للكاتبه: • ف᭫ᮥي᪸᪰رٰوٰ໑ٰزٌِ 💞📃 ،
Insta: its.fairouz0
نزلت جوه انتضرهم
شافني غياث وشاف لبسي ابتسم كاعد اي عفيه هيج صيري حبابه اسمعي كلامي
سكتت متحسره رفعت راسي كلسع اشوف ساعه منتضره زينب ع ناررر مشتاقتلها مرت ساعه واجوي طلع غياث سلم عليهم
طبت زينب نزلت دموعي من شفتها
زينب: حبيبتي الحقيررره حضنتها حيل اسيل متغيره وجهه اصفر ملامحها حزينه ليش هيج احسها مكسوره
أسيل: لجج زينب مشتاقتلج كلششش
_خلصنا سلام وطبو ولد عمي سلمت عليهم ترخصنا منهم وصعدنا فوك بغرفتي
زينب: احجيلي كلششي بل تفصيل ولاتضمين شي
اني خفت كلش من تهديد غياث بس ميهمني بلكت اخلص
منه
حجيت لزينب كلشي صار وبأنه من اول يوم زواجي
وهيه صافنه وبس دموع تنزل
حضنتني وتبجيي
زينب: عمت عيني عليج حبيبتي سوده عليه شون هيج متحمله كومي اخذج وياي لتبقين يمه خيولي
أسيل: لا زينب عوفيني بلكت الله اخلص منه اشوفلي حل بس كولي جبتيلي حبوب
_اي جبت بس اسيل ضميهن كلش زين ليلكاهن وانوب يسوي شي بيج
_اي لتخافين اضمهم
اكلج صدك خابرني دانيال وسأل عليج يكول ماكو
اسيل: كلبي رجف من سمعت اسمه شتاقيتله واشتاقيت اسولفله كلشي بس هو يفهمني ويصبرني ويواسيني
.
اي ولج اخذه مني يمكن هو دانيال داك عليه وغياث مجاوبه
وصار الي صار هسه عوفج مني انتو شلونكم عمه شيماء عمو سالم الولد مشتاقتلهم كلش سولفيلي
زينب: راح نعقد اني وصفوان هل اسبوع حجيتها والضحكه شاگه حلكي
_جذذذاااابه شون وليش وشصاررر
زينب: حجيتلها كلشي صار وهيه صافنه وكتلها انطيني حل اني ارتاح ويه صفوان احبه بس مو ذاك الحب لا احب احجي وياه احب خوفه علينا غيرته كلشي
أسيل:شوفي زوزو تره صفوان خوش ولد وحباب مدام سوه هل سالفه معناها يفديج بروحه لتخسري ونشالله ياربي تتهنون
.
طمنتها حسيتها كلش فرحانه بي تستاهل زنوبه كلبها طيب وحبابه فقيره متدخل بالمشاكل ولا شي
زينب: اكلج تجين لعرسي مووو واذا تكولين ماكدر اذبحج ونبي
أسيل: خلي اشوف غياث مادري ولله
_ هسه اني احاجيه شنو بكيفه احرجه كدام احمد وصفوان
كومي ننزل جوه هسه يضلون يحجون
نزلنا جوه وعرفتها على خاله وامونه حيل حبتهم
.
كعدنا كلنا بل صاله وغياث كلش شويه خازرني شبي هذا وجعع
زينب: اكلك غياث عرسي بعد اسبوعين واريد اسيل ويايه
غياث: يباوعلي خازني وكال اي انشالله بيها الخير
صفوان حجه كله اي طبعا شون متجي غير بت عمنا ولازم واكفه بعرسنا
اني ابتسمت كتله انشالله ياربي تتهنون
.
كعدنا شويه ضحك سوالف غيرت شويه نفسيتي كامو ديطلعون اني حضنت زينب وهمست بأذنها
