جاسم كان منسدح السرير ومغمض عينه
مو عارف كيف يتعامل معها
من وين يبدا ومن وين ينهيه
فتحت عينه من حست بوجودها جنبه
نطق بصوته الثقيل : اول ما نصحى بنمشي !
ملاذ : تمام
جاسم : محتاجه شي من اغراضك انزله من السياراه؟
ملاذ : لا
جاسم قام وطفى الأضاء وتلحف وملاذ جنبها معطيته ظهرها
ثنيناتهم بنفس الحال التفكير والتوتر والقلق لين غفى عيناهم
............. •• ............
وتين اخذت جوالها تتصل على لمى من شافت سامر يلعب جواله
سامر سحب جوالها : مشاء الله عروسه وتتصل!
وتين : عريس ومطنش العروسه!
سامر : افا يعني زعلانه؟
وتين بنص العين : وش شايف !
سامر ابتسم وهو يناظرها : تحبيني!
وتين بابتسامه مستفزه : طبعا......لا
سامر ضحك وهو يسحبها وهو بحضنه
............ •• ............
دخل البيت بعد ما اتصل على عمته حصه وخبرتها على فعايل بنتها
وهي اصلا كانت تعرف كلشي وهي راس البلاء من الاساس
كانت تترجاه انه ما يفضحهم وسجى ابوه عرف انها تتكلم
مع العيال وتطلع معاهم اغصبه على الزواج بواحد شايب
باقي سيلا مخطوبه وعرسها بعددة الايام وهي بعد نفس الشي اخذت واحد كبير بالسن
سمعت صوت ضحكتها من داخل الغرفه
ابتسم بضحكتها فتح الباب شافها منسدحه السرير
وحاطه الجوال باذنها تتكلم في المكالمه
بيان وهي ميته الضحك : يعني خاق عليها ومن
عطتك رقمها تغيرت نظريتك
مازن : هذ القهر لو انا شبكتها قبل يشبكني عادي
بس ماعطتني فرصه
بيان : ههههههههههههه خلاص ماعليك بدور لك زوجه من عندي
مازن : انتي لك ثلاث سنين تدورين ولا لقيتي
باخذ لي شقراء احسن من اشيب وانا انتظرك تدورين
فيصل انسدح جنبها وهو يتاملها
بيان : هاك فيصل وصل
مازن : عطني ياه الثور بتفاهم معه
فيصل بصوت عالي : بنام مالي خلقك توكل بس داق اخر الليل
ماعندك شي غير تزعج الناس
مازن : ادق متى ما بغيت وبعدين زوجتك النشبه هي الي داقه عليي
علميه الاصول قبل تعلمني
فيصل بتنكر : لا لا شدعوه ترا عادي
اخذ الجوال من بيان : ااالوو؟.....الو...
مازن : هااا معاك !
فيصل : وين رحت.ولد!...شكله انقطع الاتصال.....
سكر المكالمه بوجه
بيان : حراااام عليييك توي داقه
فيصل : نامي لا اسمع لك حس
بيان بعناد : ما انام!
فيصل بتهديد : بتنامين وغصبن عنك
بيان : بنزل اشوف فجر
فيصل : روحي روحي ولاعد تجين كذا تخلين زوجك ينام لوحده
بيان : اي اييي اوريككك
طلعت وسكرت الباب وراها
فيصل ابتسم بخفه : هخخ تجنني ذي النتفه
............ •• ...........
" يوم الثاني الصبح "
كان منسدح السرير وهو يتامل السقف
رن جواله اخذه باستغراب وهو يرد : مشيعل!
مشعل رد عليه بحماس : وينك!
تركي : في البيت وين بكون يعني!
مشعل : طيب سمعت الكل يجتمعون عند فيصل!
تركي : وانا شعلي منهم؟
مشعل تنهد وبقهر : يا تبنننن ياثووورر خلاص كفايه الزعل
الموضوع من يومه انتهى وانت عارف اختك فرحانه معه
مستانسين بحياتهم ليه تسوي كل هذ!!!!تستفيد شي لا!
الرجال نادم على الي سواه واعتذر منك بعد ومن حرمتها
اذا هي سامحته وش عذرك ما تسامح!!!
تركي بعدم الصبر : توكل
سكر المكالمه بوجه مشعل
مشعل بصدمه : انا اوريك ياحمار تسكر بوجهي اجل
............. •• ............
فيصل صعد الاسفل بعد ما صحى مالقى بيان جنبه
فتح باب غرفة فجر بهدوء : مشاء الله!
بيان كانت جالسه مع فجر
تفصفص وتشرب كودرد فزت من سمعت
صوت رجال : اعوذ بالله
فيصل بقهر : صاحيه يازوجتي الحلوه؟
بيان بقهر : اي يزوجيي
فيصل بشك : تشربين كودرد!!
بيان بلعت ريقها نزلت انظاره العلبه : مب حقي
فيصل اشر لها بمعنى حق مين؟
بيان اشرت لفجر : هذي؟
فجر بتورط : هههه اي حقي
فيصل سكتت ونطق بعد دقايق : بعدين ليه مو مسكرين
الباب لنفترض حاتم بيدخل!
بيان تكتفت ولنفترض : زوجته هنا!
فيصل بنص العين : عادي مثل اخواتي
بيان وهي تقلد نبرته : عادي مثل اخواني
فيصل بنص العين : انطمي !
ناظر لفجر وبحنيه : دلوعتي كيفك!
فجر بابتسامه : بخير ياعيوني
بيان مسكت جبينها وهي تمثل الصدمه : غلا!
قامت وبصوت عالي : اتصلت على غلا الحين بتجينا
قم قممم
فيصل ناظره بصدمه ثم ركض وهو يطلع برا الجناح بكبره
فجر ناظرت بيان بصدمه وانفجرت
الضحك :هههههههههههههههههههههههههه
هههههههههههههههههه لييش!!
بيان جلست وهي تافف : جالس في حلقي ما يخلينا دقيقه
فجر بزعل : حرام عليييك؟
بيان بتفكير : فجر؟
فجر : لبيه ؟
بيان : ماقد فكرتي باحد؟
فجر جلست وهي تفصفص وبتفكير : افكر بوش مثلا '!
سكتت وهي بالها مع الشخص الي حضنته
مين بيكون؟ تركي ! مشعل؟ خالد!
كل ظنونها انه خالد بس مستحيل وهالشي يوميا ماخذ تفكيرها
بيان : مشعل؟
فجر ناظرتها باستغراب : شفيه؟
بيان بقهر : غبيييهه انتي!!!!!
ما تفهميننن نظراته ما تفهمييينننهه!!! حماره!!!
الرجال ميت عليك وانتي!
فجر كانت تناظرها وهي مصدومه : ك..كذابه!
بيان بعصبيه : كذابه اجل
اخذت جوالها وهي تتصل على تركي
رد عليه تركي بقهر : ما تفكونييي!!!
بيان باستعجال: اي ما نفكك
تركي : كيفك
بيان : بخير من كنت تكلم؟
تركي : ميشيعل
بيان سدحت وهي حطت السبيكر : وش صار عليه!
تركي تنهد : يبيني اعقل وهو غبي
بيان : طيب ماقلت له يرجع يخطبها مره ثاني؟
تركي : الا قلت يقول فيصل بيشك واذا هي تبيني
قبلت من اول مره بس رفضت وانا مابي افقد عشيري
بيان : يحبها كثير؟
تركي ابتسم بحزن : فوق ما تتصورين خويي وأعرفه
متخيله قد بكاء عشانها بعمري ماشفت دموع مشيعل
بس شفته ضعيف حيل لاول مره قدام الحب
فجر كانت تسمع وهي مو مقتنعه ابد
بيان ناظرت لفجر : سمعتي!
فجر بتنكر : مستحيل!؟
تركي باستغراب : من عندك!
بيان : هذي الحماره مو راضيه تفهم!
تركي مسك راسه بصدمه : فجر!ياخيتي تسمعيني!ً
فجر تجرأت ونطقت : ايه اسمعك؟
تركي مسك جبينه وبتوتر : ما دامك عرفتي الحقيقه فكري شوي
لا تذبحينه بيدينك هذ قليل الي قلته تراه حيل يحبك ويغليك
ياعين اخوك ،
بيان نطقت من شافت صدمة فجر : يلا حبيبي بسكر انتبه لك
سكرت منه وقامت : اخليك بحالك
فجر هزت راسها بايجاب
" العشاء الكل متواجدين عند فيصل "
جاسم قام وبصوت جهوري : يلا يا رياجيل بستاذن
الوقت تاخر لازم بنمشي
فيصل : بدري
جاسم حك راسه : والله مب بدري يبو راشد
فيصل : هههههههههههه مشينا
طلع فيصل وثم وراه جاسم بعد ماودع العيال
ملاذ طلعت وكانت لابسه عبايتها والدموع بمحاجر عيونها
بعد ما ودعت البنات
فيصل قرب وهو يحضنها : لا تطيح دموعك ياعيون اخوك
قبل جبينها
وكانت جاسم يناظرهم بهدوء
حاتم جاء من وراهم : وش هالغدره رايحين نسيتوني!
جاسم بتلطف الجوو : اجل بناخذك معانا الشهر العسل!
حاتم : اما في شهر العسل اجل معكم
جاسم : اكيد في يرجال بس خلني اشوف لي اجازه
حاتم : يلا ماعليه بشوف لي بعد
بعد دقايق ملاذ ودعتهم وركبت السياراه متجهين الجده
فضلو سفراء بالسياراه
ام جاسم وابو جاسم رجعو لحالهم
فجر كانت جالسه معهم وابد بالها مو معهم
ترف بقهر : وينك انتي من اليوم ما تسولفين ترا برجع البيت!!
فجر ابتسمت وبكذب : تعبانه شوي سولفو انتو اسمعكم
بيان : فقدت ملاذ من الحين
نجلاء : تلقينها برا باقي ما مشت وانتي فقدتيها
بيان : ههههههههههههههه
ترف : الا وين وتينو ما جت!
لمى : احلمي فيها الحين اخوي واعرفه نشبه
ترف : الله يرزقني
لمى : ههههههههههههههه امييين
فجر بهمس لترف : اسمعي تعالي معي ابيك لوحدنا
بيان ناظرتهم فجر اشرت لها بمعنى تعالي
كل وحده طلعت ورا بعض
فجر دخلت الغرفه وهي تلعب باصابعها بتوتر
ترف باستغراب : شعندك!
فجر ابتسمت وهي مو عارفه من وين تبدا : اااءء
اجلسو بتكلم
ترف جلست وجنبها بيان وهم تنتظرونها تتكلم
_______________________________
انتهى البارت ادعموني بنجمة وكومنت عشان اتحفز اكملكم
💜💜💜💜💜
