الخطيئة والغفران

_ 65 _

🕋✨🕌 #الخطيئة_والغفران 🕌✨🕋

بقلمي  :  🕋✨ #الغالية ✨🕋

🕌  أختي .. أم .. زوجتي .. أم .. حبيبتي  🕌

فعشقي للاولى خطيئة .. 🌙❌

و احترامي للثانية واجب ...  🌙🤲🏻

اما هوسي بالثالثة فهي غفران للذنب الاول  ..  🌙🤍

🕋✨🕌 #الحلقة_65 🕌✨🕋

دكتورة  :  حاليا راح تبقا تحت المراقبة تقدر فاي دقيقة تقوم او يرجع قلبها يتضرر  ..  ادعلوها وربي يقومها بالسلامة  . 

رجعت دخلت عندها خلاتهم غارقين في همومهم...  شاف ايوب في فتيحة لي تبكي وتضرب في يدها على صدرها  ..  ناض ليها معصب عينيه حمر جمر  ..  لي كانت خايفة منو اميرة صرا الفضيحة صرات اما واش من فضيحة وهيا العايلة دمرت  .. 

ايوب  :  كلش بسبابك بسباب عمايلك السودة هيا راها تخلص  ..  بسباب حقارتك هيا راها داخل  ..  بسباب دعوات الولية لي دمرتيلها حياتها راح تموت بنتك ... 

طلع راسو لي كان حاطو بين يديه بعدما سمع كلام ايوب...  ناض بالشوية وتحرك ليه... 

حمزة  :  واش تقول ...

ايوب  :  هادي لي سموها امي يعني بسبابها صرا لي صرا بين نبراس وساجد ...  بسبابها نفضحو وتبرات منهم العايلة ...  

ناضت بسرعة وقدمت منو ترجف دموعها طاحو كتر وكتر  ..

فتيحة  :  لا مدرتهاش ياولدي مدرتهاش  .. 

ايوب  :  سمعتك سمعتك انا واميرة ونتي تحكي فشي لي عملتيه ...  متكدبيش  ..

طاحت في لرض تبكي معقول كلامو صح معقول بنتها تعاني بسببها...  من المفروض هيا لي تخلص اما ياااحسراه  ..  خرجت الطبيبة تجري عندهم وعيطت لحمزة بسرعة  ..

دكتورة  :  شكون حمزة راها تعيطلك يلا بسرعة  ..

دخل يجري معاها لداخل خلا الكل واقف على نار نساو كل لي صرا من شوي  .. 

قدم منها بالشوي يرجف  ..  غي شافتو بعدت الماسك من وجها مش قادرة ...  تبسمت وقت حكم يدها  ..

تبسمت وقت حكم يدها  ..

اسينات  :  حمزة انا طول عمري نبغيك ولا مرة فكرت انو نعمل شي يخليك تكرهني او نخلي شرف  عايلتي فالارض انا بريئة من واش صرا صدقني  ..

شهقت بقوة وقت نبضاتها نزلو مش قادرة تزيد تحكي ...  بغاو يبعدوه عليها اما محبش ...  جا يحطلها الماسك تاع الاكسيجين على وجها محبتش ...

حمزة  :  علابالي كلش كدب انا نعرف مديريهاش وكلهم يعرفو حتا ايوب قال هاد الكلام  ..  انتي ريحي روحك وراح نخلي لي عمل هاد شي يخلص ...

نطقت بصوت متقطع وهيا تشهق كانو روحها راح تخرج  ..

اسينات  :  نبر...  نبراس راح تخبرك  ..  راح تخبرك. كلش  ..  هيااا...  علابالها  ..

غي كملت كلامها طاحت يدها لي كانت حاكمة يدو وعينيها مفتوحين على طولهم  ..  لحظة صمت مرت عليهم بقا غي صوت جهاز القلب يدل انو قلبها توقف  ..  عيط باعلى صوتو عليها  ..  جات طبيبة تجري ودارتها صدمات الكهربائية اما والو  ..  شاف فيها دموعو يطيحو بقوة...

حمزة  :  علاه حبستي...  كملي...  نوضيها...  نوضيها هيا ماماتتش ..  اليوم عرسها وناسها يسانو فيها ... مش معقول تموت وحنا راح نزوجو  .. شوفي حنتها مزال مانشف شوفي شوفي  ..  نوضيها انا وعدتها نديها وين ما حابة  ..  نوضيهالي ونوعدك منخليهاش تبكي  ...  طاح في لرض يبكي مثل الطفل الصغير  ..

كل لي كان فالغرفة خلاه يبكي من كلامو ..  مقدرتش تتحمل كتر وخرجت تجري من عندهم  ..  غي شافو طبيبة خرجت تجري وتبكي دخلو يتجاراو حتا هوما  ..  خبطت فخاذها بقوة وقعدت تعيط على بنتها لي شافتهم مغطيينها بكلها بغطا بيض  ..  ناض قدم منها ايوب دموعو يطيحو ...  مش مصدق انو ختو فيوم عرسها ماتت  ..  مش مصدق  ..  قدم منها وعنقها بكل قوتو يبكي مثل صغير عليها...  جات تجري فتيحة حتا تشوفها اما عيط عليها...

ايوب  :  بعدييييي متقربييييييش بسببك ماااااتتت بسببببك انتيييي  ..

هاهم. كلهم قاعدين فالصالون ونسا داخلين وخارجين يعزو فيهم فبنتها لي توفات فعمر الزهور  ..  بعد. ماخذاو دفنوها ورجعو  ... حمزة دخل لغرفتو محب يخرج منها امو قلبها تحرق عليه وعلى اسينات  .. اااه يادنيا كيفاه كانو فرحانين بعرس بنتهم حتا تقلب كلش وصار الفرح قرح  ...  وبعد واش صرا كامل وفتيحة محبتش تنعل الشيطان وتقابضت مع مليكة انها تستشفا فيها ومليكة لي طول عمرها تعتبر اسينات كيما بنتها وتبغيها  ..  حتا هيا قلبها محروق عليها  ..  تذكر وقت كانت تجي عندها وتطلب منها كاش حاجة تبغيها وقت يماها متحبش وتعملهالها بتخبية  ..  وقت تعمل مشكلة تروح عند مليكة وتتخبا من يماها  ..  هيا فعلا كانت تعتبرها مثل بنتها  ... 

عند ساجد ونبراس  ..

بعد ماعرفو شي لي صرا وانو فتيحة كانت سبابهم ساجد مقدرش يتخيل انها عملت شي بهاد الوقاحة اما شي لي سمعوه من بعدها صدمهم عن جد وخصوصا نبراس خلاها تنهار كليا  ..  طلبت منو انو يرجعو كلهم للجزائر حتا تحضر الجنازة ختها  .. 

هاهم واقفين قدام بوابة القصر حتا يدخلو  ..