للكاتبه:• ف᭫ᮥي᪸᪰رٰوٰ໑ٰزٌِ 💞📃 ،
Insta: its.fairouz0
غياث كاعد خازرني.....
.
بسرعه خليت شالي على راسي ..
أسيل: صباح الخير شوكت اجيت.
_ صباح النور قبل عشر دقايق وصلت يلا كملي حتى نروح
.تمام بس الم غراضي ..
صعدت اركض بعدهم نايمين لميت غراضي بوست امي
رحت لارين بوسيتها وهيه نايمه وطلعت شفت اباب الغرفه دانيال
دانيال: ها راح ترحين
_ اي اجاني غياث
ديري بالج خلى نفسج ولتخلين هذا يمد ايده عليك ماشي
_ تمام ماشي ..مشيت دانزل لزمني من ايدي ..وكال ؤ
رح اشتاقلج هواي ... كلبي دك سريع عفته ونزلت شفت غياث واكعد ونضرته ماعرفت افسرها مشيت وراه لحد مصعدنه وكال
غياث: نوصل للبيت واني اعلمج ...
_شكو شبيك شسويت
_صووتج ماسمعه .
سكتنا ورجعنا للبيت ولازمه كلبي من الخوف مدري شبي
اول منزلت سلمت على خاله وامونه وصعدت انتضره
.
فتح الباب وطب واكف كدامي خازرني ..جرني من زندي حيل حسيت العضم راح يطك بأديه
.
اخخخخ ايدي غياثث ..
_ايدج موووو تخلين هذا الك...... يلزمجج منها مووووو
يصيح واني قطرة دم مابقت بيه من الخوف
صيح وكسر الغرفه صاير نار اجه يمي ضربني راشدي وكعني
ضليت أصيح
عووووفني لك عووووفني وهو يضرب عبالك أحد ساد اذانه ميسمعني . ..رجع ع ميز جان اكو عوده مالته اخذها واجه عليه
.
لا عليك الله غياثث لتسوي هيج فدوه ماعيدها ولله
.
ماسمعني ضربني على أيدي بكل قوته بشكل همجي ماعرف شون اوصف الشعور الجنت بي بحيث ايدي بعد ماحس بيها
والوجع موتني .
_اخخخخخ ايدييي غياثثث نكسرت...ضليت ابجي وافرفح ماكدر احركها..هو رجع جرني يمه وجهه نكلب من منضري
.
غياث:كوومي كوميي اخذج للمستشفى..اغمى عليه محسيت بعد من الوجع
.
فتحت عيني اني بل مستشفى ايدي متجبره كالو كسر بيها صاير ..
غياث: الحمدلله على السلامه ليليي
.
درت وجهي زعلت ماريد احجي ويه بلكت الله ميحاجيني
.
رجعنا للبيت نمت بفراشي وهو ولا اتقرب بعد مني
.
وجع ايدي مينحمل ضليت ابجي وحدي وأتذكر حجي دانيال الي
وينه وينه خل يجي يشوفني شصاير بيه
مرت ايام واني غياث ماشفته بعد يجي بليل كلش ينام ويطلع قبل لا اكعد ..وهل شي ريحني منه شويه
.
كمت نزلت جوه شفت أمنه كاعده وحدها ضايجه كعدت يمها
.
امنه: اسيل عوفي غياث وتطلكي خيولي ديأذيج اسمع صوتج واموت الف مره ولله كلبي ديتكطع عليج
.
_ عادي حبيبتي تعلمت عليه
امنه: هو نجبر عليج ولله اني ادري بي يحب وحده
.
نصدمت واجه أبالي موقف من شفته ويه بنيه بل بستان
أسيل: ومنو هااي
امنه: وحده هنا بل سلف يمنا وابوها ما انطاها اله
_ هاا لعد ليش اخذني اني ليش هيج عذبني وياه
امنه: ولله هو شايفج وكال حتى بعد ماروح اخطبها راح اتزوج بنيه من بيت حجي سالم ..
_ سكتت متت قهر رغم جنت حابته اخذني علمود ينسى حبيبته وعفت دانيال الي يموت عليه واختاريته كلبي تكطع
ضلينا شويه نسولف ونضحك غيرت نفسيتي ..
كرهت غياث وكرهت نفسي من وراه
.
صار تفكيري كله شون اكدر اتخلص منه ادري بي مستحيل يطلكني ولا يعوفني بس أحاول بكل الطرق
.
اجه بليل لف رأسه ونام واني بقيت للصبح النوم جافاني
مرت ايام ايدي صارت زينه رحت وياه فتحتها ورجعنا
.
اجه بليل يمي يريد يتقربلي هل مره كلت لو اموت مااخلي
.
حاول حاول ابد مخليته تعب لف رأسه وانام شديت وياه حيل.
.
مشت ايامي هادئه ماكو شي إلى أن اجه اليوم المشؤوم ....
______________________________________________
زينب: احلى ايام عشتها ويه صفوان حيل حبيته ودللني دلال اي بنيه تتمناه بحياتي جنت مااتوقع الحب يبهذلني هيج ويخليني متعلگه روحي بروحه
.
صفوان: حبيبي وينجج تعاي شوفي
_اجيت عمري
رحتله جايب هواي غراض الي ملابس ومجوهرات وعطور واحذيه كلشي كلشي
زينب: اووووييييي عمرييييي شكراا
بسته بخده تنهد وكال شعندي اني شكم زينب ...
ههههه كوم حبيبي اسبح هل اسووي اكل ..
زينب: كمت داسوي اكل ودك تلفوني شفت دانيال ..جاوبته
دانيال: هلو زنوبه شلونج صفوان شلونه
_هلو بيك الحمدلله زينين وانتو
_ماشي الحال ..اكلج ماكو اخبار عن اسيل اختفت من يوم عرسج بعد ماكدرت اوصللها..تنهدت متحسره.كتله
_ولله مادري ماعندي خبر منها باجر اخلي صفوان يخابر غياث ونشوف يمكن اروحلها.
دانيال: اي عفيه ولو ازحمج بس بالي يمها ..
_لا عادي خويه مصار شي تدلل
سديته منه مقهوره عليه وعلى اسو حيل تأذت هل بنيه بحياتها ماشافت راحه ابد ..طلع من الحمام كملت الاكل كعدنا ناكل ونسولف ونضحك ..
زينب: اكلك حبيبي خابر باجر على غياث شوفلي اسيل شلونها
صفوان: انشالله حبيبتي
__
طبينا للغرفه نمت على صدره باسني براسي ..اووفف احبججج ياضوه عيوني انتي
_اموت عليك يبعد روحي
نمنا وكعدنا ثاني يوم فجأة كال صفوان كومي بدلي حنروح لاسيل
زينب: شنو خابرتهم
لا بس كومي اريد اروحلهم هيج فجأة اشوف شبيها
_لزمت كلبي وكتله يلا ماشي ...بدلنا وطلعنا وصلنا للبيت مالتهم
دك الباب. طلع غياث وجهه نكلب من شافنا .
غياث: ياهلا شلونك
صفوان: هلا بيك وين اسيل
غياث: مو أهنأ طلعت ويه امي
_راح تخلينا واكفين ع باب
غياث: لالا تفضل تفضل
_بقو يسولفون واني لازمه كلبي وين اسيل يالله صح ماكو احد بلبيت ..
مرت ساعه وهو وجه ينطي الوان ويبلعم بل حجي شويه واجوي
وانصدم بشكل اسيل وجها مورم وراسها مشدود ب شاش كله وبي دم
زينب: اسسسسسييييل هاي شنوووو شبيجج
ذبت روحها بحضني وتبجي تشهك كالت اخذووني لتعوفوني يمه فدوه ..
سمعها صفوان تخبل تلازمو هو وغياث اخذتها وكمت كله صفوان ماعندك يمنا مره بعد
غياث: مو هيه بكيفك .اسيل وحق الله اذا طلعتي تاذين روحج
أسيل: كل هل اذيه وتكول تأذين روحج شتسوي سوي ماابقى يمك بعد
.
اخذتها وطلعنا وهيه تبجي ..كتلها ولله لو اعرف اموت ومااخليج ترجعين اله وداعتج انتي بس كافي اسكتي
.
.
___________________________________________
أسيل: جنت كاعده الصبح وهو ماكو تمشيت نزلت جوه
شفت أمنه رحت يمها كعدنا بره شويه سولفنا وندكت الباب خاله صاحت اسيل افتحي يمكن غياث ..
رحت افتح الباب واشوف ولد ماعرف منو كال غياث موجود
كتله لاطالع ضل صافن عليه ..سديت الباب بوجهه
مشيت صعدت لغرفتي شويه واجه صوته يرعدددد
لجججججججج اسسيللل
نزلت ارجف شكووو
لزمني من شعري ودك راشديات على وجهي ..روحي راحت
خالتي تصيح عليه وأمنه تبجي
غياث: حيوووانه تطلعين تراوين وجهج لصحباني كح******
ام غياث: لك كسر بأيدك حقير اني كتلها تفتح الباب وماطلعت بس مدت رأسها
غياث: لججج يووم اجه يتغزل بيها كدامي يكلي ولله مره عندك هاي البت الخ***** نزلت راسي
.
اني ساكته وفاتحه عيوني بس جرني من شعري وشمرني على درج وكعت راسي انشك بل بايه ماحس غير وجهي صار حار من وره الدم
خالتي ضلت تلطم ..ولك الله لاينطيك كسر بأيدك نشالله راحت البنيه
لبست عبايتها واخذني هيه وامنه للدكتور .. خيط راسي ولفه بشاش كال بس من تردين تنضفين الجرح توخري وبسرعه لفي لان يتلوث
.
رجعت دايخه راسي مشكور وكفت واشوف زينب وصفوان حسيت حبل نجاة الي شمرت ورحي بحضنها وبس أردد اخذني لتعوفوني يمه وأبجي ...
طلعنا من يمهم صعدت حسيت هسه وصل النفس لريتي صفوان تعصب كلش
صفوان: لج انتي ليش متخابرين متحجين من يضربج ها عباله تايهه انتي ماكو احد بضهرج اسسسيل باعيلي رحمه للكعبه
أسيل: صفوان شخابر شبيك حتى تلفون ماعندي منين اخابرك
سكتت متحسر وكل شويه يضرب الستيرن مال سياره وزينب اسم بس صوت شهكتها وصلت يمي ...
نزلنا يم بيتهم مااخذوني لبيت سالم ....
شويه وعمي سالم اتصل يرعدد على صفوان .... كله هسه تجيبه لو تردها لرجلها.....سكتت ابجي اخخخ ياذلة الماعدها سند.💔
