للكاتبه : • ف᭫ᮥي᪸᪰رٰوٰ໑ٰزٌِ 💞📃 ،
I
nsta: its.fairouz0
عافنا وطلع وخلاني بصدمتي.....
يعني شنو هسه راح ينطوني لواحد. مااعرفه
لالا مستحييل ماكدر اتقبل واني احببب احببب غياثث شلوون
ماريد مادري احجي ودموعي عشره عشره
زينب: أسيل اهدي حبيبتي اهدي هسه نشوف حل
أسيل: شنو اهدء زييينب لج يريد ينطيني وانتي تدرين احب غياث شلون شسوي دخيلك ربيييي.
طبت شيماء صافنه نزلت دمعه منها وكالت
شيماء: اسيل كافي بداعت امج لتعذبين نفسج هيج حبيبتي
كلنا وياج ولله نضغط عليه مينطيج
.
أسيل: شيماءءء شنوو نضغط شيبج شفتي شلون حجه ياربي راح اموت ولله يكول انطيت چلمه الهم يعني ميكدر يتراجع
.
كعدن يمي البنات يواسني شويه واجتي عمه ام احمد جايبتلي اكل
ام احمد: تعالي يمه تعالي اكلي وهدي على نفسج شويه ماكو شي مااله حل وصلي صلاة استخاره يمه وكولي يالله
أسيل:احس كلامها يطمني بس ماعرف اني خايفه كلش من هل موضوع وحتى غياث ميدري بيه احبه
.
مرت ايام خابرت على اخويه امير ماكو ادك ميجاوب
رحت دكيت علا سلام جاوب
سلام: الوووو
أسيل : هلو سلام شلونك
سلام:هلو هلو اسوله الحمدلله شلونج انتي
أسيل: مو زينه خويه محتاجتلكم
سلام: شكو اسيل شبيج أحد وياج
أسيل: خويه يردون يزوجوني واحد مااعرفه وعمك قافل
سكت شويه تنهد وحجه
سلام:ادري خويه ادري كالولنا وابويه وافق
خلاني بصدمتي ش شنو وافق شدتحجي سلام عليك الله لتشاقه
سلام:اي وداعتج شبيج قبل حجينه وياه ميسمع من عدنا
أسيل: زين سلام إلى متىى ليش تضلموني وياهم مو بتكم اني ليش هيج تخليتو عني ليييششش
سلام:اسفه خويه عذريني ولله موبيدي شبيدي عليج يبعد اخيج
أسيل: هاي هيه خويه متقصر ورحم الله والديك مارايده منكم شي مع السلامه خويه
سديت الخط منه وكلبي عصرني متت قهر منهم ليش هيج اهلي ماعندي سند صرت وحدي يربي افرجها عليها يالله
.
نمت واني بقهرتي ميته قهرر كلش شعور الوحده يكتل من تحس ماعندك سند بهل حياة
كعدت ثاني يوم على صياح جواد وعمي سالم ورضا
نزلت اركض شفت زينب جوه شكوو زينب شبيهم
زينب: جواد تعارك علمودج يكلهم لتنطوها
حسيت فرحه بداخلي بس ماريد يتعارك علمودي
خلصت عركتهم طلع جواد يباوعلي بنضرات ماعرفت افسرهم
جواد:زييينب تعالي صبيلي جاي
زينب: اي صار جايتك اسو لتصيرين كبالهم لان معصبين ليضوجوج اني بس اصب جاي واجيج
اي ميخالف روحيي
صعدت لغرفتي شفت ماما داكه عليه كامره رجعت اتصلت
عليها
خالده: يمه بنيتي حبيبتي شلونج شخبارج
أسيل :هلا يمه الحمدلله زينه وانتي
خالده: عساج طيبه يمه اعذريني صار هواي مداكه عليج ملتهيه بخواتج والبيت وابوج
أسيل: مومشكله يوم عادي تعودت وحدي ليضل بالك يمي
ليش يمه ليش هيج تحجين
أسيل:هاي هيه يماي عيني لتضوجين بس كوني بخير اني بخير
خالده: بعد روحي البنات من اروحلج فدوه دير بالج على نفسج واكلي زين بنيتي
أسيل: انشاءالله يمه إنشاءالله
سديته منها رغم امي لاحول ولا قوة شبيدها عائلتنا متشدده كلشش
بس اني اكسر هل قوانين العدهم محد يفرض شي عليه مااقبل
.
نزلت جوه امشي لبست دشداشه حلوه لونها وردي فاتح تخبل عليه وأخذت بشت وشالي ونزلت
صحت على زينب ويينج ولجج تعالي خل نطلع ضوجه
زينب: خاف يجي احمد وعلي شون
أسيل: معليج اني اكلهم مختنكه
يلا لعد بس البس عبايه واجيج
انتضرتها لبست واجتني
طلعنا نتمشي بل زرع لا إرادياً نزلت دمعه مني من اتذكر غياث
لهنا وشفته من بعيد اجه وكلبي راد يطلع من مكانه وعيوني تصب
وهو مدنك بس لمحني انطاني شبه ابتسامه ودنك
اني فرحت بداخلي يعني اكدر اكول بدايه جديده
.
عفت زينب كتلها هسه اجيج هيه كالت بسسرعه لحد يجي
عفتها ورحت يمه كتله هلاوو
هو باوعلي صفح كال وعليكم السلام ورحمه
دنكت خجلانه
كتله اكدر اكعد يمك كال تفضلي
أسيل: دائما اشوفك هنا شعجب وانت بيتكم مو هنا
غياث: احب اجي هنا نفسيتي ترتاح
لازم عندك حبيبه وجاي تشوفها هههههه
حجيتها وغصه صارت بكلبي مامتقبله اذا كلي احب
.
غياث: لا يأبه ويني وين سوالف الحب ماعرف اصلا شنو الحب بس اني هنا ارتاح
أسيل: اوففف همزززين عبالي تحب
غياث: ههه وشيهمج اذا حبيت أو لا
أسيل: هااا عرفت روحي شجفصت حاولت اسد الموضوع
لا هيج بس واحد يضوج
غياث:بلعكس الحب يكولون حلو بس جيب اليفهمك!
اسيل: اي صح يلا اني لازم اروح تأخرت..
عفته ورجعت ركض لزينب وطايره من الفرح
زينب: وجع حتى وجع وين جنتي تاخرتي
أسيل: عوووفيني مرتاااحه لج طلع ميحب ولا حاب بحياته
زينب: يي لان هو اصلا ميخلي وحده تتقربله مادري شعجب كعد يحجي وياج
أسيل: اسسكتي احس فراشات طايرهه بطنييييي
امشي نرجع لحد يجي
رجعنا نتمشا واني الابتسامه شاگه حلكي اول مطبينا شفت
صفوان واكف مخنزر بلعت ريك خايفه كتله هلو
صفوان: وين جنتن؟
زينب: بل بستان اسيل ضايجه تعرف من موضوع الخطوبه
صفوان:ممنوووع وحدجن تروحن افتهمتن!
أسيل: لا هاي هيه منروح بعد
عفيه يلا فوتن جوه
مشينا تلكتنا شيماء وعمه شكوو شبيكم
زينب: صفوان رزلنا هههههههه
شيماء:شكد سخيفه ليش تضحكين اكو وحده مترزله وتضحك
يمعوده عادي هههههههه
أسيل :اكلج عمه شو ماشوف علي هواي بلبيت شعجب
ام احمد: ولله ييمه حتى إحنا هو يبات بشغله قليل يجي
هااا مو اشوف ممتواجد هنا هواي
سكتت كاعده يمهم شويه واستأذنت صعدت صليت وتمدتت افكر بمستقبلي المجهول وغفيت
كعدت الصبح ع صوت العصافير وكفت شويه بل شباك
شباكي يطل ع البستان
لمحت واحد واكف يم وحده اريد انتبهه اكثر منو هذا
ولهنا اشوف غياااثث
انصدمت ودموعي تنزل واكفه هادئه بشكل مو طبيعي
