اول شي اسفه على التأخير كانت فترة اختبارات والحمد لله جت على خير مع اضرار بسيطه
تركت اثر في خلايا الدماغ مما أدى الى وفات الحماس للترم الثالث 🤣🤣🤣🤣
وعلى فكره باقي لي اختبار يوم السبت الجاي 6/24 بس قلبي ما ينطيني اتركم بدون بارت
واحس الروايه بتصير ممله اذا اتأخر عليكم بس والله عندي ظروف غير الدراسه ادعولي و اعذروني😌😌لا وين رايحيين تعالوا بنروح بيت الجد ابراهيم جميع
يلا قداام💃💃بيت الجد ابراهيم
كانوا الجميع جالسين بالصاله يتقهوون وسمعوا صوت الجرس قام العم فهد وقال: خلكم جالسين ذول عيالي وصلوا وراح يفتح لهم الباب ودخلوا عياله وزوجته
سلموا على الكل وجلسواتعريف عائلة العم (فهد)
فهد (ابو سالم) :52 سنه تفكيره متحجر شوي لكن فيه طيبه .
زوجته مريم: 47 سنه طيبه وحنونه .
عيالهم:
سالم: 25 سنه طويل حنطاوي معضل وعيونه ناعسه وشعره طويل بس مو مره حنون بس ما يظهر حنيته دارس طب.
ناصر :22 سنه يشبه سالم شكلا وتصرفاته مثل الوليد مصرقع🤪 يدرس قانون وباقي اخر ترم ويتخرج.**ملاحظه: للسلامه والامان ما نبي ناصر والوليد يجتمعون مع بعض كثير لان يصير انفجار الكره الارضيه ويؤدي ذالك الى زياده في ثقب الاوزون **🤣🤣
واخر العنقود نوف : 15 سنه قصيره لكن بيضاء وشعرها طويل مسالمه لكن الي يدوس لها على طرف تدوس عليه 😲😲.
سعود بعد ما سلم على سالم همس باذنه : ابي اطلع تخاويني؟؟
سالم : ياليت ياخي مليت ببيت جدي اهل امي شيبان وبزارن ما عندهم احد
اذا تبي نطلع يلا من الحين.
لف سعود لابوه وقال :يبه بنطلع انا وسالم تبون شي؟
ابو سعود: لا والله يا ولدي بس تغدوا واطلعوا.
سعود:لا يبه بنتغدى برا .
ابو سعود :براحتك فمان الله .
سعود : رفع يده للكل وقال :توصوني على شي؟
الكل عدا شهد: لا ... ما تقصر...تسلم .....بحفظ الله.
سعود رفع يده للجميع :يلا سلام ولف بيطلع.
شهد قامت قدام الكل وراحت عنده: سعود ابي اكلمك برا اذا سمحت.
سعود مسك يدها وقال وهم خارجين :سالم انا بكلم شهد برا اسبقني.
وطلع مع شهد
سعود وهو مازال ماسك يد شهد: وش تبين يروح سعود انتي؟
شهد: سحبت يدها بسرعه وضمته :لا ما ابي شي بس احس بصير شي قلبي يقول فيه شي
تكفى انتبه لنفسك والله اموت لو حصل لك حاجه بعيد الشر عنك.
سعود ضمها اقوى وباس راسها: يقلب سعود سلامة قلبك وتآمرين بنتبه لنفسي وانتي بعد انتبهي لنفسك وللمى.طبعا الثنين ما دروا ان احد شايفهم " سالم بعد ما قاله سعود بيطلع جاء بيطلع لكن سمع صوت سعود يقول: يروح سعود انتي .
انصدم ونسي ان شهد طلعت مع سعود وقف خلف الجدار وشاف سعود ومعه بنت : اي هذي شهد يالله متغيره حيل
صايره حلوه مره " وطلع قبل يحسون عليه ركب السياره وبعد دقايق لحقه سعود.
![](https://img.wattpad.com/cover/343765124-288-k304919.jpg)
YOU ARE READING
يابوي ليتك حيّ وتشوف حالـــي 😢😢
Romanceالسلام عليكم طبعا ذي روايتي الاولى 🖤🤍 "في أحد احياء الرياض الحبيبه قالت: يبه عادي تكلمني عن امي وليه اعماني ما اشوفهم؟ : يبه مهما صار أبيك تكملين دراستك وأبيك تكونين قويه . كان محقق شرطه وقال لها ان صاحب الجوال سوى حادث وتذكرت شلون كانت ايام ال...