راح نبدي وياكم ونتعرف على بطلة قصتنا لليوم
وياكم أسيل الي تحملت هواي ضلم بحياتها وتعالو نستمتع بل احداث اعوفكم وياها.....♥️
.
للكاتبه • ف᭫ᮥي᪸᪰رٰوٰ໑ٰزٌِ 💞📃 ،
I
nsta: its.fairouz0
.
أسيل: احنا عائله مكونه من 7 نفرات اني وعندي 2 اخوان و2 خوات وماما وبابا
اخواني امير وسلام وخواتي ملاك وشيلان
احنا ناس بسيطين بس اهلي من نوع كلش متشددين
وخل نبدي بقصتي وياكم من بلغت لحد هل لحضه
.
.
أسيل: ماما تعالي شوفي شنو هاي
خالده:شنو أسيل شبيج شكو
أسيل:تعالي بس مدري شنو دينزل عليه
خالده: يا صلاوات بنيتي كبرت وصارت عروس
ضلت هل كلمه تتردد بأذني شنو عروس واني اعرف عدنا البنيه بس تبلغ يزوجوها
حيل خفت واشوف امي فرحانه بيه وراحت كالت لبابا
ضل يباوع وكال تعالي أسيل
أسيل: ها بابا
عمران: شوفي بنتي انتي هسه كبرتي وبعد ممنوع تطلعين وتطبين والمدرسه تعوفيها ماعدنا بنات تطلع
اخاف عليج انتي كبرتي بعد اهم شي تعرفين تكتبين وتقرين هاي هيه
أسيل: بس بابا اني احب المدرسه احب دراستي لتسوي هيج بيه.
عمران:اني كلت العندي وممنوع تعترضين ابقي بلبيت لحد مايجيج عريس وازفج.
أسيل: أهنأ ضليت صافنه لان شما احجي مستحيل يقتنع
كال كلمه معناها هاي هيه
وعفت الدراسه وكعدت بلبيت شغل والتهي بأخواني واخواتي
خواتي صغار صف خامس ابتدائي وحده رابع ابتدائي
.
بس امير وسلام كبار بل عشرين سنه أعمارهم
.
أسيل: ضليت هيج مشت ايام واني على وضعي وكل ما
يزيد يوم اتكأب لان وحدي
.
خالده: أسيل وينج
أسيل: ها ماما اجييت
.
خالده: تعالي أهنأ يمي داحجي وياج شي
اي ماما احجي اسمعج
خالده: شوفي بنيتي اني اخاف عليج واريد احجيلج شي
بس اريدج تخلي ابالج اريد مصلحتج
.
أسيل: خفت من طريقة كلامها تحجي وتفرك بأيدها ومتعرف منين تبدي بل موضوع
اي ماما شنو السالفة شصاير
خالده: عمامج دزو عليج وابوج قبل وراح تروحين وياهم للعماره لان كبرتي وميصير تبقين ابغداد وتعرفين أهل ابوج شلون تفكيرهم
.
أسيل: صفنت تفاجأت بحجيها زين شون واني رايحتلهم بس مرتين وماعرفهم
ليش هيج سوه بابا ليش قبل ماما شوفي حل ماريد اروح
خالده: شبيدي يمه شحجي حجيت وياه قافل حتى اخوانج ماكدرو يتدخلون
أسيل: سكتت حايره شسوي اتصفن زين شون اكدر افارگ اهلي امي وابويه واخواني وخواتي شون اكدر ...
.
بس مابيدي شي شحجي شسوي اذا قافلين
.
ثاني يوم صار موعد رحيلي للعماره ومجنت اعرف اني رايحه لموتي برجلي.
بدلت ولميت غراضي والدمعه بعيني مانشفت
