تهزمني عيونك كل مانويت اقسى

جزاء ٤٥

غلا قامت وهي تطلع من الباب : ايي صح تذكرتها
حاتم : لا تتاخرينن !
غلا طلعت وكان تركي واقف جنب باب الغرفه
نزل انظاره الارض وبعد عن الباب
غلا دخلت وتركي كان مبتسم وهو يتذكر ترف ولقائهم
اخذ نفس عميق وبنفسه : مو وقتك ياتركي
لازم بنهي موضوع بيان وخالد ومشعل يتقدم ل فجر
بعده وقتك.....افف....الله يتم على خير
دخلت الغرفه بابتسامه : ناديتيني؟
بيان وهي تلبس العبايه : اي تعالي ساعديني مقدر لحالي
غلا وقفت جنبها وهي تساعدها : انتبهي لتس ياعيوني ولازم بتحضرين زواجي ترا عندتس رقمي اذا احتجتي اي شي
اتصلي عليي
بيان : من عيوني
غلا : وترا كتبت الادوية الحين بعطيتس ياها وخذيهم بوقتها
بيان : ابشري
........... •• ...........
كان جالس في الشركه وسرحان
كل شوي يفتح جواله ك يلاقي شي يطمنه لكن ما لقى
اخذ الدخان وهو يطلع منه زقاره ولعه وحطه بين شفايفه
بعد دقايق نفض الدخان اخذ جواله وطلع من الشركه بكبره
وقف عند باب بيته دخل على طول يصعد الاعلى بدون ما يواجه احد
فصخ تيشرته وتمدد الكنبه وهو مغمض عينه
.......... •• .........
دخلت البيت وتركي جنبها ماسك ذراعها
طلع بطريقهم خالد تقدم وهو يحضن بيان : شلونتس قلبي.....كيف صرتي!
بيان بهدوء : بخير ياعيني....وين ماما؟
خالد : مدري؟
بيان : تعال معي بغرفتي
واشرت لتركي
تركي هز راسه بايجاب دخلت الغرفه ثم وراها تركي وخالد
خالد جلس على كنبه ونطق : والله اني ماخليه الرخمه
بيان بهدوء : ما تسوي شي فاهم؟
خالد ناظرتها بصدمه
بيان اخذت نفس رجعت وهي تكرر كلمتها : ما تسوي شي!
خالد غمض عينه ونطق بعدم الصبر : ليييه!!
بيان : ان كان تعزني وتحبني اسمع كلامي
خالد ناظر لتركي ونطق بسخريه : ليه ساكت!
تركي رفع ايدينه بمعنى استسلام : زوجها والبنت طايحه في الحب
اكيد ما ترضى
خالد بصراخ : اي حب هذ!!!!
بيان غمضت عيونها من قوة الصرخه
تركي بقهر : لا تر...فع صوتكك!!!
خالد مسك رأسه بهول ونطق بصدمه : يعني كل هاذ الي صارت وسواه الرخمه للحين تبينه وما تبينا نسوي له شي!!!
بيان بتوتر : اي ما تسون شي وابوي امي جدي انا بصرفهم
بس لاحد منكم ينطق حرف!!
خالد : طيب فهميني السالفه كامله
بيان اشرت لتركي يعلمه
تركي قام وهو متجه الباب : الحقني
طلع تركي وثم وراه خالد
بيان حطت راسها على مخده وحضنت نفسها ودموعها بدت تنزل

" مرت يوم كامل على الحال القلق الدموع التفكير الضيق الهموم "
" يوم الثاني "
كان جالس بمكتبه وهو يقلب الاوراق وكلشي ينعاد براسه
ندمان على قد شعر راسه غلطت
ولا يعرف كيف يصحصح غلطته
هو يحبها بس انعمى من الغيره
اخذ جواله وهو يتصل عليها
جاها صوت مبوحه : ال.وو؟
فيصل غمض عيونه بحزن وهو عرف من صوتها توها صاحيه
نطق بضيق: صح النوم..!
بيان بصدمه : م...مين!!
فيصل بهدوء : حبيبتس وقلبتس
بيان بقهر : محد تعني لي شي ولاحد تزعجني ترا للحين ماقلت لا لابوي ولا ل جدي
فيصل بابتسام حزين : ليه ماقلتي قوليهم؟
بيان : باي
فيصل : تكفين ارجعي
بيان بسخريه : ماسمعت وش قلت!!برجع؟
فيصل غمض عينه بقهر من نفسه ونطق : والله ما تنعاد الي صار
بيان : احلم برجعتي يافيصل !
سكرت الخط بوجه رجعت وهي تبكي
كانت نايمه رنة جوالها اخذتها وهي ماقرت غير حرف الاول
ردت وهي تحسبها فجر بس انصدمت من الصوت الي وصلها
هزتها كسرتها تحبه وحيل تغليه بس انكسرت وتوجعت كثير مو من " الضرب من كلامه وتفكيره وظنه فيها طعنتها بكلامه "
مسحت دموعها من سمعة دقة الباب ونطقت : تفضل؟
خالد دخل وكآن مبتسم تلاشى إبتسامته من شاف دموعها
تقدم وهو يحضنها : ليه ياعيوني تبكين!!
بيان بعدت عنه ونطقت : وين رايح حبيبي؟
خالد ضربت راسه بخفه : خطبتي ياحماره
بيان ابتسمت : ورع
خالد : تجهزي بسرعه
بيان : ما بروح
تركي دخل وهو يقفل الكبك : تجين وغصبن عنتس!
بيان بابتسامه خبيثه : مو المفروض انت الي تخطب ؟
تركي ابتسم ونطق : قريب
خالد بنص العين : من زينك
تركي بنفس النظرات : والله يازيني
بيان : وين فهد؟
تركي : مدري عنه ذا
خالد : يمكن بدوامه
بيان : ما سامحك؟
خالد رفع كتوفه بعدم المعرفه : ماشفته
بيان : طيب امشو انتو ترا ما بجي والله
خالد بضيق : ليه!
بيان : مالي خلق اشوف احد
تركي فهم وضعها واشر لخالد يطلع
طلع وثم وراه خالد
........... •• ............
كانت جالسه بغرفتها مع وتين
اندق الباب ونطقت لمى : تفضل؟
دخل سامر بابتسام
شهقت وتين بصدمه
سامر : شايفه جني؟
لمى انفجرت وهي تضحك على اشكالهم
سامر تقدم وحضنت وتين من ورا
لمى غمضت عيونها بخجل : وصخخ اطلع
وتين دفته بخفه : مو وقتك
سامر قبلة خدها بحركه سريع وبعد عنها
وتين مسكت مكان البوسه
سامر : ههههههههههههه هيي ترا ماسويت شي عيب
لمى فتحت عيونها ونطقت : سخيف....وشتبي!
سامر : عمي ناصر جاي عندنا مع اهلها
لمى بصدمه : عندنا!
وتين فتحت عيونها على اخر : بس مو قلنا نروح نخطب ل جاسم؟
سامر : والله هم بالطريق عشان كذا كنسلنا
لمى توجهت الدولاب وهي مستغربه من جيتهم الفجائي
طلعت لنفسها فستان اصفر طويله وكعب ابيض
سامر طلع بهدوء
وتين جلست السرير وهي تناظرها : تهقين ليه جاين؟
لمى : مدري والله انا نفستس مصدومه
وتين سكتت بحزن وهي تناظرها
.......... •• .........
" قبل ساعه "
صحى من النوم بصوت ازعاج الجوال
اخذه وهو يرد بهدوء : هلاا
جاه صوت سامر : وينك فيه؟
فيصل : بالبيت
سامر : جاينكم
فيصل باستغراب : جاي...مع مين؟
سامر : مع الاهل وعمتي منيره معانا
فيصل : ليه !
سامر : وش ليه بدال ما تقول حياكم الله تقول ليه
فيصل بعدم الصبر : ورع اقصد غريب
ومستغرب من جيتكم فجائي كذا
سامر : نخطب لجاسم من عندكم
فيصل فتح عينه على اخر ونطق : من عندنا!!مين؟
سامر : اختك الكبيره
فيصل بهدوء : حياكم الله ما يصير الا الخير
سكر منه وصعد الاسفل طلع بطريقه حاتم
نطق بدون نفس : وينهم البنات؟
حاتم : مدري
فيصل سكتت وهو متجه الغرفتهم
دق الباب مره مرتين ملاذ فتحته
عطته ظهرها من شافه
فيصل دخل بهدوء : السلام عليكم
فجر وملاذ : عليكم السلام
فيصل جلس ونطق : ليه متى تبقون كذا زعلانات
فجر صدت عنه
فيصل بقهر : اسمعيني!!صحبتس لتس حق تزعلين بالي سويت فيها رجع انظاره لملاذ : بس تطنشوني  ما اتحمل هذ الشي!
فجر بسخريه : تدري ياخوي هي مو اي صحبه!!
فيصل : ادري ادريي وانا بعتذر ماحد تنعاد الي صار
وبسخريه : هاذ اذا رجعت لي تكفون افهموني هي راحت تركتني
ومحد بترجع بس انتو اخواتي بناتي لا تصدون عني كذا
فجر سكتت ودموعها تنزل
فيصل سحبها لحضنها وبيده الثاني سحب ملاذ : اعتذرت خلاص
فجر انهارت بحضنه وملاذ كانت ماسكه دموعها
بعد دقايق فجر سكتت جلست وفيصل
جلس جنبهم : اسمعوني عندي لكم موضوع مهم
فجر : نسمعك
فيصل شبك ايدينه مع بعض ونطق هو يناظر ملاذ : مشاء الله كبرتو وصرتو تعرفون الصح والغلط و...ملاذ... جاسم يبي يخطبك
ملاذ فتحت عينها على اخر ونطق : جاسم!!
فيصل : اي....جاسم ولد عمه منيره.....استخيري وردي علي الخبر
قالو بيجون بعد شوي
ملاذ بصدمه : كيف كذا يبي لي وقت!
فيصل : عادي خذي الوقت....وجاسم رجال ما ينرد
فجر نطقت وخانقتها العبره : لا تتزوجين
فيصل رفع حاجبه نطق وهو يضحك : ليه ليه؟
فجر : مابي اكون لوحدي
فيصل : ماعليتس حتى انتي جاينتس الخطاب
فجر فتح عيونها اخر
ونطق فيصل : مشيعل طالب قربتس
فجر بصدمه : مشعل....ماغيره......مستحيل!!
_____________________________
اسفين على تاخير البارات عندي ضروف اتمنى تفهموني  وقربنا النهايه احتاج منكم الدعم🫣❤️‍🔥❤️‍🔥