الخطيئة والغفران

_ 22 _

🕋✨🕌 #الخطيئة_والغفران 🕌✨🕋

بقلمي : 🕋✨ #الغالية ✨🕋

🕌 أختي .. أم .. زوجتي .. أم .. حبيبتي 🕌

فعشقي للاولى خطيئة .. 🌙❌

و احترامي للثانية واجب ... 🌙🤲🏻

اما هوسي بالثالثة فهي غفران للذنب الاول .. 🌙🤍

🕋✨🕌 #الحلقة_22 🕌✨🕋

جا وقت العشا وتلايمت كل العايلة فوق مايدة العشا والجد مترأسها مثل العادة .. تبسمت الحاجة سيدة وهيا تشوف في ولادها بعد ماجاو والدين حمزة حست عايلتها كملت ... بقاو ياكلو في صمت مثل العادة طبعا الا ادا حكا الجد وقتها راح يحكاو ...

بقاات تقلب فالماكلة مش قادرة تاكل الوجع يقطع فيها ... اساسا وقت هاديك ودك تبدا في معاناتها ... بقا يطل عليها من تحت عينيه متابع كل حركة تعملها ... نطق خلا الكل يتلفتلو ..

ساجد : نِبراس كولي متبقايش تقلبي فالماكلة ...

طلعت راسها ليه وهزتلو براسها ... هودت راسها لصحنها مكملة تاكل وهوا عمل نفس شي ... قحرلو الجد حاب ينوض يقطعو ... حمحم وحكا ..

الحاج محمد : غدوة بداو تحضيرات وكريم وياسين راح يتكلفو بالدعوات ... مش حاب تصرا اي غلطة ... وااااضح ... الخطبة لازم تم ...

هزوله بريوسهم وكملو ماكلتهم .. طلعت راسها لساجد تشوف فيه بعيون مدمعين ... هزلها راسو بلا وتبسم معاها رجعتلو حتا هيا البسمة وكملت تاكل ...

حطت اميرة يدها على يد اسينات وهمستلها ...

أميرة : ليكي ملاحظتيش انو تصرفات ساجد غريبة مع نبراس ... حسيتو كانو يهتم بيها زيادة عن اللزوم ..

شافت فيها اسينات وحكات ...

أسينات : ايه عادي هيا ختو صغيرة ويعتبرها مثل بنتو ..

قلبت عينيها بملل من كلامها لي يشوفهم ميقولش خاوة ... هزت كتافها بعدم مبالاة ولفت وجها حتا تقابلو عينيها مع عيون ايوب ... تبسمت ورفدت كاس الما شربت منو ... عقد حواجبو كيفاه ظل متبسمة هادي فكها ميوجعهاش !! هيا حرفيا صارت تستفزو بابتسامتها هادي .. ميعرف علاه وقت يشوفها تتبسم عالطالعة والنازلة يتقلق ... ضيق عينييه وبقا مراقبها كيفاه تتصرف ...

هاهم كلهم مجتمعين فالصالون بعد ماكملو عشاهم وشورت اميرة مع والديها والنسا غسلو ماعين ... نقزت مليكة ياسين حتا يحكي وقحرتلو .. ردلها القحرة خلاها تبلع ريقها .. ظاهر نسات روحها اما ميهمش المهم بنتها مضيعش ... قلب عينيه وشاف في باباه ..

ياسين : بابا حاب نحكي معاك في موضوع ..

شاف فيه الجد كي العادة حواجبو معقودين ...

الحاج محمد : خير ...

ياسين : بنتي مش حابة تتزوج أيوب وانا منجبرش بنتي على حاجة مش حابتها ... مالا من الاحسن تتلغا الخطبة ...

على اخر كلامو خبط بعكازتو على الارض خلاهم يقفزو فمكانهم .. قام بسرعة معصب .. رفد العكاز تاعو وشار عليهم كلهم ...

الحاج محمد : قلتلكم متدخلوش فقراراتي ولي نقولو لازم يتنفذ بالحرف .. الخطبة راح تصير وزيجة راح تصير ... وانت ..

شار بعكازتوو على ساجد لي طالق روحو هادي على الاخر الله واعلم واش يخمم ...

الحاج محمد : انت راح تتزوج أسينات وتسافر من هنا ..

تبسم ساجد على جنب وهزلو براسو ...

ساجد : ميكون غيل خاطرك راح نتزوج ونروح منا ..

بقا تشوف فيهم تبحلق بعينييها كيفاه هادي تتزوج ... لالا مستحيل لفت نظراتها لحمزة لقاتو يشوف فيها بطريقة غريبة .. نزات راسها بسرعة وفت حست راح تبكي لالا هيا مستحيل تتزوج ساجد .. هيا تحب حمزة وطول عمرها تتخيل تكمل حياتها معاه ... استأذنت من هم وقامت من تماك مخنوقة ... بقا مراقبها حتا خرجت من الصالون ولحقها مهموش ادا يشوفو كاش حد ولا لا ..