الخطيئة والغفران

_ 40 _

🕋✨🕌 #الخطيئة_والغفران 🕌✨🕋

بقلمي  :  🕋✨ #الغالية ✨🕋

🕌  أختي .. أم .. زوجتي .. أم .. حبيبتي  🕌

فعشقي للاولى خطيئة .. 🌙❌

و احترامي للثانية واجب ...  🌙🤲🏻

اما هوسي بالثالثة فهي غفران للذنب الاول  ..  🌙🤍

🕋✨🕌 #الحلقة_40 🕌✨🕋

ساجد  :  الواليدة رجال راهم هنا يلا طلعيها بسرعة قبل لا يجي حد ويشوفها بهاد المنظر  ...

هزتلو براسها وجرتها مبعدتها  ...  عقدت حواجبها واش هادا  ...  مش كانو هاد ثاني مرة تعملها امها  ..  نطرت يدها من يد امها وراحت تجري عند ساجد  ... حل عينيه مصدوم لما ترمات فحضنو  ...  حطت مليكة يدها على فمها من صدمة  ..  تطلب فربي ميخرج حد ويشوفهم لانو فعلا راح يقتلوهم .... 

قدمت تجري عندها  ..

مليكة  :  اديها منا قبل لا يشوفوها  ..  الله يرضى عليك خف روحك  ..

هزلها براسو وحملها بين يدييها مبعدها من تماك لفت يديها على رقبتو وتكمشت فكامل حضنو  ...  غي طلع فدرج خرج الحاج محمد من صالون  ..  تنفست صعداء وقت مشافهمش  ...  قحرلها وحكا معاها  ... 

الحاج محمد  :  خبريهم انو العرس راح يصير بعد شهر ابداو تحضيرات من درك يلا  ... 

تحرك من تماك خلاها جامدة في بلاصتها  ...  طلعت راسها لايوب وكريم لي خرجو  ..

مليكة  :  أيوب ولدي صح حاب يعمل العرس بعد شهر  ..

هزلها براسو وتحرك من تماك مخنوق  ..  هوا مستحيل يوافق بالزواج منها خلاص ميقدرش يتخيل بنت غيرها محلها  ...

دخلت للكوزينة لقات الكل مجتامعين  ..  قعدت جنب عجوزتها وحكات  ..

مليكة  :  يما..  الحاج محمد قال انو عرس نبراس وايوب لازم يصير بعد. شهر وانو نبلشو فالتحضيرات  ...

كلامها وقع عليها كانو سطل ما  .. ناضت من بلاصتها الجنون يدورو بيها  ..  كيفاه هادي العرس بعد شهر مش ولدها حكا معاه وقالو مش حاب يزوج  ...

فتيحة  :  العرس هادا ادا. صرا ابزقو على وجهي  ...

رمات كلامها وخرجت من تماك تدعس على الارض دعيس  ...  لحقتها ختها تجري  ..  دخلت لغرفتها وبلعت الباب  ..

خضرة  :  فتيحة انعلي شيطان ياختي  .... ياك البنت مشاء الله ومخصها والو وزاد تهبل الله يبارك علاه مش حابتها تصير كنتك  .. انا عمري مشفتها دارت حاطة مش زينة  ... 

تلفتت ليها وعقدت حواجبها  ..

فتيحة  :  تبقا غي ديك ومنزوجهاش لولدي  ..  بغيتي تسرقلي ولدي  ...  شوفي يماها غي تحل فمها كلش يجي عندها ياسين عمرو مقاللها لا وحتا الحاجة سيدة منعرف واش دايرتلهم وبغيتي تزيد بنتها تدي ولدي ويرجعو الامر ناهي فهاد البيت هيا وبنتها  ..  غيل هادي متصراش  ...  وديك نبراس لسانها راهو طويل منها معاشرتيهاش كيما راني معاشرتها  ... 

تنهدت وراحت قعدت  ..  ملقات واش تقوللها خلاص عيات وهيا تحكي معاها خليها تعمل لي حاباتو  ...  قعدت فتيحة وبدات تخمم واش دير حتا تبطل هاد زيجة تبسمت بالشر وقت جات لبالها فكرة  ..  تلفتت في ختها وحكات ...

فتيحة  :  وينتا راكي مشورة راح نروح معاك محتاجة صوالح  ... 

خضرة  :  نظن راه الوقت عيطيلي لأميرة وخلينا نروحو  ...

هزتلها راسها وخرجت من تماك تتبسم  .. تلاقات بمليكة فالطريق وقفتها  .. رسمت ملامح الحزن على وجها وحكات  ... 

فتيحة  :  سامحيني ختي مليكة شيطان دارها بيا والله تعرفيني قلبي بيض وميغدرش  ..  انساي واش صرا وخلينا نبداو صفحة جديدة ونجهزو لعرس ولادنا  ...  مش باغية يصراو مشاكل ويقولو فتيحة عملت وعملت خلاص خلينا نصفو القلوب ...

شافت فيها مش مطمنة لكلامها  ..  هزت راسها واستغفرت حرام عليها تظن بيها السوء وهيا تطلب فالسماح منها ...

مليكة  : مصرا شي راكي. كي ختي وشيطان دارها كيما قلتي  ...  راكي مسامحة  ...

تبسمتلها وكملت طريقها  ...  دروك لازم تخمم كيفاه تنفذ خطتها لازم فاسرع وقت تصير  ...  وهاكا تضرب عصفورين بحجر واحد  ..  هادا واش خص تزوج ولادها لهادوك مش ...  عيطت لاميرة وطلبت من ايوب يوصلهم  ...  خرجو كلهم وتحركو لسيارة  ..  جات تركب وقفها  ..

أيوب  :  أميرة  ..

تلفتت ليه حالة عينيها اول مرة يناديلها باسمها بلا رسميات  ..  كان طول الوقت يخلي تعاملهم في اطار الخدمة برك  ..

أميرة  :  أنعم  ..  تفضل ...

أيوب  :  مزلت عند كلامي وانتي لي راح تصيري مرتي...  متفكريش انو راح نوافق على كلامهم لاااا لانو فعلا منقدرش نتخيل بنت اخرى نشاركها حياتي من غيرك  ..

خدودها حمارو من الحشمة هيا علاه حست انو اعتراف غير مباشر بالحب  !!  ..  هيا حرفيا راح طيح فأرضها من صدمتها... تبسمت فتيحة من شق للشق وعنقتها...

فتيحة  :  بسم الله  ..  مشاء الله على كنتي الحشامة...

بعدت عليها وركبت بسرعة حاسة قلبها راح يخرج  ..  شافت فتيحة في خضرة وحكات  ..

فتيحة  : شفتي قتلك غيل هيا لي ترجع مرت ولدي  ..

خضرة  :  الله يجعل الخير  ..

أيوب  :  اللهم آمين يارب  ..

تحرك بيهم وفتيحة فرحتها  رايحة. وتزيد وخصوصا بعدما قرت واش راح دير  ..  للاسف بسبب غيرتها وحسدها راح يروحو ضحيتها أبرياء وراح تتشتت عايلة كاملة  ...  معلابالهاش انو راح تشرب من نفس الكاس وانو واش راح تعمل راح يرجع عليها اما خليها فغلتها لانو كاين رب يمهل ولا يهمل  ..