قاتلي و مُنقذي

بارت 4

للكاتبه :• ف᭫ᮥي᪸᪰رٰوٰ໑ٰزٌِ  💞📃 ،

Insta: its.fairouz0

انصدمت ودموعي تنزل واكفه هادئه بشكل مو طبيعي
.
شفته يسحبها لحضنه واني انسحبت روحي
رجعت لفراشي ابجي بس بهدووء ماحسيت على نفسي غفيت

فزيت على صوت الباب ..
زينب: اسسسيل اسوو كعدييي
_كمت فتحت الباب ودخلن هيه وشيماء
.
زينب: شكوو شبيج ليش عيونج مورمه
شيماء: شكو اسيل شبيج لتخبليني
.
أسيل: ماكو شي بس شتاقيت لاهلي
_سوده عليه حبيبي صحيح صعبه بس شسوين

أسيل: اني راح اقبل اتزوج
_وكفن بصدمه
زينب:شنو شدتحجين انتي صدك عود
أسيل:اي ولله تعبت بلكت ارتاح ومناك ياخذني لاهلي اشوفهم

شيماء: اسيل فكري عدل حبابه لتضلمين نفسج
أسيل: لا فكرت
_ميدرن اني من صدمتي حسيت ماكو امل يجمعنا سوه خلي حبه بگلبي بس ماحجي بي وابتعد عنه بلكت أنساه
_ نزلنا جوه لكيت احمد وجواد وعمامي موجودين
صباح الخير
سالم: يا صباح النور هلا بنيتي تعالي تريكي
_ كعدت يمهم بس بالي شارد وكل شويه اتصفن ارفع عيني اشوف جواد يباوعلي
احمد: اكلك يأبه شصار على سالفة بيت خلف نحلت بعدها
سالم: اي بويه حلوها تناسبو سوه وفضت .
_خير انشالله
أسيل: عمي اريد اكلك شي
سالم :اي بويه كولي
_انه قابله اتزوج هذا الخطبني
كلهم نصدمو وعمي فرح اله جواد خازرني ماعرف شبي نزلت راسي مدنگه
سالم:اي بويه بيها الخير نردلهم خبر اليوم
أسيل:بس عمي اريد اهلي يحضرون واخواني
اي عمي هاي هيه اليوم اخابر ابوج
_سكتت ومتردده وخايفه خاف تتدمر حياتي
يارب دخيلك وجهني ع طريق الصح
كمت صعدت مالي خلك هوسه
نسحبت لنفس المكان عرفته جواد
جواد:شسسيويتيي انتي ليش تقبلين
اسيل: عوفني جواد فدوه مالي خلك هاي هيه قسمتي وصارت
ماحب احد يدخل بعد
تشخصت عيونه بصدمه وخر من يمي طلع وسد الباب قوي
_رجعت هادئه نمت بفراشي والكلب بل تلفون ضوجه وين اروح
شويه وصار صوت قوي جوه ماعرف شنو نزلت اركض حتى بدون شال

جواد: انتو تحجون صدك تزوجوها واحد متعرفه ومتعرف شنو هو شبيكم تخبلتو
عمي رضا:جواد لاتتدخل بويه اسكت
-لا بويه ميصير حرام عليكم لتضلموها وهيه بعدهي صغير
سالم: اسكت جواد كتلك انطيت چلمه للوادم وباجر يجون سد الموضوع أبوها قابل شني انت وتتدخل
_بقيت اباوع هادئه مكتفه ايدي ومرتجيه ع باب اشوف العالم يتحكمون بحياتي وني لا حول ولا قوه شسوي
صعدت فوك قفلت الباب ضليت ابجي واششهك ياربي إلى متى هيج
كمت اخذت ملابس وطبيت اسبح بلكي ارتاح شويه
كملت وطلعت بعدني مواصله لغرفتي سمعت صوت ورايه
واشوف واحد ماعرف منو كال انتي منو
أسيل: هاا انت منو وشلون تطب لهنا
_هاا انتي بنت عمران مو
اي اني انت منو
__اني  دانيال ابن عمتج
بقيت صافنه بوجهه ماكو هيج خلقه اني عندي ابن عمه هيج شككل اشكر والعيون زرگ
دانيال: ها صفنتي
أسيل: هاا لا ماعرفك معبالي عندي عمه
دانيال:  ههههههه اي ادري لان احنا مسافرين مو هنا عايشين
وثاني شي اليوم اجيت شو ماكو احد بلبيت وين راحوو
أسيل :مادري ولله
_اوك تعالي نزلي ضيفيني
تمام بس امشط واجي.
طبيت ركض وكلبي يدك سريع
شبيكك انته كل متشوف حلو تتخربط اثبت شويه
كملت ونزلت يمه كعد يتعرف عليه ارتاحيت وياه تعرفنا أكثر
شويه واجه عمي سالم
تسالمو سلام حار مبين يحبه كلش
عفتهم وصعدت افكر بي معقوله عدنا هيج شكل بل عائله واضحك ويه روحي
كمت بدلت وخليت شويه مكياج خفيف
ولبست شالي  وطلعت نزلت يمهم من صدك تونست وياهم ودانيال فرفوش كلش ونسيت موضوع غياث
أسيل: عمو سالم لعد ليش محد كالي عندي عمه مسافره شو مااجتي ويا دانيال اشوفهه
سالم : اي بويه ولله نسينا ونخبصنا هاي عمتج مسافره مستقره بره وتجي كل فتره لو يجي دانيال علينا نشالله تجي وتتعرفين عليها
__انشالله عمو يلا عن اذنكم اني نعست تصبحون على خير
.
تلاكين الخير بنيتي
صعدت فوك لغرفتي مرت ساعه ساعتين مكدرت انام وجوعانه نزلت جوه على كيف عبالك حراميه اتمشى على أطراف أصابعي
كعدت اكل جبن وجاي. شويه وسمعت صوت فزيت
أسيل: شبيك فززتني خرب
دانيال : هههههههه شبيج جنج حراميه بل ضلمه كاعده
__ولك جعت كلش ونزلت اكل بدون محد يحس وانت اجيت فزيت
هااا يلا ناكل اني وياج
رجعنا نكمل اكلنا ونسولف سولفلي عل حياته كلها من جان صغير لحد هسه
.
عنده اخت وحده اسمها لارين يكول اخاف عليها من الهوه

أسيل: ليش تخاف عليها شكو

دانيال: لج حلوه كلش واخاف عليها هناك دنيا مو امان تنوكل ولله وهيه فاهيه وفطيره

أسيل: عجبني اتعرف عليها جيبها لهنا فديوم اشوفها
_اي اكيد انشالله

مرت ايام هوايه ودانيال يمنا وحيل قوة علاقتي بي
صار أكثر من اخ الي حيل حبيته ونسدت سالفة خطوبتي مادري ليش الكل ساكت
.
اله بفد يوم كلنا متجمعين بل ديوان احه عمي سالم
كال اسيل بويه باجر المشيه مالتج أهنأ حسيت كلشي وكف
حتى الساعه متمشي اباوع بوجهه مصدومه درت وجهي كلهم مثل صدمتي جانت سكته ليش هسه نفتح الموضوع
باوعت على دانيال عيونه حمر وخازرنيي

أسيل: عمو ليش شعجب مو جانت مسدوده

سالم : لا عمي ممسدوده بس احنا أجلنا الموضوع
سكتت وعيني صارت على دانيال بعد شويه وتنزل دمعته
كمت طلعت بل ساحه كعدت ابجي بهدوء
ماحس لهناك نعتيدت قوي من ايدي دانيال واكف كبالي وخازرني

دانيال: لييششش ماكتيلي مخطوبه ليشششش

أسيل: مادري ولله جانت مسدوده السالفه ماعرف
دانيال: تعرفين انتي شسويتي لجججج اني الغبي حبيتج لج حبيتجججججج

_خلاني بصدمتي ماتحمل بعد أكثر من هل صدمات بحياتي
عافني وطلع واني افكر زين شوكت ليش حبني واني حاسبته مثل اخ الي
ياربي دخيلك ياربييي شسوييي
صعدت لكيت زينب تنتضرني

زينب: اسيل شكووو شبيج

أسيل: عوفيني زينب حبابه اريد انام باجر احجيلج كلشي

__ماشي براحتج تصبحين على خير

طلعت وسدت الباب ونمت من قهري
عمتي ام احمد كومي اسيل اكعدي راح يجون يعقدون العصر كومي حضري روحج

أسيل: شنو عمه شنو يعقدون

ام احمد: اي بساع كومي منلحك

طلعت كمت للحمام اغسل وفرشت اسناني وأبجي غسلت وجهي علمود ماابين ابجي
نزلت صار بوجهي عمي سالم

ها عمو مبروك عروستنا اليوم تعقدون ونشالله تتعرفون على بعض وتتفاهمون
أسيل: إنشاءالله عمو يجون اهلي مو
سالم: لا بويه مو اليوم يجون ع العرس
بقيت ساكته حجيت ويه شيماء
أسيل: شيماء شو دانيال ماكو وينه .

شيماء: سافر رجع

_فتحت عيوني عليها كتلها شنوووو شوكت ليش
شيماء: والله مادري طلع الصبح كال اني راجع وودعنا وراح

__ مدري شصار بكلبي كام يوجعني
صار العصر واجوي العالم وعمتي انخبصت مي وجاي لهناك وكالو يلا راح يجي السيد
صعدت بدلت وادري بروحي مو كعد هل مسؤولية
دخيلك ياعلي اوكفلي دخيلك

نزلت وصار السيد يقره الولد حجه صوته مو غريب احس سامعته
تم العقد وصرت زوجته نفتح الباب عمي كال تعالي فوتي شوفي زوجج

أسيل: فتحت الباب مدنكه وهو كاعد مشفت وجهه طلع عمي وسد الباب

صاح بصوت شبيج مترفعين راسج لو معاجبج
رفعت راسي اباوعله جمدددتتت بمكاني
غيااااثثثثثث......