အပိုင်း ၂-အနက်ရောင်ဝံပုလွေက သူ့ပျော်ရွှင်မှု့ကို ဖော်ပြခြင်း
ကျင်းယန်က အမှန်တကယ် စိတ်လှုပ်ရှားနေပြီး သူ့ခံစားတွေက လကိုတောင်ကျော်လွန်သွားသည်။
သူ နတ်သားသေးသေးလေးနဲ့ တွေ့ခဲ့တယ်။
ဖိတ်ကြားလိုက်ပြီးနောက် ချောင်ရှီက နေရာမှာပဲ လှဲနေသေးပြီး သူ့ကို ဗလာဖြစ်စွာနဲ့စိုက်ကြည့်နေပြီး ဘာတုန့်ပြန်မှု့မှ မပြတာကို သူတွေ့လိုက်ရသည်။ကျင်းယန် သူ့ခြေထောက်တွေကို ကွေးလိုက်ပြီး သူ့ခန္ဓာကိုယ်ကို နှိမ့်လိုက်ပြီး သိသာထင်ရှားတဲ့ အရိတ်အမြွက်ပြလိုက်သည်။
လိပ်ပြာ": "....."
ကျား: "....."
လူတစ်ယောက်နဲ့ သားရဲတစ်ကောင်က တစ်ယောက်ကိုတစ်ယောက်ကို ကြည့်နေပြီး သူတို့မျက်လုံးထဲမှာ ရှုပ်ထွေးမှု့များနှင့် ပြည့်နှက်နေသည်။
ပြီးတော့ ချောင်ရှီ...သူအာရုံပြန်ရလာပြီးနောက် ခြုံပုတ်စီသို့ တွားသွားလိုက်ပြီး အဲ့နောက်မှာ ပုန်းလိုက်ပြီး သူ့မျက်နှာတစ်ဝက်က ပေါ်နေပြီး ကျင်းယန်ကို တိတ်ဆိတ်စွာ စိုက်ကြည့်နေသည်။
ဒီအချိန်မှာ ပြောင်းပြန်အနေနဲ့ တောင့်တင်းသွားတာကတော့ ကျင်းယန်ဖြစ်သည်။ခုနတုန်းက ဒီကလေးရှေ့မှာ အရမ်းကြမ်းတမ်းသွားတာကို အမှတ်ရလိုက်သည်။အဲ့အတွက်ကြောင့် ကျင်းယန် ရှင်းပြဖို့ မြန်မြန် လျှောက်သွားသည် "ကိုယ်...ကိုယ် မင်းကို အခု ငေါက်နေတာ မဟုတ်ပါဘူး။"
သားရဲနှစ်ကောင်နဲ့ လူတစ်ယောက်က အဲ့ဒါကို သူတို့မယုံတာကို ရှင်းရှင်းလင်းလင်း ပြလိုက်သည်။သူတို့ ဟိန်းနေသော "အာဝူး"ဆိုတာကို နားမလည်သော်လည်း အနက်ရောင်ဝံပုလွေက ချောင်ရှီကို ကြိမ်းမောင်းနေတာကို သူတို့သိသည်။
ချောင်ရှီက အနည်းငယ် နောက်ပြန်ဆုတ်သွားပြီး သူမျက်လုံးတွေက ပိုပြီးသတိရှိလာခဲ့သည်။
ကျင်းယန်: "....."
သေစမ်း၊ အိပ်ယာနိုးလာတဲ့အချိန်မှာ ဒေါသထွက်တာက တကယ် ကောင်းတဲ့အရာမဟုတ်ဘူး။
YOU ARE READING
ဝံပုလွေနန်းတော်က အတောက်ပဆုံး ကြက်ကလေး
FantasyCredit to Author and Translator. ခွင့်ပြုချက်မရထားပါ။