Unicode
မမမှာချစ်သူရှိတယ်ဆိုတာကိုသိပြီးနောက်ပိုင်းမှာလည်းအကြင်နာအနေဖြင့်
မမကိုမေ့ပစ်ဖို့မကြိုးစားခဲ့ပါ။
နှလုံးသားကသူ့အလိုအလျောက်ပေါက်ဖွားလာတဲ့ချစ်ခြင်းမေတ္တာတွေကို
ချစ်သူရှိတယ်ဆိုတဲ့အကြောင်းပြချက်
ကြောင့်တော့မဖျက်ဆီးပစ်ရက်ပါ။
ဒါကို စိတ်ဖြင့်ကျူးလွန်ခြင်းဟု ခေါင်းစဉ်တပ်ရင်လည်းတပ်ကြပါစေ။
ရှေ့ဆက်တိုးမယ်လို့ဆိုလိုခြင်းမဟုတ်တဲ့အတွက် လိပ်ပြာလုံပါသည်။
မိမိမှာအစကတည်းကမမပြန်ချစ်ပါစေဟူသောအတွေးမျိုးမရှိခဲ့ရိုးပါ။
သေချာတာတစ်ခုကတော့ မမပြန်ချစ်သည်ဖြစ်စေ၊မချစ်သည်ဖြစ်စေ မမကို ချစ်နေရရင်ကိုပဲကျေနပ်လှပြီ။
မမဟာ ကိုယ်နဲ့လုံးဝမထိုက်တန်တဲ့ပန်းလေးတစ်ပွင့်ဆိုတာ အစကတည်းကသိရှိပြီးသားပဲ။ဝမ်းနည်းမိတာကလွှဲလို့ အဆင်ပြေပါသည်။
***
"မင်းပြန်လိုက်တော့သု..တို့ စကားထပ်မပြောချင်တော့ဘူး"
မမကအေးဆေးတည်ငြိမ်စွာပြောဆိုသည်။
ရန်ထောင်ခြင်း၊ရန်ပြုခြင်းမပြု။သို့သော် မမစိတ်ဆိုးနေတယ်ဆိုတာကို ခန့်မှန်းမိသည်။
"တောင်းပန်ပါတယ် မမရယ်။
မမကိုသဝန်တိုလို့ဖြစ်သွားတာပါ"
"သဝန်တိုလို့ဟုတ်လား...မင်းသဝန်တိုလို့ဆိုတဲ့အကြောင်းပြချက်နဲ့မဆင်မခြင်လုပ်ပုံကတစ်ဖက်သားကိုအားနာစရာကောင်းတာ မင်းသိရဲ့လား"
မမကတော်ရုံတန်ရုံစိတ်မဆိုးတတ်သော သူမျိုးဖြစ်သည်။ စိတ်ဆိုးမိပြီဆိုရင်လည်း အင်မတန်မှချော့ရခက်လှသည်။
အခုအချိန်မှာ ငိုပစ်လိုက်ချင်ပေမဲ့မငိုရဲပါ။မိမိရဲ့ချစ်သူဟာမျက်ရည်ကျတာကိုမကြိုက်ဟုပြောထားသည်မဟုတ်လား။
"နောက်မဖြစ်စေရပါဘူး မမရယ်"
"တို့ကိုဖုန်းလည်းမဆက်နဲ့။စာပို့ပြီးလည်းမဆက်သွယ်နဲ့။မင်းကိုခွင့်လွှတ်ဖို့အချိန်တော်တော်ယူရဦးမယ်"
မမက ကိုယ့်ရဲ့တိုးတိုးလျလျတောင်းပန်သံအား ထုံးစံအတိုင်းလျစ်လျူရှုပစ်ပြန်သည်။
YOU ARE READING
ချစ်သော အကြင်နာ(Completed)
Romanceမေတ္တာတွေသာ စစ်မှန်ခဲ့ရင်အသွားအပြန်ရှိနိုင်သလား။မေတ္တာတွေကရောင်ပြန်ဟပ်သလား။ မေတ္တာတွေကစူးတတ်သလား။ မေတ္တာတွေသာစူးခဲ့ရင် ပြန်နှုတ်လို့ရနိုင်ပါ့မလား။ အမုန်းတွေကရောအချစ်အဖြစ်ပြောင်းလဲလာနိုင်လား။အချစ်ကနေ အမုန်းဘက်ကိုပြောင်းသွားနိုင်လား။
