غبار الروح

الغموض3

الغموض3
قصة:غبار الروح
بقلمي: أليف الراء

وتسألُني أتعشقُني تخيْل إنها تسأل!
بربِكَ كيفَ أسمَعُها ألا من نفسِها تخجل !
ألم تقرأ بأشعاري بأني قتيلها الأول ؟
وأني دونَ عينيها ضياعٌ ضائعٌ أعزلْ .

السيفُ في الغمدِ لا تُخشَى مَضاربُهُ
وسيفُ عينيكِ في الحالينِ بتَّارُ
_سادن
ذات العينان وسحرها

للغبار لعنة أزلية....
________________________________

كُلها تتفارّگ وتِنسى
شَمعنىٰ أني ؟
وذَيچ الأيام العظميّة
شلِون ناسِيها بّـ ثواني
ليّش ما صِرت مَثلك
ورحِت حَبيت ثانيّ ،
ليّش بَاقي لـ هَسة أتاني .

رائف : افتقدت العضيد الي ناسيني اتصلت وكتله ها من لگة حبابة نسى اصحابة
سادن: همة وينهم الاحباب راحو
رائف: لا تغير الموضوع اقصد الحب
سادن:اوو استاذ رائف يحجي بالحب شبيك ابوية عاشگلك وحدة
رائف:تدريني بعيد كل البعد عن هالشي
سادن: ظل ظل طلع الماضي بالحاضر الشي راح وانتهى
رائف : يعني كدرت تتخطى الطعنات لو كدرت جان هسة انته مزوج
سادن : لا مراح اتخطى بس الحياة تمشي ولزوم تمشي ويمكن اتزوج شمدريك انته
رائف : اوو حضرت النقيب يتزوج مطورين شنو مسوي بغيابي
سادن : مشتاقلك تعال  نلتقي بالكوفي وسولفلي ع علتك

رائف : علتي ماكو مثلها علة تعال ونسولف سديت الفون من سادن ابن عمي الوحيد الي مااضم عنة شي ومتخاوين من طفولتنة الوحيد الطيب والشخصيته رزنه وهادئ بس اذا عصب ميشوف كدامة ميضم مشاعرة يحب يعيش شعورة يكول القوة والمرجلة فاهمينها غلط عمرها مكانت بالهوبزة وشوفوني اني رجال لو بالضرب وكثر العركات عكسنا اني ممكن اذا اعصب اجرم واحب امدح نفسي واكول اني فلان وكذا بس مندخل شغلنه بحياتنا ابداااً حتى اهلنا محذريهم ممنوع تحجون بهل موضوع لان حساس بالنسبة النه سبحت وبدلت وطلعت اشوف سادن  بالكوفي وصلت لكيته منتظرني سلمت وكعدت
سادن : حيالله والله سولفلي شبيك اعرفك من تحجي وتصير تافهه معناها شاغلك شي
رائف : اي والله شاغلني موضوع حساس بشغلي ...........

____________________
ميرال: كاعدة احضر شعندي دروس واجت كارثة الكوارث
منار : اكولج مرمر
ميرال: ترا اسمي ميرال شنو مرمر احد كلج سراميك اني
منار: ترا بزعتيني شكد تتذمرين هذا لموجود
ميرال : هسة خير شرايدة
منار : اريد اجي وياج للمعهد ضايجة
ميرال: احد كلج اني من اروح اتونس لو ماخذتج ع حفلة لو ع مكان ونسة
منار: اختنكت وعطلة ولعبان نفس
ميرال : قهرتيني يلا وافقت اخذج  اجت تركض حضنتني
منار : الله ليحرمني منج يروحي
ميرال : خبلة مو صاحية لو كايلتلج لا جان دخل لبيت انذار من حقدج ضحكت
منار: فديت الفاهمني لا توافقين بالحالتين جان بقيت ادُكلج ناعم واتمسكن وانظف وامسح واتعلم لطبخ لخاطرج لحد متوافقين
ميرال: ايا ملعونه شمرت لقلم جان تركض وتغني
منار : ملعون ابو العشك ......
ميرال:
ثاني يوم بدلنا وطلعنة اجة لخط وصلنة للمعهد عفتها برا كوتلها اكمل محاضرات ونروح للمطعم شي واشوف ناية تجي ويانه لا
منار : شو ماكو مشفتها
ميرال : تتأخر يلا تجي
دخلت ورا شوي اجت ناية كعدت يمي كوتلها بهمس شو تاخرتي ،غير الغثيث هسة وصلني تأخر عشتو ميطلع اذا ميسبح ويغرگ روحة بالعطر الاجلح املح ع كولتج ضحكت كوتلها شبيج لازم مضوجج
ناي : اي والله المعقد ضل يدردم حتى بيوم عطلتي ست ناية عدها محاضرات ولوما عندي دورات واخاف ع اناقتي جان تكافشت ويا واجيت عصب ما عصب ع روحه جان صرنه يا قاتل يا مقتول
ميرال : والله كارثه انتي اضرب من منار
ناي : وربي مشتاقتلها متجيبيها
ميرال : لزگت روحها وياي وجبتها تنتظرنة عفتها برا وكلت نطلع ليوم نتونس تجين لا
ناي : ماافوت كعدتجن ومناگرجن بس اتصل ع معقد واكولة
ميرال : براحتج عمري كملنة وطلعنة وهي اتصلت ورجعت كالت وافق بس كال لتروحن بعيد حدجن بشارع فلسطين وبس كوتلها اي قابل وين نريد نروح نروح ناكل شي لانو جعت رحنه وجنه مندمجين نسولف ودا ناكل واجاني بوكية ورد
مكتوب :
وجانِت الصفنه اعلِه وجهك هيَ صحوَه وهيَ غفوه .
ميرال : كوتلها سوالف ابن عمج هاي
ناي : عزا مادري هيج رومانسي شبي وياي الصبح وجه يتلاطم
منار : يبو شهل رومانتك دا الله متت بالورد والكلام مال واحد صدُك كاعد من النوم ههههه
ميرال : وبغزل نعسان هيج يكون نتائجة عفت لبنات وطلعت برا جنت متاكدة موجود بعدة وشفت سيارتة تاهو عاليه مضلله .......
___________