غبار الروح

الغموض 2

الغموض 2

قصة:غبار الروح
بقلمي :أليف الراء

‏أنا الشخص الذي يصل إلى عتبة الباب ثم يستدير ويعود بخطى ثابتة ، لأنه شعر لا الوقت مناسب ولا الباب يستحق الطرق .

امشيلة خطوة ويبتعد
ومن ابتعد يتدنه
ومن اضحك دموعه تصب
ومن ابجي يضحك سنّه
حالة تناقض بي احس
كل هالخلايا بهالعقل
ما كدرن يفهمنه .

.....للغبار لعنة ازلية .....
_____________________________
ميرال:اسمي معناه عيون الغزال والبحر الامع والحكمة والذكاء وحبيت اضيف من معاني الحزن ايضاً عائلتي متكونة من بابا وماما واخوان اثنين وثلاث بنات حالة المادية الحمدالله بس مو كلشي بالفلوس الراحة متعوضها كنوز الدنيا بعيداً عن المثاليات عائلتي بالاسم عائلة مفككة جدا سبب دمار حياتنا ام متسلطة وساعات حقودة ومؤذية وساعات حنونة وماكو منها عايشين التناقض ...عمري ١٩ بلشت قصتي
اني مو من البنات الي تأمن بالحب وتحب وتنحب جنت افكر بدراستي اكثر الشي بلا زواج بلا بطيخ هه سماني بابا لان امتاز بعيون واسعه وجميلة جدا وساحرة وتكون شكل ناعس بسيط ووملامحي جداً حادة وبنفس الوقت بريئة ولون عيوني اخضر وطولي ١٦٠ وزني ٦٥ رشيقه يعني وشعري جدا طويل ترا ها ممغرورة ....طبعا سافرة مالبس حجاب وحرية بس بحدود وبيوم دا امشي تأخرت عن محاضرات السادس وضيمة وجانت تمطر وباردة ثلج واني بالبرد خشمي يصير احمر عبالك باجية بس طبيعي المهم وكفت سيارة عالية سودة وشفت صديقتي سلمت وكالت