الخطيئة والغفران

_ 39 _

🕋✨🕌 #الخطيئة_والغفران 🕌✨🕋

بقلمي  :  🕋✨ #الغالية ✨🕋

🕌  أختي .. أم .. زوجتي .. أم .. حبيبتي  🕌

فعشقي للاولى خطيئة .. 🌙❌

و احترامي للثانية واجب ...  🌙🤲🏻

اما هوسي بالثالثة فهي غفران للذنب الاول  ..  🌙🤍

🕋✨🕌 #الحلقة_39 🕌✨🕋

عينيها بقاو معلقين عليه وحتا يدها  ..  نزلت عينيها ليدها الممدودة فالهوا وشكلتها على شكل قبضة  ..  عضت شفتها بقوة وقت دمعة طاحت من عينها  ..  هيا علاه حاسة انو صار يتهرب منها...  هيا فعلا صارت تحس بالحزن وقت يبعد عليها بهاد طريقة  .. تصرفاتو صارت تجرحها  .. تحركت بسرعة ودخلت لغرفتها قلبها ضارها من عملتو  .. 

تكمشت فوق سريرها وغمت وجها  ..  مش فاهمة واش لي يصير احساسها لي تغير اتجاهو وتوترها لما تكون جنبو دقاتها لي يهيجو من شوفتو  ...  مش فاهمة كامل هاد شي  ..  حاسة حالها مشوشة  ..  تقعدت في بلاصتها ومسحت دمعتها  ..  تركزت على كارد سرير عقلها يدي ويجيب  ..  هيا هاك ويتحل باب غرفتها  ...  طلعت راسها على صوتها  ..

أسينات  :  واش تعملي وحدك هنا  ..  طاطا مليكة تحوس عليك وحتا جدة  ...  هيا رواحي حتا ناكلو  ..

جاوبتها بصوت مخنوق هيا مش حابة تاكل حابة ترقد برك  ...  ما اساسا لما تكون زعفانة تحب ترقد برك كأنها مبرمجة حتا تهرب من الواقع  ...  وكل انسان وحسب طبيعتو  ..

نِبراس  :  مش حابة أسينات راح نرقد خلي وقت نوض ناكل  ..

قدمت منها علامات الاستغراب على وجها  ..

أسينات  :  مزلتي مريضة  !!  ..  تحبي نعيط لطاطا  !!  ..

نبراس  :  ااا لالا خلاص ريحت وحتا منها راحت  ...  انا برك نعسانة ...

هزتلها راسها وخرجت من عندها  ...  ناضت نحات خيمارها وبدلت ثيابها وراحت تسطحت  ..  شوية هاك ودخلت عندها مليكة  ...

مليكة  :  نبراس واش صرا  ..

نبراس  :  مصرا والو أمي  ..  حابة نرقد برك  ..

مليكة  :  شكون زعفك حتا حبيتي ترقدي ومش حابة تاكلي  ..  راكي بنتي وني حافظاتك خبريني  ..

شافت فيها وتنهدت  ..

نبراس  :  أمي حاسة ساجد كأنو صار يتهرب مني  ..  منعرف حاسة بشعور غريب اتجاهو  ..  تصرفاتو الغريبة معايا وتوتر لي نحسو لما نكون معاه  ..  كل هاد شي خلاني مشوشة  ... 

بقات تشوف فيها وتسمع فكلامها  ..  صح هيا علاه مقالتلهاش من درك  !!  ..  واش تسنا حتا تخبرها  ...  زيرت على قبضة يدها وتندهت  ...  خلاص راح تخبرها هيا فعلا مش حابة بنتها تسمع من شخص غيرها وتكرها  ... لانو حرفيا راح تموت من قهرها  ..  بنتها هيا شي الوحيد لي مفرحها فدنيتها  .. 

مليكة  :  شوفي يابنتي  ...

محكاتش مانبا حتا سمعو عياط الحاج محمد باسم ساجد  ...  ناضو مفجوعين من بلايصهم  ..  قلبها دق بقوة وقت سمعت صوتو  ...  نسات كامل انها بلا خيمار وانها بغوب قصيرة  ..  خرجت تجري هيا ومليكة  ..  غيل وصلو للدرج تلاقاو مع كلامو  ...

قاعد فالصالون مقابلو ساجد مع ايوب وكريم جنبو  ... شاف فيهم ساجد مطلع حاجبو كيفاه متوترين  ...  ما اساسا مصارش يستغرب  ..  قلب عينيه بعصبية وقحر لأيوب حتا يحكي  .. حمحم وحكا  ..

أيوب  :  جدي حاب نحكي معاك فموضوع  ..

شاف فيه عاقد حواحبو وهزلو براسو  ..

أيوب  :  جدي انا مش حاب هاد زواج يصير  ...  انا نحب بنت اخرى وحاب نكمل حياتي معاها  ...

ناض بسرعة من بلاصتو حينيه حمر من العصب  ..  واش هاد الوقاحة لي عندو كيفاه يتجرأ ويحكي هاك  ...

الحاج محمد  :  وااااش هاد الوقاحة انت عاااارف واش تقول  ...  صدقني هاد زواج راح يصير وغصبا عنك  ..  متخلينيش نتبرا منك ونحرمك من كلش  ... من وينتا صارو رجال العايلة يزوجو عن حب  ...

نطق بكل هدوء خلاهم كلهم يتلفتولو حالين فامهم  ..

ساجد  :  ممم واش راح يصير مثلا تحرمو من الورث  !!  ..  انا كتبت 30٪ من املاكي باسم أيوب يعني حتا ادا تبريت منو انت الخاسر الوحيد من كل هاد شي  ... 

الحاج محمد  :  ســـــــاااااااجد  ...

قام من بلاصتو وتحرك وقف عند باب صالون  ..

ساجد  :  انعم جدي  ..  مدام ثنيناتهم مش حابين يزوجو فهاد زواج مش راح يصير  ..

الحاج محمد  :  زواج هادا راح يصير وغصبا عنك  ..   انا عارفك واش ناوي مليح متفكرش انو تقدر تخدعني  ... 

ساجد  :  وفرت عليا عناء توضيح  ...  هيا سلام وأيوب سواءا تبريت منو او لالا فهوا مش راح يزوج اختي  ... 

غيل تحرك من تماك قابلاتو واقفة فالدرج  ..  وقف فمكانو عينيه فعينيها نزلت عندو تجري خايفة عليه ... وقفت قدامو عينيها يتفحصو فيه ...

نبراس  : ساجد علاه عيط عليك جدي انت مليح معملك شي  ...

بقا يشوف فيها مش سامع كامل كلامها  .... نزلت مليكة تجري حكمتها من يدها ورجعتها بقوة خلفها خلاتو يفيق على روحو ...  هود راسو وحمحم  ..

ساجد  :  الواليدة رجال راهم هنا يلا طلعيها بسرعة قبل لا يجي حد ويشوفها بهاد المنظر  ...