ببيت ابو سسعود
يالله يبه وينكم مها يله صار لي ساعه منتظركم اخرتوني ترى ما صارت
والله ذا مهب غداء ذا عشاء يله.
جات مها وهي تنادي عيالها: يالله يا عيال تأخرنا وسكتت ثواني إلا بسعود نازل من الدرج
بهيبته بالثوب الابيض والشماغ الي مغطي فيه راسه وكان شايل لمى الي لابسه فستان احمر لاخر الفخذ ورابطه شعرها ذيل حصان
وبجنبهم شهد ماسكه بيد سعود وبيدها الثانيه تعدل شماغه الي حاسته لمى
ووراهم نزلوا التؤام المهابيل نوره ماسكه العبايه والطرحه بيدها والنتقاب على راسها وتلحق بالوليد لانه خذا منها شاحن الجوال ويقول انه حقه نزلوا وبغوا يطيحون شهد بس سعود كان اسرع منهم سحبها بسرعه وصارت قدامه وحضنها.
شهد خافت منهم وشدت على سعود وبعد ثواني رجعت جنبه وشافتهم مكملين ركض لين وصلوا ابوهم وراح الوليد وقف ورا ابوه ونوره تصارخ:جيب الشاحن والله لاموتك واشرب من دمك. شهد وسعود ماتوا ضحك وشهد تقول لسعود وصوتها مو طالع من الضحك:ذي شافت فلم وتحمست ولا وشو؟
لمى ضحكت ع ضحك سعود وشهد , سعود نزل لمى بالارض وشهد رجعت تعدل شماغه لان لمى عجبها الحوس بالشماغ 🤣🤣🤣 وبعدت شهد عن سعود وعدلت نقابها وطول ذا الوقت الوليد ونوره هواش فجاءه تكلم رعد بصوت عالي وحاد:
خلصت انتي وياها عطني الشاحن , الوليد: سم طال عمرك ومد الشاحن لابوه, خذاه ابوه ورماه على الارض وازدرد ريقه واكمل(بمزح بمزح تحمست 🤣🤣🤣)
كمل كلامه : سعود خذ شهد ولمى معك بسيارتك والوليد ونوره وامك بسيارتي وبسرعه لا نتأخر لان ابوي بيزعل قال لي 2 اكون عنده بالفيله والحين الساعه3 وش رايكم يعني؟
طلعوا العيال بسرعه راح سعود لسيارته وشهد جنبه ولمى جلست وراهم ومدت جسمها بالوسط بينهم.
الوليد ونوره تضاربوا على عند باب البيت الخارجي قال الوليد: ارتحتي الحين لو ما تكلمتي كان كنا الحين مع سعود مو مع الوالد ونسمع مواويل قديمه حقت الشيبان وسكت لما شاف ابوه يقفل باب البيت ويصارخ عليه : انت للحين هنا تحرك اركب السياره ولا تستناني امسك لك الباب .
الوليد: يبه الله يهداك وشلون اركب والمفتاح معك والسياره مقفله.
رد عليه ابو سعود وهو يضربه ع راسه بشويش : يا كلب الله يهديني ليه شايف فيني شي يا متخلف .
الوليد: والله مدري تراها دعوه زينه بس انتم الله يهديكم تتحسسون.
ام سعود ضحكت عليهم وبعد مشاحنات ركبوا السياره ( يالطيبين ترى سعود راح من زمان 😂😂)
طول الطريق ابو سعود مشغل مواويل مثل ما قال الوليد بس المشكله مب هنا المشكله ان الوليد ونوره جوالاتهم مخلصه شحن والشاحن بالبيت لذلك كانوا ساكتين وناظرون الشباك طول الطريق.
YOU ARE READING
يابوي ليتك حيّ وتشوف حالـــي 😢😢
Romanceالسلام عليكم طبعا ذي روايتي الاولى 🖤🤍 "في أحد احياء الرياض الحبيبه قالت: يبه عادي تكلمني عن امي وليه اعماني ما اشوفهم؟ : يبه مهما صار أبيك تكملين دراستك وأبيك تكونين قويه . كان محقق شرطه وقال لها ان صاحب الجوال سوى حادث وتذكرت شلون كانت ايام ال...
