غبار الروح

الغموض 5

الغموض 5
القصة : غبار الروح
بقلمي : أليف الراء

هناك عتاب يأتي دون كلام
يأتي صامتاً بعمق وجعه
يأتي على هيئة نظرة طويلة
أو على هيئة انشغال دائم
يشبه التجاهل عتب به كل شيء
الا الكلام .......

يگول سادن :
من يتعب كل شي
بروح الانسان
يبدي يقاوم الدنيا
ببرودة .

باچر الدنيا تِجي بـ نَاس اعله گدنَه

للغبار لعنة أزلية
_________________

البداية المغبرة ك ارواحنا

رائف : مخنوك حيل احس ماعندي طاقه للمجاملات والقوة الزايدة والضحك والشقه مرات الانسان حتى من روحه يمل ويختنگ انو لُيش ماتعيش لحزن والفرح والمشاعر لحضة بلحضة لُيش لازم نكون دروع نواجه انفسنا بيها اعرف البس الدرع بمعركة ويا الارهاب احمي جيد هزيل  والبس درع من نفسي حتى اخفي واجمل حروب الي بداخلي حتى عقدي النفسية بسببهم اخااف من نفسي بعض المرات أأذي الاشخاص الاحبهم لذالك مبتعد لان صعب يكون عندك زوجة اب ظالمة مترحم واب ملتهي ب عملة ومامعترف بيك ميت عايش اتذكر من اريد انام تخليني انام لو بسطح بعز البرد لو بالحديقه وبدون فراش واني صغير بعز احتياجي للدفو لو بعد الصيف تعاقبني بالشمس برا لو تطردني وتحذرني اروح لعمامي او عماتي من الخوف ابتعد عن لبيت بس بمسافه بسيطة لو تجويني وكم مرة شلعت اظافيري لو تفور لمي بالجدر وتذبة ع جسمي وتفرفح روحي واصيح واتوسل واريد طعم الراحة ماكو لحد ما عاشت ويانه عمتي لان نفصلت كدرت ارتاح ويخف عني الاذى والضرب جانت شيطان بوجه ملاك احتوتني عمتي وكبرت واخذت شهادة وصرت ضابط بالعسكرية وعندي ولد عمي سند ظهري واختي شادية وناي من ابوية فقط لهسة افز والشهكة بروحي ......

_________

سادن : رجعت وشفت احقر مخلوقة بالدنيا كلها البنت الي قست گلبي واذتني وخانت وسوت اشياء واني يااغافلين الكم الله صعب من تحب انسان وتحسة مقدس وملاك ميغلط بس انته ممكن تغلط من تحب انسان وتجملة بعيونك وماتشوف حقيقته رغم هي واضحة وشكد يحضروك منه ماتتحضر الانسان الي حاسبلة غير شي يكون هو سبب دمارك وسرعتك بالغضب وانك متصدك احد ثاني
وكفت بنص لبيت وبصوت جمهوري شعنددددج هنااااا لازم تردين بعد تضوگين المر اني شگلتت البيت هذا مو يحرم عليج طبته  وضحكت واجت لزمت ايدي وكالت هاي شبيك حبيبي بعدك من تشوفني ترجف خل نرجع وننسى الي راح لان لا اني الغيرك ولا انته لغيري ممكن اذبحها لتاخذك وميرفلي جفن لزمتها واني كلي غضب وبكل غضب ركعت راسها بالحايط اجت امي وامها والبنات كلها تعيط استغفرت وطلعت وجودها يخنگني ويخليني انگلب وحش ومااحس بالي اسوي طلعت من لبيت ومادري وين اروح بلا وعي مني رحت لبيتها اي لبيتها ماعرف لويش من احس لدنيا تضيگ علية اروحلها اتمنى اضعف واشوفها ضعفي وتحن علية شفت بنت طلعت من بيتهم هي اعرفها من مشيتها وبيدها ولد صغير  وتمشي وتضحك ويا بعدين شالته فا لا ارادياً شغلت لسيارة وكفت يمها وهي انتبهت وسعت عيونها وخزرتني نزلت لجامة وحجيت ممكن تصعدين نحجي مااخذ من وقتج
ميرال : لا انته تخبلت رسمي روح منا بابا هاي منطقتنه بلة شافني احد شحجي شكول شهل اسلوب عيب ميليق بيك وبيه ورادت تمشي وجان لشارع فارغ نزلت وجريت ايدها وصعدتها غصب عنها وقفلت لبيبان وهي مستمرة .....
ميرال: انته صدُك ماتستحي وماعندك كل اخلاق ساعه لسودة ويوم الاسود الي شفتك بي شتريد مني زواج ماتزوجك نقطة راس سطر
سادن : دا امشي وياج ودا اكولج شتردين اسوي الج فلوس عقار بااسمج سيارة شتردين اسويلج بس وافقي
ميرال : سادن اني لروحي مالي خلگ مو انوب انسان متعوب مثلي اني اريد انسان يعالج جروحي ومو يزيدني جروح صدكني نهايتنه اتعبك واتعبني وبالتالي مانرهم بكل احوال شوف بنت ثانية تكدر تتحمل البيك والي بگلبك
سادن : صدكيني مااحبها بس مكسور اني مكسور مخذول متعوب مو فقط من وراها لا هوواي امور بحياتي بس تدخلين حياتي اتشوفين واتغير لخاطرج
ميرال : رجعني لو افتح لباب خل انزل راح يقلقون عليه اذا عدتها قسماً عظماً اگول لاهلي وانسى حتى ناي وصلتك بيها ابتعد عن طريقي شنو هل ملحة هاي شكد تلح لو تريد تنتقم من غيري بشكلي
سادن : بسيطة تمام ست ميرال انتي الردتيها جبتها وياج بالزين ماترضين تحملي الي راح يصير من ايدج ولا تلوميني واليوم راح تكون اسوء ليله بحياتج واندمج راح ماتعرفين اني منو وشنو وشگدر اسوي يلا انزلي بسرعههههههه نزلت وشخطت لسيارة واني ببالي مخطط جهنمي