الخطيئة والغفران

_ 36 _

🕋✨🕌 #الخطيئة_والغفران 🕌✨🕋

بقلمي  :  🕋✨ #الغالية ✨🕋

🕌  أختي .. أم .. زوجتي .. أم .. حبيبتي  🕌

فعشقي للاولى خطيئة .. 🌙❌

و احترامي للثانية واجب ...  🌙🤲🏻

اما هوسي بالثالثة فهي غفران للذنب الاول  ..  🌙🤍

🕋✨🕌 #الحلقة_36 🕌✨🕋

ميقدرش يشوفها على انها ختو وهوا طول الوقت بعيد عليها ويتخيل فيها من لما كانت طفلة  ...  خلاص قلبو تمرد عليه  ...  هوما هاك وتدخل مليكة  ...  فتحت الباب بقوة ورجعت غلقاتو  ..  قدمت من نبراس ومدتلها خيمارها  ...

مليكة  :  شدي ديري خيمارك يلا  ..  اخر مرة تخرجي بلا بيه ...  واش تعملي هنا.  ..  جدك وصل وادا شافك مراح يصرا خير  ..

شدت عليها الخيمار و وقفت من بلاصتها تعدل فيه  ..

نبراس  :  وعلاه هاكا راني عند خويا ... خلاص منيش نتحمل عقليتو المتسلطة هادي ياأمي حاسة اني فسجن  ..

غيل كملت خيمارها قام ساجد من بلاصتو وشاف في يماه  ..

ساجد  :  الواليدة خلاص  هيا مكانش عمبالها انو جدي راح يوصل  ..

مليكة  :  اما مكانش لازم تخرج بلا خيمار وانت علابالك  ..

تنهدت كارهة الحكاية هادي  .. 

نبراس  :  أمي مكانش لي شافني من غير ساجد اتهناي اساسا رجال مش هنا  ..

مليكة  :  راهم هنا قتلك وعلاه ساجد مش راجل  ...  خلينا نخرجو قبل ميجي شي حد ..  كون مشي فتيحة منعرفش بلي راكي هنا ولا كنتي رحتي فيها  ...

طلعت نبراس حاجبها من كلام امها  ..

نبراس  :  أمي ظاهر نسيتي شكون ساجد  ..

تمتمت تحت نيفها وحكات  ..

مليكة  :  نتي لي متعرفيش شكون هوا ولا مكنتيش راح توقفي قدامو هاك  ..

مسح ساجد على جبينو وشاف في يماه لي مضايقة اكيد تكون سمعتها كلام يسمم مثل العادة  ..  لانو مش من عادتها تتصرف بهاد طريقة  .. جات نبراس تحكي وقفها  ..  شاف في يماه وحكا  ..

ساجد  :  الواليدة اتهناي مصرا شي  ..

تنهدت وحكمت نبراس من يدها مخرجتها من تماك  ..  تلفتت لساجد وشافت فيه بعيون كلها حزن  ..  حست قلبها تفطر علاه كل مرة تحب تبقا معاه او تحكي معاه لازم يبعدوها عليه  ..  كانت حابة تحكيلو واش راح تعمل وتفضفضلو اما واش صرا  !!  ..  جات يماها وداتها بعيد عليه  ..  مثل كل مرة حاستهم كأنهم يبعدو فيهم عن قصد  ..  هيا مش غبية حتا متلاحظش هاد شي اما واش لي يخليهم يعملو هاد شي وحتا يماها  ...

حس قلبو ضرو من شوفاتها علاه تعذب فيه هاكا يعني ميكفيش العذاب والصراع لي صاري داخلو  ..  حط يدو على قلبو وتنهد  ...  لازم يلقا حل فاسرع وقت مش حاب الامور تتعقد اكثر  ...  قعد فوق سريرو وبقا يخمم اول شي لازم يلغي زيجة لي راح تصيير بعدها يفكر في قرار يماه  ..  ناض من بلاصتو وتحرك خارج من الشومبرة خلي يحكي مع أيوب ويفهم منو  ...  دخل لغرفتو لقاه حاب ينحني ثيابو  ..

ساجد  :  السلام عليكم  ...  أيوب حاب نحكي معاك  ..

هزلو أيوب براسو وحكا  ..

أيوب  :  اسنا نغير ثيابي ونجي  ..

هاهم قاعدين متقابلين بعد ما غير ايوي ثيابو حمحم ساجد وحكا  ...

ساجد  :  واش لي مخليك مصر على هاد زواج  ..  لا انت حابو ولا هيا حاباتو  .. 

ايوب  :  وشكون قالك مش حابو  ..  انا حابب نزوج منها  ...

شاف فيه وطلع حواجبو  ..

ساجد  :  علامن راك تكذب  !!  ..  انا ونتا علابالنا متحباش ومش حاب بهاد زواج ...  برودك ولا مبالاتك راها واضحة،..  انت لما تشوفها مش كانك شفت شخص تحبو  .. 

تنهد ومسح على جبينو  ..

أيوب  :  شوف جدي أجبرني نزوج  ..   يعني ادا. متزوجت منها راح يتبرا مني وهاكا راح يخرجني من العايلة ويقطع عليا الورث  .. 

هوا استغرب شي  !!   .. طبعا ماستغربش ما اساسا حاجة متوقعة من جدو  ...  عقد حواجبو وشاف فيه  ...

ساجد  :  مالا هاك  .. 

قام من بلاصتو بكل هدوء وخرج من تماك خال ايوب غارق فافكارو  ..  تنهد حتا هوا ورما حالو فوق سريرو مكانش لازم يقوللها داك الكلام دروك كيفاه راح يقابلها او يفسرلها  ..  رجع تقعد ومسح على شعرو  .. 

أيوب  :  انا كيفاه قتلها راح تصيري مرتي  ..  هبلت انا  !!   ...

رجع تكسل في بلاصتو وحط مخدة فوق راسو يحاول يغفا وينسا شي لي صرا فالشركة  ...