يابوي ليتك حيّ وتشوف حالـــي 😢😢

بداية معاناتي💔

نروح لبيت (رعد)

رعد(ابو سعود): رجال طيب يحب عائلته ويكون تؤام ابو رغد وعمره56 سنه

مها(ام سعود):حرمه طيبه حيل وعلى نياتها عمرها46 سنه

سعود:رجال مملوح عمره 23 سنه طويل حنطاوي فاتح عيونه وساع عنده غمازه واضحه مره حنون ما قد كلم بنات يشتغل مع ابوه في الشركه مخلص هندسه معماريه.

الوليد: عمره 21 سنه مصرقع يحب المقالب يدرس ادارة اعمال حنطاوي شعره طويل لين اخر رقبته.

نوره :عمرها 21 سنه تؤام الوليد ونفس شخصيته وتدرس ادارة اعمال نفسه بيضاء شوي فيها طول شعرها لين كتوفها وتحب تلبس نفس الوليد.

شهد: بنت حلوه عمرها 19 سنه شعرها طويل هاديه ومسالمه وطيبه حيل طالعه على امها.

لمى: عمرها خمس سنوات متعلقه باخوها سعود بشكل مب طبيعي وسعود مدللها ويحبها كانها بنته.

نرجع عند رغد

صحت من الذكرى الحزينه الي خطرت ببالها واستغفرت ربها وقامت صلت ركعتين وهي ساجده كانت تدعي لابوه

وتقول: يا رب ارحمه ودخله الجنه هو وامي يا رب ارحمني من زوجة ابوي

وصارت تنادي ابوها وينك يبه ليه رحت وخليتني ليه زوجتك ما ترحم يبه والله كانت تعاملني من فوق خشمها

خوف منك ليه يبه رحت ليه وتذكرت كيف لما كان راجع من الشركه

واتصلت عليه تبيه يشتري لها شبسات وخرابيط من السوبر ماركت وبعد نص ساعه اتصلت تبي تقول له انها

تبي كودرد بس الي جاوب على الجوال كان محقق شرطه وقال لها ان صاحب الجوال سوى حادث

وتذكرت شلون كانت ايام العزاء قاسيه عليها وبكت لين نامت على سجادتها وهي لابسه الجلال.

بعد مرور 7 ساعات وعلى الساعه ست الصباح صحت رغد على الم براسها فتحت عيونها وكانت زوجة ابوها تسحب بشعرها وهي تصارخ

وتقول: قومي يا بنت الكلاب يلا انقلعي ابغى فطوري جاهز خلال 10 دقايق وعندك وراها ساعه ونص تنظفي البيت

والحوش والسطح انقلعي يله.

**طبعا بيت رغد عادي متوسط لا هو كبير ولا صغير

المهم رغد قامت نظفت البي والحوش والسطح وكانت الساعه 1 الظهر تروشت وصلت الظهر

ونزلت على المطبخ تسوي الغداء

**طبعا رغد مسموح لها تاكل مره باليوم وهي وجبة الغداء ومو على نفس السفره لا بس يخلصون الغداء تاكل باقي طعامهم

الساعه2:30 الظهر الغداء كان جاهز وراحت سألت زوجة ابوها :خالتي الغداء جاهز اكبه؟

قالت :اي بموت من الجوع وانتي تتمخترين انقلعي بسرعه تحركي وبعدين وش مسويه غداء ؟

ردت رغد: خير من فضل ربي

قالت :الله ياخذك مثل ما خذا اهلك

قررت رغد تطنشها وراحت تنادي خواتها وصلت لغرفة مشاعل وقبل لا تدق الباب

سمعتها وهي تقول:اي حبيبي والله طفش وذي خدامتنا رغد لوعت كبدي ما تعرف تنظف واساسا قصرنا يبيله 3 خادمات بس ماما الله يهديها تقول 2 بيكفون

وما جابت غير وحده الي كلمتك عنها رغد الغثيثه.

رغد دقت الباب ومشاعل قفلت الجوال بسرعه وقامت فتحت لرغد :نعم وش بغيتي

ردت رغد والغصه بحلقها:الغداء جاهز وتركتها وراحت حق اختها ساره

دقت الباب ع الخفيف وفتحت لها ساره

**طبعا علاقة رغد وساره سطحيه لا تحبها ولا تكرهها

قالت لها: اي رغد الغداء جاهز صح؟

رغد:اي.

ساره :زين الحين الحقكم...

اضغط على⭐