع الشعور تلخبطت
بيان وهي تحس خانقته العبره : وين؟
فجر اخذت نفس عميق : الباريس
بيان بهدوء : ماعلينا
نطقت فجر بتغير الموضوع : بيان تدرين؟
بيان باستغراب : وشهي؟
فجر : مشعل خطبني ورفضته
بيان بصدمه : رفضتي!!!!
فجر باستغراب : ايه؟
بيان استوعبت نفسها ونطقت : ليه؟
فجر : توي صغيره....واسمعي خبر الثاني
بيان بضحكه : هاتي
فجر : جاسم يبي يخطب ملاذ
بيان : مشاء الله وش هذ الشهر الكريم الكل يبون يخطبون
فجر : مين الكل
بيان : اهلي عند عمي سعد وبيخطبون لمى ل خالد
فجرشهقت بفرح : امانه!!!
بيان بستغراب : اي والله
فجر : يقلبيييي فرحتيني...خليني اتصل على ليمو واشوف الوضع
بيان : هههههههههه تهقين بتوافق؟
فجر : يابنتي لمى تحبه وتعشقه
بيان بصدمه : وووش!!!!ماسمعتت
فجر من استوعبت نفسها سكرت بوجها
= مرت اسبوعين =
تمت عقد القران" خالد ولمى بدون شوفه شرعيه
وسعود تقدم رسمي ل نجلاء وملك عليها
جاه الرد موافقه بعد ايام وهو يحس نفسه ضايع
بيان حالتها مثل ماكنت وصارت ازين من قبل ويالله اقنع ابوه وفهد
ان اللي بينها وبين فيصل مشكله صغيره والغلط
كانت منها كذبت عليهم وقالت هي طاحت من الدرج
اما جده رجع المزرعه بدون لا تشوفه بعد
تركي ماكلم مع فيصل بعد الي صار
احيانا يحن يحس مشتاق له وكل ما يتذكر الي سواه يعتبر عدوه
بس مستحيل يسامحه مهما صار
مشعل كان مصدوم من رفض فجر
كيف ترفضه وهو يحبها كيف ترفضه وهو واجهت امه والعالم
يبيها بس مصدوم مايعرف وش يسوي
حالته صار اسوء بكثير نحفان بدا يدخن يشيش
وكلشي مايعرف لوين يوصله هالحب
وانتهى موضوع ملاذ وجاسم
ملاذ وافقت واتصلت على فيصل وعطته الموافقه
وفيصل رد الخبر لجاسم والخطوبه الرسمي بعد عرس حاتم
ترف الوحيده عاشقه مغرمه ماعندها شي
غير تسرح بخيالها مع تركي
فيصل انشغل بشركته ولا باله كل يوم معها
ولكن ما حاول يتواصل معها ولا يغصبها برجوعها
فضل يعيش على بعيد دياره
بس باقي ناوي على اشياء كثير
= يوم المنتظر العرس حاتم وغلا =
كانت جالسه في الصالون والعاملة تسوي شعرها
نطقت بعصبيه من العامله
رفعت ضغطها : يابنتيي شعريي ترا شعري مب باروكا شوي وتشقينها بس هذ الي ناقصه
فجر دخلت وهي مبتسمه مدت كوب ماء لها : ليه معصبه حياتي ؟
بيان ناظرتها مدت يدها بتاخذ الكوب
بس شهقت بالالم ان الفير حرقت يدها : اااااا.......ه يي!!!
فجر حطت الكوب على التسريحه ونطقت بخوف : احترقتي كثير!!
بيان مسكت راسها ودموعها تنزل تحس بدوخه
فجر : بيان فيتس شي تعبانه ماكلتي شي!!
بيان قامت وهي تطلع الحوش تتنفس : مافيني شي ....مافيني شي
لمى دخلت الغرفه وجنبها ترف ونجلاء : ماخلصتي انتي!!
فجر : باقي
لمى باستغراب : شفيتس؟
فجر : مدري احس بيان فيها شي اليوم
ترف باستغراب : مثل ايش؟
فجر : مدري مدري
نجلاء : افف تخلص احد وين راحت العامله!
فجر : بتسوي مكياج ل وتين وملاذ داخل
.......... •• .........
دخل البيت باستعجال اخذ جواله يتصل على فجر
جاها الرد : الو فويصل؟
فيصل باستعجال : تكفين وين حطيتي ثوبي!
فجر بفرح : وصلت!!
فيصل : اي اي
فجر : متى ؟
فيصل : قبل شوي
فجر ببحة الصوت : اشوا طاحت قلبي احسب بيطول الرحله وماتقدر توصل
فيصل : وصلت.....و ايش فيها صوتس!
فجر :مافيني شي
فيصل بخوف : صايره شي...بيان فيها شي!..... وينها هي!
_______________________________
انتهى البارت ادعموني بنجمة وكومنت عشان اتحفز اكملكم
💜💜💜💜💜
