تهزمني عيونك كل مانويت اقسى

جزاء ٣٥

فيصل كان مبتسم وهو يناظرهم مشتاق يشوفهم مع بعض مشتاق يسمع هواشهم استهبالهم
تركي : كم لي هنا؟
فيصل : شهر واسبوع تقريبا
تركي بهدوء : شصار على اللي صدمني ؟
فيصل بنفس الهدوء : مافيه الا كل خير علمني انت ليه كنت مسرع السياره ؟
تركي يصد عنه : من قال؟
فيصل : لا تستهبل تركي ما شفت سياراتك كان واضح مسرع
تركي : ما سرعت
وهو يبي يضيع الموضوع : اشتقتو لي ؟
مشعل : الصدق لا
تركي ناظر لفيصل : بالله ذا كم يوم جاء يزورني ؟
مشعل : طول الوقت كنت جالس عند راسك
تركي بصدمه : كذاب
فيصل : اي والله كان ناشب لك ٢٤ ساعه
تركي حضن مشعل على الجنب : اعترف يا بكايه كم بكيت
مشعل : ابكي عليك ياشيخ احلم بس
تركي : هههههههههه الحين ليه وجهك كذا انا المريض ولا انت
مشعل : الحلاق محتاجني
تركي : لو رحت بيحلقك مجانا
ناظر لفيصل : هات الجوال بكلم زوجتك
فيصل بصدمه : قليل الادب
تركي : ياشيخ احب زوجتك
فيصل بضحكه : لا الظاهر تبي ترجع الغيبوبه
مد الجوال له
تركي اخذه وضغط على رقم بيان
جاه الرد : الو...فيصل
تركي بالالم وصوته متغير : ياهلا بقلبي
بيان انصدمت وهي تسمع صوت رجال غريب
سكرت الخط بوجه
تركي ناظر الجوال وبصدمه : حماره سكرت بوجهي
فيصل قام : ههههههههههههه يمكن ماعرفت صوتك
انا بروح اجيبها
تركي ضغط على رقم ابوه جاه الصوت : ياهلا بولدي فيصل
تركي بشوق : ياهلا بابو فهد
ابو فهد بصدمه : تركي!
تركي : هههههههههه ايي
ابو فهد بفرح : متى صحيت!!
تركي : مادريت الحادث اثر علي بس قبل شوي صحيت تعال يبه وجيب معاك امي
ابو فهد : جايك
سكر الجوال ومده لفيصل
فيصل وهو طالع : انتبه لك لا تحرك كثير
تركي : ابشر
من طلع فيصل
تركي ناظر لمشعل الي قاعد يناظره : شفيك تتاملني
مشعل : مشتاق ياخي
تركي : تعال تعال وش صار تقدمت لها ؟
مشعل ابتسم: ليه سويت كل هذ؟
تركي : عشان خاطرك اسوي المستحيل ياورع
مشعل : اخطب وانت طايح بالمستشفى !
تركي : شف تجهز من بكرا تقدم لها
مشعل : مانيب مستعجل
تركي : هههههههههههه وين الي كان ناشب لي ٢٤ ساعه يبي يخطب
مشعل قام : من بعدك كلشي تغير
انا رايح فيصل بيوصل الحين
تركي : زين
.......... •• ........
دخل الجناحه
بيان كانت جالسه وهي متوتره
فيصل : بوش تفكر حبيبتي؟
بيان بدهشه : فيصللل
فيصل بابتسام : عيونه وقلبه
بيان راحت وهي توقف قدامه : جوالك!وينه
فيصل بكذب : ضيعته
بيان : اوووو
فيصل : اسمعي
بيان ناظرته : هلا ؟
فيصل : امشي بنروح المستشفى عند تركي
بيان بخوف : ليه صاير شي؟
فيصل : لا لا
بيان : قلت لي تاخذني بكرا؟
فيصل : اي بس ودي نروح الحين
بيان : اك
راحت وهي تلبس عبايتها
.......... •• ..........
مشعل دخل البيت والابتسام شاق وجه وهو يغني : " ان قالو به مثلك
انا اقول يبطون "
" ما مثلك الا النجم عالي جنابه "
" وتبقى على راس المعالي ولا تهون "
" ذيب وكم عشت يمنيك ذيابه "
قاطعه ترف : بسم الله عسى ماشر ؟
مشعل توجه وهو يحضن كتف ترف : ابشرتس تركي صحى
ترف فزت وهي تناظره بصدمه : صادق!!!
مشعل وهو مو مهتم : اي والله
ترف استوعبت نفسها : متى
مشعل : قبل سعتين شي كذا
يلا انا رايح انام
ترف : نوم العوافي
........ •• .......
حاتم حضن تركي : الف حمد الله على سلامه
تركي : الله يسلمك
حاتم : والله خوفتني عليك
تركي : افا تحبوني لهذ درجه
حاتم : هههههههههه وش تشوف
تركي : والله توي احس بهذ الشي
فتح الباب دخل ابو فهد وام فهد
ثم فهد مع ريفان
حاتم عطاهم ظهره وطلع
ابو فهد توجه وهو يحضنه : سلامتك يولدي
بعد عنه وجت ام فهد تحضنه وهي تبكي
تركي : افا افا ام فهد تبكي
ام فهد وهي تبوس راسه
تركي مسحت دموع امه بطرف اصبعه : لا تبكين يالغاليه هذاني صحيت وقدامتس بصحه وعافيه
ام فهد مسحت دموعها وهي تبعد
فهد تقدم له وهو يحضنه : الف حمدلله على سلامه
تركي : الله يسلمك
فهد بعد عنه من سمع صوت فتحة الباب
بيان دخلت وهي مصدومه بوجود امها وابوها عند السرير
فيصل دخل وراها من شاف فهد
جاء بيطلع بس قاطعه فهد : تعال فيصل مافي احد غريب
فيصل : لا خذو راحتكم
فهد : ياشيخ ادخل انك مننا وفينا
فيصل سكت وهو يروح يجلس على الكنبه
بعدت عن تركي ام فهد
نطقت بيان بصدمه : تتتررركييي!!!!!
تركي ابتسم وهو فاتح ذراعه : ياقلب تركي تعالي
بيان ركضت وهي ترتمي بحضنه وتبكي
تركي مسحت على شعرها : افا افا ليه كل هذي البكاء
بيان وهي حاضنه : حماااارر بغيت تروح وتتركني
تركي : بس مارحت هذاني عندتس
بيان مسكت يده وهي تبوسه
ام فهد : وخري يا بنيتي بعدين يتوجع
بيان بعدت عنه
فيصل راح وهو يسلم على عمه وعمته
نطق تركي بتفكير : وين خالد؟
عم السكووووتت......
" تركي بنفسه معقول زعلان منه للحين بعد كل الي صار له "
رجع وهو يعيد السوال : وين خالد
محد رد عليه
تركي بخوف : اكلمكم وين اخوي خالد!!؟؟
نطق ابو فهد بحده : ماعندك اخو اسمه خالد فاهم!!!
تركي بصدمه : نعم يبه!!
ابو فهد : الي سمعته ماعندك اخو اسمه خالد
تركي بعدم الصبر : يبه وش هالكلام وين خالد؟
ابو فهد طلع بعصبيه برا الغرفه
تركي رفع انظاره وهو يناظر فهد وفيصل : وينه خالد تكلمو!!!
فهد نطق بهدوء : كان يتعاطى وحنا متبرين منه والحين يعفن بسجن
تركي بصدمه : سجن!!!!!
فهد : اي سجن هو مكانه
تركي بقهر : تستهبل انتت؟؟؟؟
فهد : لا تحاول تسوي شوشره لان حكمو عليه ب سنتين
تركي غمض عيونه بقهر : ممكن تطلعون بريح
ام فهد : بنرجع لك بكرا
تركي ناظرتها بعتاب " ما ينكر خالد
راعي البنات يتعاطى وهو زعلان منه والحادث صاير بسببه بس مستحيل يرضى اخوه ينسجن"
فيصل جاء بيمشي وقفه صوت تركي : فيصل لا تروح
فيصل رجع بمكانه وهو يناظره
تركي رفع انظاره لبيان : وش صار تكفين فهميني
بيان : الي سمعته ابوي متبري منه فهد عرف انه يتعاطى وعلم ابوي وله شهر بسجن حاولت ل ابوي وفهد ما يرضون يروحون له
تركي توجه نظراته ال فيصل : فيصل طلعني من هنا
فيصل بصدمه : تستهبل!!
تركي بحده : ماستهبللل اخوي بسجن وانا قاعد هنا مثل الرخمه واسكت
فيصل بعدم الصبر : تركي ما يسمحون لك
تركي : فيصل تكفى لا تردني طالبك
فيصل سكتت وهو يناظره
طلع برا
تركي تزفر براحه
......... •• .........
سامر بجواله : وتيني؟
وتين بهمس : هلا
سامر : متى تجون ترا تركي صحى
وتين : صدق
سامر : اي والله
وتين : ابشر بقول ل جاسم
سامر : كيف حاله هو ما يرد على اتصالاتي بهذ الايام
وتين بحزن : رجعو جيراننا ابو منال ب بيتهم
سامر بصدمه : صادقه؟
وتين : اي والله وهي ولدها كلشوي عندنا يلعب برا جاسم يشوفه احس حالته رجع مثل ماكان
سامر : الله يعينه بس لا يتهور مره ثاني ويقول مايبي الزواج
وتين : مدري عنه
......... •• ........
دخلت الغرفه بفرح : ملاذيييي
ملاذ بطفش ايش
فجر بفرح : تخيلي تروك صحى
ملاذ : والله متى
فجر : مدري تو فيصل قال لي
ملاذ : الله يعطيه العافية والصحه
فجر عندها : اففف اشتقت لبنات تكفين بعزمهم
ملاذ وهي تفصفص : فكيني يابنت مالي خلق
فجر : الحين بفهم ليه انتي ونجلاء شايفات نفسكم
ملاذ : ما حنا كذا بس مالنا خلق لسواليفكم الفاضيه
فجر : وانتي مالتس خلق لكل شي
......... •• ........
فيصل دخل الغرفه : بيان قلبي تغطي دكتور بيدخل
تركي طار عيونه : العععبب
بيان تغطت وهي توقف جنب فيصل
فيصل ابتسم وهو يمسك باطن يدها
" بعد ١٠ دقيقه "
فكو الجبس
فيصل نطق : تقدر تمشي
تركي وقف وهو يمشي بشويش
بيان ناظرت لفيصل : عطوه خروج؟
فيصل : على مسؤليتي
تركي ناظر لفيصل : باي سجن خالد؟
فيصل : تروح له الحين؟؟؟
تركي : اجل تبيني اروح البيت وانام براحه واخوي بسجن!!

_______________________________

انتهى البارت ادعموني بنجمة وكومنت عشان اتحفز اكملكم
💜💜💜💜💜