يابوي ليتك حيّ وتشوف حالـــي 😢😢

بريق من الماضي

  غريبه حيْل هالدنيا تفرقنا بدون شُعُور
  ولا ترحم ولا تعطف ولا تقدّر مَحَبَّتنَا
  صحيح أن الزمن غدَّار وأيام الزمان تَدُورْ
  وصحيح أنّ الوداع صعب هو أعظم مُصِيبَتِنَا

في أحد احياء الرياض الحبيبه

امواج البحر تتراقص امام مرأى عينيها وبجانبها يجلس ذلك الرجل العظيم الذي يبلغ 56 سنه من عمره ويحيط كتفيها بيديه الراجفه ويقول لها: يبه مهما صار أبيك تكملين دراستك وأبيك تكونين قويه .

ناظرته رغد باستغراب وقالت: ليه يبه تبي تسافر؟ وش ذا الكلام الي كله الغاز تراني مب فاهمته؟

ابوها: اي يبه بس ما بسافر سفر عادي بيجي يوم واروح لرب العالمين وانا اوصيك بدراستك وبخالتك سمر تراها تحبك وتحسبك مثل بناتها ثم سكت شوي واردف: تدرين يبه عيونك تشبه عيون امك الله يرحمها لون عيونكم بلون البحر وتشابهينها بكل شي نفس تصرفاتها ...يبه ابيك تسامحيني وتدعيلي .

بعد صمت قصير دار بينهم قالت: يبه عادي تكلمني عن امي وليه اعماني ما اشوفهم؟
رد عليها: رغد يا يبه انتي كبرتي والحين بقولك كل شي. يا يبه أمك كانت اجنبيه مثل ما تعرفين درست بإيطاليا وتعرفت عليها وتزوحتها ورجعت حق اهلي لكن ابوي غضب علي وتبرأ مني وقال لي انه ما يبي شوفتي وكان عندي اختي الي اكبر مني ملسونه حتى تطلقت من زوجها قبل لا تجيب عيال والسبه لسانها وافعالها المهم جت ودفت امك عن الدرج وقت كانت امك حامل فيك بالشهر الثامن وصابها نزيف وخذيتها للمستشفى وصارت معها ولاده مبكره وبقدرة الله جابتك لكن ولادتها صعبه حيل وتوفت يومها. كرهت الحياة والدنيا وكرهت اهلي وهجيت لنجران جلست فيها وقت طويل صار عمرك سنتين وتزوجت خالتك سمر بنت جاري ابو حمود وكانت مطلقه وعندها بنت كانت بنتها مشاعل بذاك الوقت عمرها خمس سنوات وربيناكم مع بعض وبعد سنه من زواجنا وقت صار عمرك 3سنوات حملت خالتك سمر بسارة وجلسنا بنجران سنيين وقبل سنه صعب علي الشغل بنجران واضطريت ارجع الرياض لان شركتي بتنهار لو أتم اشتغل من نجران والشركه بالرياض وهذانا رجعنا وانتي كبرتي وصار عمرك 14 ومشاعل17 وسارة 11سنه ووالله اني احبكم كلكم حتى مشاعل حسبت بنتي واحبها مثلك انتي وساره.

*ملاحظة: اسم ابو رغد (بدر)..

هذي مقدمة الروايه ..☺☺

اضغط على⭐