✧أرض العقيق✧

✧ العراف ✧

ونحن نسير في طريقنا إلى العراف لمحت منزلا صغيرا جدا بعيدا عن بقية المنازل
أشار مسعد لي إلى هذا المنزل

_هو ده بيت العراف

_وهو ليه بيته بعيد عن بقية السكان ده عراف ده ولا دجال أنا ابتديت أخاف

_هه ياعم متخفش اصل الراجل ده كانت الناس بتقول عليه ساحر ومشعوذ غير أن تصرفاته كانت غريبة شويه فالناس مكانتش متقبلاه فراح بنى لنفسه البيت ده بعيد عن الناس

_يتعافى المرء بالإبتعاد عن المجتمع هه والله انت بتقول حكم ياواد ياآسر هههه

_هه طب يلا ياخفه

وقفنا أمام الباب وقام مسعد بطرق الباب عدة مرات حتى فتح الباب من قبل العراف

_السلام عليكم

كان مسعد من القا السلام على العراف

_وعليكم السلام

كان رجل سنة يقارب السته وستين عاما، قصير القامه ويمسك عكاز لمساعدته على الوقوف، كان اصلع الرأس ولديه لحية بيضاء طويلة بعض الشيئ ويرتدي جلباب وملحفه ويظهر على وجهه الكثير من التجاعيد والعبوس وكأنه عانى الكثير في الماضي
قام العراف بدعوتنا للدخول الى منزلة كان المنزل صغيرا جدا عباره عن غرفه واحدة ومظلمه بعض الشيئ شعرت بالحزن على هذا العجوز من الحوار الذي دار بيني وبين مسعد عنه.

جلس العراف وجلسنا امامه ويفصل بيننا لوح خشبي به اربع ارجل صغيران تشبه المنضدده اظن انه قام بصنعها بنفسه.

مر بعض الوقت ونحن جالسان في هدوء وكنت أنظر الى مسعد لكي يبدأ بالحديث شعرنا بالتوتر
ظل العراف ساكنا ويجلس في شموخ ليقطع صوته هذا الصمت

_خير

نظرت له ولا أعلم بماذا اجيب فقمت بفتح حقيبتي واخرجت الكتاب ووضعته على المنضدده
اتسعت مقلتاه من الدهشه والغرابة واردف بحده

_انت جبت الكتاب ده منين انا عايزك تحكيلي على كل حاجه

سردت له كل ما حدث معي واني وجدت هذا الكتاب داخل نفق عجيب وان الحجه حسناء هي من اخبرتني انه يسطتيع مساعدتي لكي اعود الى بيتي

_انا عايز اعرف ايه قصه الكتاب ده وايه الي مطلوب مني اني اعمله عشان ارجع بيتي

صمت العراف قليلا وبعدها بدأ بسرد قصة هذا الكتاب

_زمان كان في ملك عادل اسمه درغام الملك ده كان بيحكم بالعدل كان معاه كتاب اسمه مرفياس معناه (عجائب) الكتاب ده كان بيحتوي على خمسة من احجار العقيق واتجوز من امرأه فائقة الجمال وكانت طيبة او اعتقد الملك انها طيبه بس هيا الحقد كان مزروعا في قلبها وخلف منها بنت وبعد كده حاولت اوركيده انها تاخد الكتاب بس الملك اكتشف نواياها في الوقت المناسب فأخد الكتاب ودخل النفق خبى الكتاب فيه واخد معاه احجار العقيق كان عايز الكتاب يكون في مكان والاحجار في مكان تاني عشا الاتنين ملهمش قيمه منغير بعض بعدما خبي الكتاب وهو في طريقه انه يخبي الاحجار كان وصل في الوقت ده لاوركيده خبر انه عرف نواياها فأمرت الحراس انهم يقتلوه مقابل مبلغ مادي كبير ووافقوا الحراس وقتلوا الملك وجابو الاحجار وعطوها لاوركيده وعرفت بعدها انهم ملهمش قيمه من غير الكتاب وهي بتدور على الكتاب

وصمت قليلا بعدها اكمل

_بعد كده جه واحد اسمه عثمان الانصاري كان زيك كده وبيدور على طريقه يرجع بيه وبعد مالقى الكتاب وكان رايح يدور على الاحجار واوركيده عرفت أنه معاه الكتاب فراح خباه تاني في النفق وراح لاوركيده عشان يحاول ياخد الاحجار منها ومن بعدها مظهرش تاني

بعدها اردف العراف بتعجب

_بس بما انك لقيت الكتاب ده معناه ان عثمان لسه هنا مخرجش او يمكن ميكونش موجود من الاساس

_تقصد ايه

_قصدي ان ممكن يكون مات

_طب انا هعمل ايه دلوقتي

_انتا لازم ترجع العقيق في الكتاب عشان تقدر تخرج من هنا واهم حاجه ان اوركيده متعرفش ان الكتاب معاك عشان لو عرفت مش هترحمك
ـــــــــــــــــــــــــــــــــــــــــــــــــــــــــــــ
في مكان اخر في قصر (درغام)
ـــــــــــــــــــــــــــــــــــــــــــــــــــ

_انا كان لازم اقتله مكنش لازم اني استني عليه
_ياجلالة الملكه لو قتلناه مش هنعرف مكان عثمان فين فالازم نستني عليه

جملة اردف بها الحارس الذي يدعى داغر وهو يعتبر ذراع اوركيده اليمنى وهي تعتمد عليه في كل شيء حتى أنه هو من اشرف على قتل درغام بنفسه
اردفت الملكة اوركيده بغضب شديد

_خد منه المحل انا الاول كنت بهدده ودلوقتي لازم انفذ عشان يعرف مين هي الملكة اوركيده

اوركيده عمرها فوق الخمسه واربعين عاما تمتلك بشره بيضاء وعينين عسلية اللون وذات شعر احمر غجري وليست فائقة الطول وهي في غاية الجمال، لكن عزيزي القارئ الجمال ليس كل شيءفهي برغم جمالها تمتلك قبح الدنيا داخل قلبها الاسود

_حاضر جلالتك

قالت اوركيده في ذهنها: ماشي ياعثمان نهايتك هتكون على ايدي

ليقطع حوارهم دخول ابنتها

_ماما هو ايه الى حصل

_انا خلاص يا اريانا هاخد المحل لازم يتربى عشان يعرف انا مين

اردفت اريانا بتوتر

_ماممكن يكون فعلا مش عارف مكانه

اجابتها اوركيده وهي تشعر بالشك اتجاه ابنتها

_انتي عايزه ايه يا أريانا

اريانا بعد ان لاحظه ان والدتها تشك بها

_لا مش عايزه حاجه خدو المحل زي مانتو عايزين
وبعدها اردفت بخبث

_بس فكرك انه لما تاخدي المحل هيقولك تبقي غلطانه انتي لو اخدتي المحل هيعند معاكي ومش هيقولك على مكانه ده لو كان عارفه

اريانا فتاه في عمر الاثنين وعشرين من عمرها تمتاز ببشره بيضاء ورديه وعينين رمادية اللون وشعرها اشقر يصل لركبتيها وقصيره بعض الشيئ ولكن في الحد المعقول وهي في غايه الجمال
اوركيده وبعد ان اقتنعت بكلام اريانا

_داغر انتا تبعتلي حارثين يرقبوه ويوصلي كل حاجه بيعملها

_حاضر جلالتك

كانت اوركيده تخطط لتدمير مسعد
ماذا سيحدث ياترى...