اللهم صل على سيدنا محمد 💥
كيفكم اخباركم!عنوان البارت بيكون اختياره لكاتبه 💛
.
.
تصويت ⭐
بقلمي Al-jood💙💙
يلا نبدأ حبايبي
.
.
.ناصر : لا والله تبونهم يجتمعون معنا واخواني مو موجودين.
سعود: اي ناصر اتصل بسالم خله يجي.
ناصر: اي الحين وبقوله يجيب اختي نوف بعد.اتصل ناصر على سالم وقاله وجاء سابم ومعه نوف وصلوا لبيت العم ابو سعود.
عند العيال سمعوا صوت الباب قال الوليد : خالد بالله افتح لهم الباب.
راح خالد فتح الباب وسلم ع ناصر ونوف ودخلوا عند العيال مع نزلت كل البنات من فوق .
سعود : يلا نجلس بالحديقه شهد جيبي قارورة مويه(عبوة مويه) والحقينا بسرعه وطلعوا ع الحديقه وجلسوا على شكل دائره وكان كذا ترتيبهم سعود . الوليد . خالد .سالم .ناصر .نوف . ليلى .رغد .نوره . ومكان فارغ حق شهد لانها تأخرت شوي.
الوليد : وين اختفت ؟
على طلعت شهد: يلا جيت بس وديت لمى غرفتها لانها نايمه
سعود :ليه شلتيها ثقيله عليك حبيبتي لو ناديتيني انا اوديها.
شهد: مب مشكله عادي. وجلست جنبه وعطته القاروره.
سعود: تجمعنا لاجل نلعب لعبة صراحه بلف العبوه والي يجي جهته الغطاء يسأل والاتجاه الثاني يجاوب؟
الكل: تمام.
بدا سعود وفر العبوه وجاء السؤال عليه والجواب ع سالم.
سعود: صراحه او جراءه؟
سالم: جراءه.
سعود: روح سواقنا وقله انك تحبه.
سالم: تمام الحين اروح والوليد يجي يشهد.
وراح سالم وقال للسواق انه يحبه والوليد ميت ضحك ع اشكالهم.
السواق: هبيبي وانا اهبك بعد.
سالم بهمس سمعه الوليد: هب سعود تراه معجب فيك ويبيها عن طريقي.
الوليد فطس ضحك عليهم.
السواق: ليه تتهلتم انت وش فيه انا ما يقول شي يضهك.
الوليد: لا هبيبي احم اقصد حبيبي ما في شي هههه سالم يلا نرجع.
رجعوا والوليد قال لهم القصه والكل فقع ضحك.
ورجع سعود لف العبوه وجاء السؤال ع خالد والجواب على رغد.
خالد: وش اكبر امنيه عندك.
رغد باندفاع وبدون تفكير: اشوف ابوي..
الكل انصدم وحزن بنفس الوقت ورغد حست وش قالت رجعت بسرعه تقول: اقصد نبقى كذا وما يتغير علينا شي.
YOU ARE READING
يابوي ليتك حيّ وتشوف حالـــي 😢😢
Romanceالسلام عليكم طبعا ذي روايتي الاولى 🖤🤍 "في أحد احياء الرياض الحبيبه قالت: يبه عادي تكلمني عن امي وليه اعماني ما اشوفهم؟ : يبه مهما صار أبيك تكملين دراستك وأبيك تكونين قويه . كان محقق شرطه وقال لها ان صاحب الجوال سوى حادث وتذكرت شلون كانت ايام ال...